روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۶
روزنامه ساقی آذربایجان
تبلیغات
آمار بازدید
  • 0
  • 573
  • 798
  • 1,334,072
ساوالان

هر زامانکی باخیرام باشیـــنا قار وار گؤرورم
اوغلو اؤلموش آنا تک گؤزلرین آغلار گؤرورم
هر طـــــرفدن چکیلیب سینه‌وه داغلار گؤرورم
آی آلان اوستونو غم چیسگینی، هر یانی دومان
آی یاغان باشینا غملر اودو، یاسلی ســـاوالان
*
گؤرموشوک یازدا کؤچک­لرده چیچکلر آچــــیلار
هر طرفدن چیمنین سینه­ سینه گول ســـــاچیلار
ماهنی­لار قوشماغا باشلار یئنه­ ده قوشمــــاچیلار
یاز گلیب گئتدی یئنه گولمه­ دین اوچ آیدا بیر آن
آی یاغان باشینا غملر اودو، یاسلی ســـــاوالان
*
قرن لر کئچدی سنین گولمه­ دی بیر لحظه اوزون
قانلی یاش تؤکدو سارالمیش اوزونه یاشلی گؤزون
غصّه ­دن دؤندو قارانلیق گئجه اولدو گونوزون
نه سـوران حالینی اولدو نه وئرن جیسمیوه جان
آی یاغــان باشینا غملر اودو ، یاسلی ساوالان
*
آند وئررم سنی او قانه بلنمــــــــــــــیش داشیوا
گئجه-گوندوز او گؤزوندن تؤکولن قان یاشــیوا
اورگین دردینی بیلدیر او «سهند» قارداشــــیوا
سنی وارلیق- سنی تانری- سنی بو آه­ و فــــغان
آی یاغان باشینا غملر اودو، یاسلی ســــاوالان
*
سالارام یادیما بیر لحظه او کئچمیـــــــش­لریوی
تؤکولن سنگ جفائیله او دورر دیشــــــــلریوی
ایزلرم بیر بیر او حئیرت یارادان ایشــــلریوی
هامی­دان من سنین احوالینا آرتیق نـــــــــیگران
آی یاغان باشینا غملر اودو، یاســــلی ساوالان
*
ساکیت اول، آغلاما قوی بیرجه چکیلسین بو دومان
گون چیخیب ظولمتی بیر یوللوقا قووسون بورادان
«نبی» گلسین، بوز آت اولسون یئنه داغلار آتیلان
«هجر»ین بلکه ییغیلسین گؤزو یولدان، آناجان
آی یاغان باشینا غملر اودو ، یاسلی ســــــاوالان
*
سؤندوره بیلمه­ دی گؤز یاشین اور­کدن اودووی
چاغیریم قوی کؤمک ائتسین سنه اؤز ائولادیوی
افــــــــــتخاریله بوگون ذیکر ائده­ رم پاک آدیوی
مرد اوغوللار بئجریب خلقه وئرن شؤهرت و شأن
آی یاغان باشینا غملر اودو ، یاســـــلی ساوالان
*
«بابکین»گئتدی سه بوش قالمادی آمما قوجاغین
دولودور مین ائله اوغلانلاریلا هر بوجــاغین
نه قد‌ه ر یئل اسه طوفان قوپا سؤنمز اوجــــاغین
ای بلالر سپری ، خالقا یامان گونده آمـــــــــــان
آی یاغان باشینا غملر اودو، یاسلی ســــــاوالان
*
چنلی بئلده «ده­لی­لر» قوی یئنه قورسون بوساطی
قوچ کوراوغلو یئنه جولانه گتیرسین قـــــــیرآتی
هئچ زامان اصلین ایتیرمز او کی دوزگوندو ذاتی
آند اولا آدیوا، آی گؤزلری آغلار- یاشـــــی قان
آی یاغان باشینا غملر اودو، یاسلی ســــــاوالان
*
سن دؤیوشلرده بیر آسلان کیمی دوردون آیاغا
اوخ آتیلدیقجا بیزه سینه­ نی وئردین قــــــــاباغا
غم یئمکدن داها جانیم یئتیــــــــــــشبدیر دوداغا
نه یامان گونلره گؤر قالدی بو احساســلی بالان
آی یاغان باشینا غملر اودو، یاســـــلی ساوالان
*
بابالاردان بیزه قالمیش بو مثل هاممــــــی بیلیر
سو گلن آرخا دئییبلر یئنه بیرگــــــــون سو گلر
فلکین داش اورگین آه اوخــــــــو آخیردا دَله ر
«بارز» اوغلوندا یئتر سئودیگی یاره او زامان
آی یاغان باشــینا غمللر اودو، یاسلی ساوالان
بارز

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز