ائـودن چؤله چـیخدی قیز
قـیزیـن آدیـدی “اولـدوز”
بیــردن آیــاغـی زویــدو
اونـــو یئـــره ووردو بـوز
* * *
دوردو اؤتــدو بــوز اوسته
او گــؤزه‌ل بـویـو بـسته
اوزون تــوتــدو قــارلارا
سؤیله‌دی خـسته – خـسته:
* * *
“شاخـتا بـابـا ، قـیش بـابـا
بوردان تئز سوووش بـابـا
گئــت گـونـشلی یـئرلره
اونــلاردا قـیزیـش بـابـا !
* * *
اودومـوز یـوخـدور بیزیم
ائـومیز سـویوخـدور بیزیم
بـیزی اینـجـیـتمه آرتـیق
دردیمیز چوخدور بیزیم …”
* * *
قـار شیشـدی گولله اولدو
قـیزیـن آغـزیـنـا دولـدو
“یــالان دئیــیرسـن منه ؟!
اودون‌لاریـز کی بول‌دو!”
* * *
قیــز شـاختادان اوتـاندی
“دوز دئیـیرسن … یـالاندی ”
یــانـاقــلاری قــیـزاردی
شــاخــتادا اونـو آنــدی
* * *
قــیز داهــا اوزه گلــدی
شــاخـتایـلا دوزه گلــدی
هــوولایـــاراق اللــریـن
آســتادان سـؤزه گلــدی:
* * *
” اودون‌لار واردی، چوخدو
آمـما ائـومــیزده یــوخدو
گئــت گـونـشله قاییت گل
بــیزیــم بورا ســویـوخدو
* * *
گــونشلیــکـــده آی‌دا وار
اوردا سـنــه تــــــای‌دا وار
قـــیزیــب مــورگــوله‌ینده
یـوخــونــا لای- لای‌ دا وار”
* * *
شـــاختا بــابــا دایـانــدی
اوشــــاغـا کـؤنـلو یـانـدی
دوشــونـوردو ائـــله بــیل
اؤز- اؤزونـــدن اوســاندی
* * *
آغــیر – آغــیر قـار یــاغیر
گـــؤیــلرده نه وار یــاغیر
مــن یـادا قـار نئـیله‌سیــن
بــاخ، او قـار ناچـار یــاغیر
* * *
بــا خـما کی ایندی قار وار
قــیزیم، تابلاش … باهار وار
هـــر بـــاغــلی بـیر قاپییا
ایـــنان کــی بیر آچار وار
* * *
قــیش دا گــئدر ، سوووشار
گــــولـــلو یـازا قـــووشار
قوشلار گول- چیچک اوسته
یــــازا نـــغمه‌لــر قــوشار
* * *
قــیزیــم بیــل نـه اولاجاق
یـــاز انتــــقام آلاجـــاق
قیش گئده‌جکدی … پیسلیک
تــک کــؤمــوره قـالاجاق.
* * *
اولــــدوز دئـدی: “قیش بابا
بــوردان گئت، سوووش بابا!
نـــه اولار بیــــزه خـــاطیر
یــازا تـــئز قـــوووش بـابـا!
* * *
قیـــش بـابـا آخـدی کئتدی
اولــدوزا بـاخـدی گـــئتدی
قـار چـیـچـگین هـر یـــئره
الـــی‌لـه تـاخـدی گـــئتدی
* * *
گــئتدی یــازا قـــوووشسون
ســـؤزه- ســـازا قــووشسون
اوشـــاقـــلار اویـــونـونـدا
شـــن آوازا قـــوووشـسون.
ع.ن.چاپار