روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۳
روزنامه ساقی آذربایجان
تبلیغات
آمار بازدید
  • 0
  • 660
  • 852
  • 1,331,900
شاه‌توت آغاجی

یایلارین داغلاما گونلرینده، عصب- عصب سانجی توتان دیش سایاق، باش آغریسی یوخ، بلکه زوغ آغریسی توتاراق اندیشه‌لرینی بو آغریلارلا کدرلندیره اوزویله دینله‌شرک، دئییر: ” وارلیغیمی‌ تالاماسایدیلار، بولاقلارا کوزه – کوزه شرابلار گؤندرردیم؛ یئددی ایللیک – اون یئددی ایللیک شرابلار!… زوغلاریم تپه – دیرناق اود توتموش یانیر، انصافسیز بولاقلارا نه گلمیشمی؟ !…یاغیشلی بولودلاردا سوسوزلوغومون سسینه دویغولانمیر !!… “.
او شاه توت آغاجی باغچانین سول بره‌سینده قول- بوداغینی قلم قاش بیر گؤزلین دعالی اللری کیمی‌ سونسوز گویلر سمتینه آچمیش؛ بویو ایسه او قده ر اوجا دئییل کی قوزئی طرفده قاباق – قانشاریندا دیکلن تپه‌نین او یوزونده کوشول کوشول آخان آرازین سیماسینی گؤره بیلسین، تا بلکه نیازلارینی اوندان دیله‌سین ! ….
او توت آغاجینین جانینا اون یئددی قلم میسمار چالینمیش؛ هئچ کیمسه او اسراری باشا دوشنمیر، آنجاق انقلابین ایلک ایللری اوجاق کندلی اوباسیندا ننه مریم سؤیله‌دییی قصه‌نین بیر سطیرینده من بو سیرری باشا دوشموشدوم؛ ننه مریمین عینجه سؤزو بو اولور : “…بیرینجی دونیا محاربه‌سینده خالا سارانین قوشا بویلانان – پری ایلن قیزلارینی عثمانلی افسرلری اسیر آپاراراق کورد چته‌لرینه ساتیرلار، خالا سارا او گرگین وضعیتده دده ابراهاملا بیرگه باش گؤتوروب ایرانا قاچیرلار؛ سون قدمده وینق کندینده ساکن اولورلار، …. خالا سارا بو آجی آیریلیغا و زهرلی هیجرانا دؤزنمیه‌رک او شاه توت آغاجینی اؤزو اوچون ایلاهی ساناراق هر ایل یازین سون آیی توت بایرامی‌یولدان گلیب چاتدیقدا او قوتسال آغاجین جانینا بیر قلم میسمار چالیبان او آغاجین جانینی سانجیلاندیریقدا اوندان ایستیر کی، اگر ایستیرسن جانین جانیم کیمی‌ آغری چکمه سین گلن ایل بو گون کی گون گلیب چاتانا کیمی‌ منیم او قوشا پریلریمی‌ منه چاتدیر!…، اون یئددی بایرام بو آغری داوام تاپیر تا کی طبیعتین ذووقونون قراری اون یئددی ایلدن سونرا منی خالا سارایا چاتدیریر و اونون ظنیجه من اونون قوشا فرشته‌لرینین بیریسی اولورام !…، او بایرامدان بری خالا سارا توت آغاجینین جانینی میسمارلا آغریا سالمیر، بلکه هر توت بایرامی‌ اونون زوغلارینا بیر کوزه شربت ایچیردیر!…”.
***
او شاه توت آغاجینین حیاتی تانری نفسی سایاق داها بارلی بهره‌لیدیر؛ باغچاچی هر باهار فصلینین سون گونلری اونون برکتلی بوداقلاریندان سبد – سبد توت دریر ؛ شرابچی او دریلن توتلاردان نهره – نهره شربت قویور؛ توی مجلیسلرینده کیشی‌لری او شربتلرله سرخوش قیلاراق بیر نئچه ساعاتلیقدا اولورسا اونلاری دونیا قمیندن فارغ ائدیر.
او شاه توت آغاجینین بهره سی یالنیز بونلارلا کفایتلنمیر؛ بلکه بیر خیلی قارقا- قجله‌لر اونون قول – قانادیندا یووا باغلایاراق ایل به ایل بالالارینی پروازا گتیریرلر ؛ بال آریلاری او آغاجین توت فصلی قندینی کندیلرینه داشییاراق بال تؤره‌دیرلر؛ هر بیر قوش میوه فصلی اؤز پایینی او شاه توتون برکتلی سفره‌سیندن آپاریر.
بونلارلا دا سون توتمور شاه توت آغاجینین نفسینین برکتی بهره‌سی؛ بلکه یایین داغلاما گونلرینده کندین قاری – قوجالاری اونون چترینین کؤلگه‌سی آلتدا توپلاناراق گئچمیشلری سئیر ائده، هر گون بیر سینما پرده‌سی آچیرلار گؤزلرینین اؤنونده!…،‌ها بئله بیر گونده اولور کی کند جاوانلاری اونون قول – بوداغینین کؤلگه‌سی آلتدا سازلی شربتلی، شنلیگه قورولورلار !….
***
اونوتماییم کی، گئچن ایل بیر چاتما قاش قاری ننه اوراقچاسینی بوزوولارینا دردیی اوت دریزچه‌سینه تاخاراق همن بو توت آغاجینین اؤنونده داشدان چکیلن کله‌یین اوستونده اوتوروب بو شاه توت آغاجینین بوی – بوغونونو سئیر ائدیبن نارین – نارین گؤز یاشی تؤکدوکدن سونرا شالینین اوجویلا گؤز یاشلارینی دریریردی،کی دردینین سببینی اوندان سوردوقدا منه سؤیلدی :” … فلیینده عؤمرو شاللاقلانسین آی بالا، عشقیمیده مندن آلمیش، جاوانلیغمیدا !!…،گؤزل – گؤیچکلییمده کی اونلارلا گئتمیش!…؛ جانیمدان آرتیق سئودییم بیر بوغو بورما اوغلان واریدی، بو توت آغاجینین گؤز اؤرتری بیزیم عشقیمیزه خلوتگاه اولموشدو ؛ یارلا بورایا قوناق گلردیک کیمسه‌لردن خبرسیز !!!…؛آنجاق، آذربایجان فرقه دموکرات حکومتی ایش اوسته گلمدن فدایی‌لرین موباریزه‌سی باشلادی؛ منیم یاریم الینه سیلاح آلاراق موباریزلر سیراسیندا یئر توتدو، من اؤز فداییما بیر یایلیق ایلقار وئردیم. بیر ایلدن سونرا فداییلر شکست یئدیلر؛ منیم فداییم ملعون خانلارین الینده گرفتار اولدو؛ چیلله‌نین قارلی بیر گونلرینده ملعون میرصمدخان و اسدالله‌خان منیم فداییمی‌آغیر ایشکنجه‌لر وئردیکدن سونرا شهید ائتدیلر !…منیم حیاتیمین نغمه‌لی تئللری بو توت آغاجینا هؤرولموش، بو آغاج منیم یاریمین قوخوسونی وئریر؛ تا نفسیم وار بونو سئیر ائتمه‌لییم . ”
انصار قره‌داغی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز