روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۸
روزنامه ساقی آذربایجان
تبلیغات
آمار بازدید
  • 1
  • 183
  • 721
  • 1,335,105
شاعرو ناطق

ناطق کیمدیر؟
و شاعر ایله نسبتی و باغلی اولدوغو نه ده دیر ؟
ناطق , هر گون دانیشیلان و ایشله نیلن سوزلر ایله , خلق ایچینده تانینمیش اولان کلمه لر ایله , یوز باخیشین و هدفین ئوز ائشیدنلرینه دوزگون و جانلی بیر حالدا تانیتدیریر .
او , بو گونده لیک و دایمی اولان سوزلر ایله , ائشیدنلرین ذهنینده بویوک بیر تحول و دونوکلوک یارادیر , هابئله هر گون آغیزدان آغیزا گزن و سویله نیلن سوزلری , گوزه ل گوزه ل و آیدین بیر قورولوش ایله یئنیدن تانیتدیریر و یئنی دن ائشیتدیریر .
بئلئیکی بو سوزلری , سانکی ایندییه کیمی ائشیتمه میشدیلر , گونده لیک اولان سوزلر. همان گونده لیک اولان سوزلردیر , آنجاق بو , ناطقین و کسگسن و عالم دانیشانین هنری و باجاریغیدر کی اونلارا جان باغیشلایر و روح – وئریر .
فرانسانسن بویوک انقلابیندا , انقلابا ایتیلیک وئرن و خلقی یئنی یولا درین ایناندیران ( روبئسپییئر ) آدلی بیر ناطق ایدی .
بو بویوک کیشی , بویوک جامعه یولچوسی ( روبئسپیئر ) همان گونده لیک سوزلر و کاغذا اوسته یازیلان و آغیزلاردا گزن سوزلری , دوزگون و کسگین بیر قلینج کیمی حق یولوندا ایشلتدی و انقلابا جان و روح وئردی .
همان گونده لیک سوزلردن , روبئسپییئر حرکت توره تدی , قورلارو اود لار یاقدیردی .
اوروپادا روبئسپییئر , شرقده خیابانلی محمد کیمیلر و تورکییه میزده عصمت و کمال پاشا همان گونده لیک سوزلر ایله یوز ایللرجه ترپشمیین بئینلری و کهنه قافالاری حرکته و دونوکلوگه گتیردیلر , بئلئیکی بو ترپشمیین بئینلرو قافالار یوز ایللر بویوجا هیچ بیر کولونگ و قازما ایله ده آچیلمازدیلار .
بس گورونورکی شعر – شعردیر , بویاق – بویاقدیر , سوز – سوزدیر .
آنجاق ؛ بو شاعر , بو رسام , و بو ناطق و سوز استادی دیر کی اونلارا جان وئریر و روح باغیشلاییر .
اللی مینلیک , یوز مینلیک بویوک بیر توپلانتیدا و میتینگده باجاریقلی و هنرلی بیر دانیشان , ئوز دیری و جانلی دانیشیغی ایله , درین درین سوزلری ایله اللی مین و یوز مین توپلانتیلاری ترپه دیر , حرکته گتیریر و توپ کیمی سچرادیر .
ناطقین سوزلرینه قولاق آسانلار یوزلرجه دفعه بو سوزلری اورادا – بورادا , و اوندان و بوندان ائشیدیبلرسه ده , انجاق بورادا بو سوزلره باشقا جوره قولاق آسماقدا و درینده آنلاماقدادرلار , چونکی بو سوزلری ناطق ئولچور , منظم ائدیر و بئجردیر , و سونرا اونلارین واسیطه سیله دوشونجه لره قانات گریر و هابئله ایتی و کسگین بیر نفوذ آلتینا آلاراق هدفه دوغری ایره لی سورور.
هر گون گوردوگوموز جامعه نی , و اوندا اولان انسانلاری , قورولوشلاری , یاشایشلاری , رابطه لری , آشاغینی – یوخارینی , حاکمی , محکومی , یاخشینی – پیسی سچرایشلی اولاراق یئنی دن گوستریر و یئنی دن جانلاندیریر , و اونون کلامیندا اولان نفوذ و بیان و سوزونده اولان تاثیر , یوزلر و مینلرجه گولله دن توپدان استبدادی فرمان دان آرتیق کسرلی و بیچرلیدیر .
بونلار ایله بئله , ناطق هر کیم اولورسادا اولسون , آنجاق اونون کلامی او زمان نفوذ و اثرلیدیر کی ئوزونده ده دانیشدیغی سوزلره و هدفه دریندن ایمانی و اعتقادی اولسون , بونلاردان باشقا , ناطیق ئوز دئدیکلرینه بسله دیگی ایمان و اینانیش بو سوزلری داها اثرلی و یئریشلی ائدیر , بئلئیکی بورادا , گوزه للیک ایله ایمان – اولدوقجا بیرله شر و انسجام تاپار .
تورکجه بیر مثل واردیر کی دئییر ( قیلنج – قیلنج دگیل وورانی قیلینجدیر ) بونا گوره آیدیندیر کی قیلینج ووران هر نه قده رده قیلینج وورماقدا باجاریقلی و بیلیجی – اولسا هابئله اونون قیلینجی ایتی و کسرلی اولسا , یئنه ده بو قیلینجی ایمان ایله وورماسا اونون قلینجیندا نه کسر اولار و نه ده ایشیندن قازانج توره نر.
رسام , قلم و بویاق ایله , مدرسه قاپوسوندان حسرت ایله ایچه ری باخان بیر کندلی اوغلونون درس اوخوماق اوچون درین درین نیسگسلسن و آرزوسون و دویدوغون جانلی هنری ایله مجسم ائدیر , و بونون او بیر یسی یانی , یعنی ناطق , بورولی و بو وظیفه نی سوز و انتقاد و نطق ایله آنلادیر , و او همان مدرسه یه باخان کندلی اوغلونون , و ملیت اوغروندا جانیندان گئچن بیر ملتین ایسته دیکلرین و حقین درین سوزلر و کسگین دلیللر و آیدین بیانلار و ایتی هیجانلار ایله دیریلدیر و جانلاندیریر . تبریزلی علی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز