روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۱۰
روزنامه ساقی آذربایجان
تبلیغات
آمار بازدید
  • 0
  • 5
  • 784
  • 1,337,274
سید ابوالقاسم نباتی

سید ابوالقاسم نباتی ۱۹ اینجی عصرین آذربایجان ادبیاتی نین گؤرکم‌لی سیمالارینداندیر. اونون نباتی، خان‌چوبانی، مجنون‌شاه و باشقا تخلص لرله یازدیغی اثرلر هله اؤز ساغلیغیندا الدن اله گزیر، ائلدن ائله یاییلیردی. شاعرین بیر چوخ شعرلری آذربایجان سرحدلرینی آشیب، تورکیه، اورتا آسیا اؤلکه لرینه‌ده گئدیب چاتمیشدیر.
اونون اصیل تخلصی «نباتی»دیر او بیری‌لر ایسه خلق طرفیندن وئریلن آیامالاردیر.
بودا اونون ایشی، مسلکی و شیدالیغی ایله علاقه‌دار دیر.
او گنج‌لیک ایللرینده ائلین چوبانی اولموشدور. اونا گوره‌ده ائلده «خان‌چونانی» آدیله تانینمش‌دیر. او عین زاماندا «گوران» صوفی فرقه سینه داخیل اولوب بَرک آیاقلی، محکم عقیده‌لی پیرینه مسلکینه صادق، واله، شیدا و سرگشته اولموش و شیدالر کیمی یاشامیشدیر، بونا گوره‌ده ائل ایچینده اونا «مجنون» و «مجنون‌شاه» دئمیشلر.
نباتینین دوغوم و اؤلوم ایللری دقیق معین‌لشدیریل‌میشدیر. تحقیقات‌چیلار اونون ۱۹ اینجی عصرین ایلک ایللرینده دوغولدوغونو قئید ائدیرلر. معلوم حقیقت بودورکی، نباتی جنوبی آذربایجان و قاراداغین «اوش‌تیبین» کندینده آنادان اولموش، بیر مدت اهر شهرینده، سونرا موغاندا یاشامیش دیر، قوجا یاشلاریندا دوغما یوردو اوش‌تیبینه گاییتمیش و اورادا وفات ائتمیشدیر.
اولدی کؤنلوم یئنه بیر زولف چلیپا دلیسی
دوشدو زنجیره نه خوش یئرده بو سئودا دلیسی
عور و عریان، باش آچیق، اوز چئویریب صحرایه
قویدو مجنونو یاری یولدا بو صحرا دلیسی
عاشیق سوخته دیر، بولبول شئیدا کی دگیل
کی اولوبدور دئیه سن بیر گول حمرا دلیسی!
ربّ اَرنی دیلینین ذیکری، دؤنوب موسایا
دشت ایمنده اولوب نور تجلی دلیـــــسی
چوخلارین مست قیلیب ساقی میخانه عشق
گؤرمه دی کیمسه منیم تک بئله رسوا دلیسی
دئمه فرهـــادیله مجنون دلیدیر بیر بری باخ
بیری شـــــیرین دلیسیدر، بیری لیلی دلیسی
کنج وحدتده تباه اولدی عزیز عؤمروم حئییف!
اولمـــــــــادی یار منه بیر بوت زیبا دلیـسی
خوشـــلاییبدیر گؤره سن هانسی مزارستانی
گول ایاغینده سحر واختی ییخیلمیشدیم مست
بیری سسلندی کی ای بیر گول رعنا دلیـسی
بیر آییل گؤر کی نباتی نئجه اوراد ائیــــــلیر
نه یاتیبسان بئله؟ ای بیر گؤزو شهلا دلیــسی!

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز