شامادورا نخلی

شامادورا یا بامبو نخلی نین اصل یئری آمریکا اؤلکه سی دیر . سئومه لی و نازیک قوللاری واردیر. یارپاقلاری توخ یاشیل و قوللاری ایشیقلی دیر. اوجالیغی ایکی مئتیردن چوخا قالخماز.
کؤلگه یئره و ایشیقی آز اولان یئره داوامی واردیر. بو بیتگی نین گوللری و میوه لری ، گواتلاما و السالوادور کیمی اؤلکه لرده خوُره ک دیر.
آپارتومان تکی یئرلرده ساخلایارلار و ایشیقلی کؤلگه ده قالماق بیر آزدا یارپاقلاری نین گؤزه للیگینه آرتیرار.
بو بیتگی نین ایسته کلری بئله دیر:
سووارماق: یای دا هفته ده ایکی دؤنه سووارماق لازیمدیر. آنجاق گره کدیر ایکی سوارماغین آراسیندا گولدانین اوزده کی تورپاقی قوروموش اولسون.
شئح: یوزه اللی تا یئتمیش شئح ایسته ر و هفته ده اوچ دؤنه سو توُزو سه پمه ک لازیمدیر.
ایستی: بو بیتگی اوچون لاپ یاخشی ایستی ییرمی ایکی درجه دیر. ایستی چوخ اولاندا یارپاقلارین اوستونه سو توزو سه پمه ک لازیمدیر.
تورپاق: یونگول و کئشه لمیش هوموس، یارپاق تورپاغی و بیر آزجا دا باغچا تورپاغی بو بیتگی اوچون یاخشیدیر.
چوخالتماق: توخوم ایله چوخالار آمما لاپ یاخشی یولو یازدا و پاییزدا ، بیتگینی دیبدن آییرماق دیر.
ایشیق: آز گون ایشیغی ایسته ر و کؤلگه یئره دؤزومو واردیر.
درمان:
– اگر گؤرسه ز یارپاقلاری ایشیقلی اولوبدور ، بیلین کی چوخ آز نور یئتیشیبدیر و یادا کی خوُره گی آزالیبدیر. نورلو یئره آپارین و خوره گینه یئتیشین!
– اگر گؤرسه ز یارپاقلاری نین اوجو قهوه ای رنگه چالیر ، بیلین کی شئحین آزلیغیندان یا پوتاس و کلسیوم تکی عنصرلارین یوخلوغونداندیر. شاید ده کی قولای سووارماقداندیر. بو گول اوچون قاینانمیش سودان فایدالانین.
– اگر گؤرسه ز یارپاقلاری سارالیبدیر ، بیلین کی یا سو چوخ وئرلیبدیر، یا هاواسی چوخ ایستی دیر یا ایشیقی حددن آزدیر.
– اگر گؤرسه ز یارپاقلاری آچیلماییر ، بیلین کی گولدانی داراشلیق دیر. گولدانین و تورپاغین دَییشین ، خوُره ک ( کود ) وئرین!
– اگر گؤرسه ز یارپاقلاری قورویوبدور ، بیلین کی سوسوزلوقدانیر. سو وئرین!
قایناق: اینترنت/
جامع ترین ژورنال گل و گیاه ایران
چئویره ن: الف. عظیمی بیلوردی

دیدگاه بگذارید

avatar
  Subscribe  
باخبر شدن از