روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۸
روزنامه ساقی آذربایجان
تبلیغات
آمار بازدید
  • 1
  • 571
  • 721
  • 1,335,493
شاعرو ناطق

ناطق کیمدیر؟
و شاعر ایله نسبتی و باغلی اولدوغو نه ده دیر ؟
ملی مسئله نین , هیچ بیر سلیقیه , عقیده یه , اینانیشا , گونوله ؛ ذوقا ایشی یوخدیر و کیمین نه سئودیگی – نه سئومه دیگی , ساغ سئودیگی , سول سئودیگی و یا بویولدا – او یولدا اولدوغو گوزده دگیل , و هر کیمین ئوزونه اویغون و ذوقونا باغلی اولان ایش و باجاریق ئوزونه باغلی اولان بیر موضوعدیر , آنجاق هامیلیق بیر ایش و عمومی بیرمسئله داها بیر صنفین , بیر طبقه نین دگیل – بلکه هامونوندیر .
دینی و اخلاقی شعر یازان شاعر , مصیبت و غم یازان شاعر , قیرمیزی یاناقدان و بادامی گوزدن قیزغین دانیشان شاعر , هابئله الی قابارلی و ظلم آلتیندا بئلی بوکولن ایشچیدن دفاع ائدن شاعر , هر نه سئورسه و هر نه بیلرسه دوغری و دوزگون بیر حالدا یازمالی و قوشمالیدیر .
اصولا وارلیق و یاشاماق بونا گوره دیرکی هر بیر انسان , بو گئنیش دنیادا آچیق و گوزه ل یاشاسین و قورتولوش لار نعمتلریندن دویونجا ثمرلر گورسون , بونلاردان باشقا , انسان اولان بیر کیمسه گوزه للیکلر , باجاریغلار , خوش گونلر و بوللوقلار سئومه لی , هامودان آرتیق انسان اوغلی انسان سئومه لیدیر .
انسان , بورادا هامیدیر , ایستر قره , ایستر آغ , ایستر عرب , ایستر فارس و ایسترسه ده هندی .
آنجاق بوتون بونلارین اله گلمه سی و بوتون بونلارین یارانماسینین ضامینی و دایاغی , یالنیز قورتولوش و حرکتدیر , بس قورتولوش سئون بیر انسان , هر شئیدن اول ئوزون اسارتدن , بوغونتودان قورومالیدیر .
ایندی بو , شاعرین ملی و شرفلی وظیفه سیدیر کی ملیت و وطن آدلی گمینین نجاتی اوغروندا قول وورسون و قانات چالسین , شاعر گوزه ل سوز یازان گوزه ل شعر قوشان , و دوزگون اخلاق ئوگردن اولدوغو حالدا , درین حق یولوندا چالیشماسیدا اولدوقجا گوزه ل و گرکدیر .
شعر ,شاعر ایله اوخویانین آرلسیندا رابط و ائلچی اولدوغو کیمی و شاعرین – احساساتین و عواطفین اوخویانا و ائشیدنه منتقل ائله دیگی کیمی , شاعرده , حقانیت ایله خلقین آراسیندا دوزگون بیر ایمان و پوزولماز بیر صفت صاحبی اولمالیدیر .
شعرین مقامی , شاعرین اوجالیغی , اونون رسالتی و ائلچیلیگیدیر ؛ بس شاعر یالنیز سوز دوگونله ین قافیه , وزن , هیجا قوشان و ئوزی اوچون خصوصی و درویشی بیر دنیا یارادان دگیل , او بیر خلق معلمی , خلق نقاشی , خلق بایراقچیسی و هابئله خلق گمیچیسیدر .
اونون شعری , فلسفه , حکمت و ئوزی بویوک بیر نظر صاحبی و ملی بیر شخصیت دیر , بونا گوره بو ملی شخصیت گرک مستقل , گرک سئومه لی و گرک ایگیت و قهرمان بیر کیمسه اولسون , و یا آچیقجاسی بو کی اجیر اولماسین و حق یولوندا جانیندان اسیرگمه سین .
شاعر , سفرالار باشیندا , اونا – بونا کیچیلن , ئوزگه آراسیندا هضم و حل اولان دگیل , بلکه او , ئوزی ملی حرکت قوران , ملی سوفرالار آچان و اوجا یاشایان و هابئله هامونی قارداشلیغا چاغیران بویوک بیر انساندیر حاصل بو کی , بیر شاعر و یا هر باجاریق ییه سی , و هر عقیده و مرام صاحبی , اول گرک ئوزون , ملتین , تاریخین , و دیلین بیلیب و سونرا ئوزگه لری و عقیده لری بیلسین , و تانیسین , چونکی بونلاری بیلمه دن , او بیریلری بیلمک دوغری و طبیعی اولا بیلمز , یعنی ئوزون تانیمایان ئوزگه نی تانیا بیلمز .
و بونلارین حتی میلیوندان بیریده مراغالی حسین کریمی اولابیلمه ییبلر کی ادعاسی اولمادان و پاپیون نه شئی اولدوغون بیلمک ایسته مه دن , کندلرده , شهرلرده , یاخینلاردا اوزاقلاردا میلیونلارجا ایران و حتی عراق تورکلرینین اورگینده بسلنمکده و دیللرینده ازبر اولماقدادیر .
بیر گون اولارسا , تانری کمک ائدرسه , بو کیشینین ملیت حقینده غیرت و همت شخصیتینی یازماغی ئوزومه بورج بیلیرم , چونکی بو کیشی , توتورلار , باسیرلار کسیرلر دئمک یئرینه و عذر و بهانه عوضینه یورولمادان گئجه – گوندوز چتین چتین باتلاقلاری , تیکانلیقلاری , دره لری , داغلاری , هابئله آلچاقلاری , اوجالاری و حتی تهمتلری آشماقدا و ملی یولون دوزگون گئتمکده دیر , بونسوز کی قافاسیندا طمع و یا ریاست اومماسی اولسون , چونکی منتسیز اولان چورگی. ساده اولان بوز باشی اونون اوچون ان بیر ینجی خانلیق و شاهلیقدر , دئمک شرف و خلق اوچون و ملیتی اوچون چالیشان بیر انسان داها تجملی و بزگی نئیلیر؟
و یا بویوک شاعریمز علی آقا واحد دئمیشلی ( یارین سئون عاشق داها جان و تنی نئیلیر ؟ )
تبریزلی علی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز