روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۷
روزنامه ساقی آذربایجان
تبلیغات
آمار بازدید
  • 0
  • 697
  • 702
  • 1,334,898
سئوگی چایی

ائله کی قونشولاریندان آلدیغی سورمئیی یوماق الینده حیطرینه گیردی آناسی نین اؤسکورَگلری نین سسی قولاغینا دَیدی. بیر ایکی هفته اولاردی کی آناسی اؤسکوروردی آمما فیکیر وئرمه ییردی.
زئرزمینین دؤرد پیلله سیندن آشاغی یئندی ، بالا دربچه دن توخودوقلاری فرشین اوستونه بیر آز نور دوشموشدو. آناسی چوخ کال اؤسکوروردی . اوزونو فرشه دایامیشدی الی ایله بؤیرونو سیخیردی. چالیشیردی یئنه ایشله سین. او قده ر ضعیف و یورولموش نظره گلیردی کی اوغلونون اوره گی یاندی آناسی نین الیندن دوتوب سوروشدو : آنا حالین یاخشیدیر؟
زوریله دوداقلارین ترپه دیب دئدی: هئچ نه ییم دَییل، یاخشییام.
زئرزمی نین نملی قوخوسو اؤسکورتدو . اوز دوتوب آناسینا دئدی: بورانین هاواسی سنین اوچون یاخشی دَییل. گئت بیر آز استراحت ائله!
آناسی ناراحاتلیقلا دئدی: بیر بئله ایش اولا اولا نئجه استراحت ائدیم بالا؟! گرکدیر ایشله ییم.
اوغلان دئدی: بئله کی ایشله مک اولماز! سنین حالین قولایدیر! دور ! دور آیاغا!
آنجاق آناسینی قالخیزیب الیندن یاپیشیب یاردیم ائله دی ، زئرزمی نین پیلله لرین یوخاری چیخارتدی. بالاجا ائوده رنگی گئتمیش پالازین اوسته آناسینا یورقان دؤشک سالیب دئدی: بیر آز یات استراحت ائله من گئدیرم ایشله یم.
داها هیچ ایشیق دربچه دن دوشمه ییردی. فرش دستگاهینین دالیسیندان آیاغا دوردو ، زئرزمی دن ائشیگه چیخدی.آخشام اوستو هاوا قارالمیشدیر. ائولری نین چیراغین یاندیردی . آناسی هله اؤز یئرینده اؤسکورگ تؤکه تؤکه یاتمیشدیر. ایسته میردی اونو اویاتسین. سماوارا اود سالدی ، گئدیب دربندین باشینداکی دوکاندان ایکی دانا یومورتا آلیب گتیریب کاسانین ایچینده پیله ته نین اوستونه قویدو. چایدانا چای سالیب دَمله دی. سؤفره نی آچیب یئره آناسین سسله دی: آنا! آنا! دور! شام واختیدیر.
آناسی گؤزون آچیب دؤربری نظردن کئچیریب، قورو سس ایله دئدی: ایندییه قده ر من یاتمیشام؟! اوغلان دئدی: دور هه! دور…
اوغلان ایستکانا چای تؤکنده آناسی سوروشدو: چای قابیندا چای وار؟
اوغلانین رنگی آتیب ایستمه دی دوزون دییه….آنجاق دئدی: منیم بو ائو ایشلرینده هئچ الیم یوخدور. هر ایشی یاریم حاصیل گؤرورم. رنگی آتمیش چایی نئچه یول دوداقلارینا یاخینلاشدیریب قیرتی قیرتی ایچه رک، یارییا یئتیردی. اوندا چایی یاریمچیلیق یئره قویوب یورقانی اوستونه چکدی.
ایلان ووران کیمی اؤز یئرینده ویرنیخیب، اؤسکورگ تؤکوردو. گئجه کئچدیکجه دردی آرتیردی. رنگی قیپ قیرمیزی اولموشدور. سویوقدان ال آیاغی تیتره ییردی. دوداقلاری گؤیه رمیشدی. آنجاق اورک یاندیران ناله لری اوجالیردی….
اوغلان تله سیک، ائشیگه چیخدی، دربندلری زیل قارانلیق ایدی. قونشولارین قاپیلارین یوموروق ایله مؤحکم دؤیدو . بیر نفر ائولرین بیریندن سسله دی : نه اولوبدور ؟! یاواش اول! گلدیم.
اللی دؤرد یاشیندا بیر کیشی قاپیسین آچیب نیگران حالدا سوروشدو: هه اکبر! نه اولوبدو بالام!؟ بو گئجه یاریسی نه خبر دیر؟!
اوغلانین دیلی دوتوب دوتماز دئدی: ننه م – ننه م
کیشی نین آروادی دا اؤزون تر- تله سیک یئتیردی، دئدی: اکبر! بالا نه اولوب؟ دئ گؤروم!
اوغلان دئدی: ننه مین حاحاحالی چو چو چوخ قولایدیر…هه هه هذیان دئییر …پی پیس وضعده سیزیلداییر…
کیشی سول الی ایله باشین قاشییاراق دئدی: گئجه گؤزو بیزیم شانسیمیزی گؤرورسن؟! اؤلودن ناخوشدان تاپیر بیزی…
آرواد کیشی نین اوستونه قیشقیریب دئدی: کیشی! نه دئییرسن؟ ائشیتمه ییرسن اوشاق دئییر ننه مین حالی بتردیر؟! کیشی چیگینلرین چکیب دئدی: ناخوشدو؟! منه نه ؟!
آرواد ساغ الینی اوزونه ووروب ، کیشییه ساری گلیب دئدی: آوا ، آوا ، سنه نه !!؟!
کیشی دئدی: منیم پولوم هاردا اونو دؤکتوره آپاریم؟ دئییرسن پس منده پول وار؟
الی ایله دووار دیبینده داش ماشینی نا اشاره ائدیب دئدی: او میراثا قالمیشین الیندن آجی چایلار ، داغلار بوتون جانا گلیب. هر داشی اونا آتدیقجا داشلار ییه سیز قالماسین مندن دیلرلر! اوچ دؤرد آددیم داش ماشینینا ساری یوللاندی، داها قیزارمیش گؤزلری بئینینه چیخمیشدیر.
اؤز اؤزونه دئیینیردی. آنجاق کیشی نین سَسینه هامی ائشیگه چیخمیشدیر آمما هئچ کسدن هارای یوخ ایدی.
کیشی دؤنوب ائوینه گئده گئده دئدی: هه! من دئییرم ایندی کی زاماندا اؤلمک قالماقدان یاخشیدیر…
آروادین رنگی آتمیشدیر. اوغلانا باخیب دیلی دوتار دوتماز دئدی: بالا گل گؤروم ائوده دمله ملی دن زاددان نه وار… خلیل خوزجلی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز