ساقی میخانه ی عشق

اولدی کؤنلوم یئنه بیـــــــــر زولف چلیپا دلیسی
دوشدو زنجیره نه خوش یئرده بو سئودا دلیسی
عور و عریان، باش آچیق، اوز چئویریب صحرایه
قویدو مجنونو یــــــاری یولدا بو صحرا دلیسی
عاشیق سوخته دیــــر، بولبول شئیدا کـــی دگیل؛
کی اولوبدور دئیه سن بیــــر گول حمرا دلیسی!
ربّ اَرنی دیلی نین ذیکـــــــری ، دؤنوب موسایا
دشت ایمنـده اولــــــوب نـــــور تجلــــی دَلیــسی
چوخلارین مست قیلیب ساقـــی میخانه ی عشق
گؤرمه دی کیمسه منیم تک بئـــله رسوا دلیسی
دئمه فرهادیله مجنون دلیدیر بیر بَــــــــری باخ
بیری شیرین دلیسیدر، بیــــــــــــری لیلی دلیسی
کنج وحدتده تباه اولدی عزیـــــز عؤمروم حئییف!
اولمادی یار منه بیـــــــــــــــــر بُت زیبا دلیسی
خوشلاییبدیر گؤره سن هانسی مــــــــــــزارستانی
دئیین اول زاهیده ای بیـــــر کؤکه حالوا دلیسی
گول ایاغینده سحــــــر واختی ییخیلمیشدیم مست
بیری سسلندی کی ای بیـــــر گول رعنا دلیسی
سید ابوالقاسم نباتی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz