روزنامه کثیرالانتشار سراسری صبح ایران
به دو زبان ترکی و فارسی

۱۳۹۶/۱۱/۰۲
روزنامه ساقی آذربایجان
آمار بازدید
  • کاربران حاضر: 1
  • بازدید امروز: 486
  • بازدید دیروز: 844
  • کل بازدید ها: 531,174
سن اونو دئییرسن …!

– سلام جئیران ‌باجی! بازاردان گلیرسن؟ نه تئز قاییتدین؟ هله ساعات اون بیر اولماییب، نه آلمیسان؟
– سلام، باجین اؤلسون باجی! بیزیم کیشی‌لریمیز کیشی دئییل‌لرکی. د‌ده‌م یاندی، قول‌دان دوشدوم. تون‌به‌تین‌ـین اوغلو دئیه‌سن ات یئمه‌سه عملی آشماز! بیرآز ات‌دن، قیویر- زیویردان آلمیشام؛ سن‌هارا؟
– بازارا گئدیردیم، ات آلاجاغام. آللاه‌دان گیزلین دئییل سندن نه گیزلین؛ بیز ار- آرواد گونده بئش کیلو ات یئمه‌سک دولانانماریق. بیزیم کیشی ات‌سیز خؤره‌یه اصلاً دیلینده وورماز.
– سن اونو دئییرسن…! کیشی‌لرین تیفاغی داغیلسین. او بیرزاد دئییل کی. بیزیم کیشی هرگون تک‌جانینا بئش کیلو اتی ائله صوبحانیه بیر یئرده یی‌یر، دورار آیاغا.
– سن اونو دئییرسن…! آی جئیران باجی او نمنه‌دیر کی، بیزیم قردش‌گیل بیر آزدا اوشاقلی‌دیلار، گونده ناهار بیر قویون کسمه‌سه‌لر ائولرینده قان سو یئرینه آخار.
– سن اونو دئییرسن…! جاوان جانیوا آند اولسون، بیزیم غلامحسین هرگون ساعات دؤردده گئده‌ر ساللاخ‌خانایا بیر جانلی بیزوو کسدیریب، گتیرر ائوه؛ کلّه‌پاچاسین صوبحانیه، قالانیندا ناهاراجا یاوان-‌یاوان اوجاق اوسته یی‌ییب، دورارلار آیاغا. اوغلانلارینین پئیسری ائله‌بیل مال پئیسری‌دیر. اویان بویانا دؤنمز.
– سن اونو دئییرسن…! رحمت‌لیغین قیزی خبرین یوخدور؛ بیزیم یوسوف‌گیل‌دن دئسم اینانماسان. یالان دییه‌نین ائوی ییخیلسین؛ بالالاری اؤلسون. دونن سحر یئکه بیر اینک کسمیشدیلر، ناهار چاغی ائولرینده ات اوسته داوایدی. خارابادا بیر پونزا ات تاپیلمیردی گؤزه سوتماغا. ائوی ییخیلمامیش‌لار ائله‌بیل اؤژدورلر.
– سن اونو دئییرسن…! یازیق گؤرمه‌میسن کی یالان دئسم بئله سحره چیخماییم؛ اوچ بالامین جانینا آند اولسون؛ بو اؤلو اوزومه باخاسان؛ بیزیم زولئیخاگیل گونده ناهارا بیر ده‌وه، شاما بیر ده‌وه، ناهارا بیر ده‌وه شام بیر ده‌وه. دئییرم قارینیز شیشسین بیر بئله اتی نجور یئییرسیز آخی؟
– سن اونو دئییرسن…! کاش بیر دفعه یولون دوشه بیزیم رجب‌گیله، گؤره‌سن یئماخ نه‌جور اولار. باخما‌ها اونون بیر قاریش بویونا! یالان دئسم ایکی گؤزوم کور اولسون. سنین جانیوا، بالالاریمین جانینا، بالالاریوین جانینا، جاوان قارداشیمین جانینا، جاوان قارداشیوین جانینا آند اولسون، دیلیم لال اولسون ایه بیر کلمه یالان دئسم؛ نفر حئسابی هرگون آداما صوبحانیه ده‌وه، ناهارا ده‌وه، شاما ده‌وه یئمه‌سه‌لر او گون آخشام اولماز. تون‌به‌تین‌‌ین قیزینا دئییرم آخی نه خبریزدی؟ بیر بئله ده‌وه یئییرلر؟ ده‌وه یئماخدان اؤزوزده ده‌وه اولموسوز. اودا دئییر قرده‌شیوه دئ با، بیر گون ده‌وه پیشیرمه‌سم منی بوشار. باغیشلا جئیران باجی بیر آز تر-تلسیک اولدو. ایجازه وئرسن گئدیم ایندی کیشی ایشدن، اوشاخلار مدرسه‌دن گلرلر. اه، کیشی‌لرین آتاسینا لعنت. قویمازلارکی آدام ایکی کلمه دانیشسین. سن ده کی همیشه آدامین سؤزون یاری- یاریمچیلیخ قویارسان….
بؤیوک‌آغا افندی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
سامانه پیامکی
آذربایجانین گوزه للیک لری
پیگیری وعده مسئولان
تصویر روز