روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۸/۲۸
روزنامه ساقی آذربایجان
آمار بازدید
  • کاربران حاضر: 1
  • بازدید امروز: 286
  • بازدید دیروز: 1,499
  • کل بازدید ها: 875,567
« سوری » مرثیه سی

فلکین قانلی الیندن بیر آتیلمیش یئره اَندی
بیر فلاکت آنانین جان شیره سیندن سوتون اَمدی
بو للو نیسگیل شله سین چیگنینه آلدی
تای توشوندان دالی قالدی
ساری گول میثلی سارالدی
گونی تک باغری قارالدی
درد الیندن زارا گلدی
گونی گوندن قارا گلدی
خان چوپانسیز سِلَه تاپشیرسین اوزون ،
یوردوموزا بیر سارا گلدی
بیر وفاسیز یار اَلیندن ،
یارا گلمز سانا گلدی
بیر یازیق قیز جان اَلیندن جانا گلمز جانا گلدی
گئچه جکده الموت دامنه سیندن بورایا درمانا گلدی
بیر آدامسیز سوری آدلی
اَلی باغلی ، دیلی باغلی
سوری کیمدی؟
سوری بیر گولدی ، جهنمده بیتیبدی
سوری بیر دامجیدی ، گؤزدن آخاراخ اوزده ایتیبدیر
سوری یول یولچوسودو ایری ده یوخ دوزده ایتیبدیر
سوری بیر مرثیه دی اوخشایاراق سؤزده ایتیپ دیر
او کؤنول لرده کی ایتمیشدی اَزلدن ،
اودو گؤزدن ده ایتیپ دیر
سوری بیر گؤزلری باغلی ، اوزو داغلی ، سؤزی داغلی
اولوب هاردان هارا باغلی
بُوشلاییب دوغما دیارین ، اوموب البته یاریندان
اَل اوزوب هر نه واریندان
قورخماییب شهریمیزین قیشدا آمانسیز بورانیندان نه قاریندان
گزیر آواره تاپا یاندیریجی دردینه چاره ، تاپابیلمیر
چوخ سئویر عشقی باشیندان آتا امما آتا بیلمیر
اُوا باخ اُوچو دالیجا قاچیر امما چاتا بیلمیر
ایشه باخ لیلی دوشوب چؤللره مجنون سوراغیندا
شیرین الده تِئشه ، داغ پارچالاییر فرهاد اوتورموش اوتاغیندا
تشنه لب قوم نئجه گؤر جان وئریر دریا قیراغیندا
گؤزده حسرت یئرینی خوشلاییب ، ابهام دوداغیندا
وارلیغین سون اثری آز قالیر ایتسین یاناغیندا
سانکی بیر کؤزدو بورونموش کوله کورلوق اوجاغیندا
کؤزه لن پیلته کیمی یاغ تؤکنییدی چیراغیندا
بوی آتیر رنج باغیندا ، قوجالیر گنچ چاغیندا
بیر آدامسیز ، سوری آدلی
اَلی باغلی ، دیلی باغلی
سوری جان اومما ، فلکین یوخدی وفاسی
نَقَدَه ر یوخدی وفاسی او قده ر چوخدی جفاسی
کهنه رقاصه کیمی هر کسه بیر جوردی اداسی
اوُ ایاقدان توشی ایستر کی ایاقدان سالان اولسون
او تالانمیشلاری ایستر گونی گوندن تالان اولسون
او آتیلمیشلاری ایستر هامیدان چوخ آتان اولسون
او ساتیلمیشلاری ایستر قول ائدر کن ساتان اولسون
نئیله مک قورقو بوجوردو فلکین نظمی ازلدن
اولوب اجدادینه باغلی
قره سیز ، آقلار اولانماز
دره سیز ، داغلار اولانماز
اولوسوز ، ساغلار اولانماز
گرک هر بیر گوزه له ، بیر دانا چرکین ده یارانسین
بیره انسین یئره گؤیدن ، بیریده عرشه اوجالسین
بیری چالسین ال ایاق غم دنیزینده
بیری ساحیلده سو ینجیله دایانسین
بیری ذلت پالازین باشه چکیب یاتسادا
آنجاق بیری نین بختی اویانسین
بیری قویلانسادا نعمت لره
بیری ده قانه بویانسین
بیر آدامسیز ، سوری آدلی
ساچلاریندان دارا باغلی
نئیله مک ایش بئله گلمیش ، چُور گلنده گوله گلمیش
کمانین ایری کمانیندا اولان اوخ آتیلاندا دوزه دگمیش
دیلسیزین باغرینی دلمیش ایری قالمیش دوزی اگمیش
اونا خوشدور بو فلک ائل ساراسین سئللر آپارسین
بولبول حسرت چکرک گول ثمرین یئللر آپارسین
قیسی چوللرده قویوب لیلی نی محمللر آپارسین
خسروی شیرین ایله ال اله دیرسین
فرهادین قامتین اَیسین
باخاراق چرخ زمان نشئه یه گلسین ، کئفه دولسون
سوری لار سولسادا سولسون
بیری باش یولسادا ، یولسون
سیسقا بیر اولدوز اگر اولماسا اولدوزلار ایچینده ،
بو سما ظولمته باتماز
داش آتان ، کول باشی قویموش ، داشینی اؤزگه یه آتماز
سن یتیشسن هدفه ، اوندا فلک ، مقصده چاتماز
داخی افسانه یارانماز
سوری آی باشی بلالی ، زمانین قافلی غزالی
سوری بیر قوشدو خزان آیری سالیبدیر یوواسیندان
اَل اوزوبدور آتاسیندان
جوجه دیر حئیف اولا سوت گؤرمه ییب اصلان آناسیندان
درد وئره ن درده سالیب ، امما خبر یوخ داواسیندان
آغلاییب صیدقایاراق بهره آپارمیر دوعاسیندان
بونا قانعدی تنفس ائله ییر یار هاواسیندان
او بیر آئینه ده رسام چکیب اوستونه زنگار
اوندا یوخ قدرت گفتار
گنچ واختیندا ،دل آزار
گؤره سن کیمدی خطاکار
گؤره سن کیمدی خطاکار
عاصم اردبیلی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز