روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۷
روزنامه ساقی آذربایجان
تبلیغات
آمار بازدید
  • 0
  • 133
  • 702
  • 1,334,334
شعر نه دیر ؟

هرشئیدن اول شعر , هر کیمین و هر ائلین باخیمیندا فرق ائدیر , و هرکیم و هرائل اونی ئوز دوشونجه سی و ذوقی ئولچوسونده سئویر , اونونلا ایچ دوشونجه لرین گوستریر و اونونلا آغریسین دینله دیر.
بیر چوخلی انسانلار , یئییب- ایچمکدن و ایلک یاشایش احتیاجلارین و گرکلرین قازاناندان سونرا , ذاتا گوزه للیک سئون و هنر سوراغینا گئدندیرلر , و بو هنر و باجاریق سئومک آردینجا دوشمک هر یئرین و هر ائلین ئوزونه اویغون و ئوزونه یاراشان علایق و سئوگیدیر.
یوزلرجه گوزه للیکلردن و باجاریقلاردان بیریده شعردیرکی هر ائلین آتا – بابا و قومی دبللری , ایره لی سورمک دیلکلری آرزولاری و ها بئله دیللرینده اولان قورولوش دورومی آیری آیریجا ئوزلرینه اویغون یئر توتماقدادیر.
دئمک بیریئرده شعر اوزون – قیسا , بیر یئرده موزون ومضمونلی ولی قافیه سیز , بیر یئرده ده موضون ومضمونلی ولی قافیه لی , آنجاق بوتون بونلار ایله بئله شعر هرنه اولورسادا اولسون , بونی گرک بیلمک کی اونون کوکی و ریشه سی هر یئرده و هر اوره کده بوسبوتون آرینمیش ایچ دوشونجه لر قانی ایله سوواریلیب و درین درین آرزولار امگی ایله بئجه ریلیبدیر.
شعر , سوزون بئجرمیشی و تکاملیدیر , و بونی لاپ آیدین آچیقلاماق اوچون گرک دئمک کی سوز پیشمه میش (چیگ) بیرمواد و شعر صنعت و باجاریقدیر.
سوز بیرکرن ائشیدیلرسه , شعر یوز لرجه کرن دینله نر و حله گئتدیکجه اورکلره سینه ر و علاقه ساخلار , بونا شاهید و اینان بوی (داستان) کتابلاری ایله قوشما (شعر) کتابلاریدیر.
بوی (داستان) کتابلارین , اوست اوسته بیرکرن اوخویارلار , حالبوکی شعر کتاب لارین ایللر بویوجا اونودولماز سئوگیلر کیمی قویونلاردا و قوجاقلاردا بسلرلر , چونکی سوز مادی بیر احتیاجی رفع ائدندن سونرا , داها بیر ماموریتی و ایشی اولمادیغی اوچون کوچوب گئتمکده دیر , حالبوکی شعر , ظاهرا مادی بیر احتیاجی و گرکی رفع ائتمه دن گونول ایله سئویلیب آلقیشلانیر و ئولمز بیر یادگار کیمی دوشونجه لرده و اورکلرده یئرتوتور , و بونلاردان باشقا شعر , شاعرین اورک میوه سیدیر , و چون اورکدن توره نیب و اورکده بئجه ریلیب , یاراشارکی اورکلر اوسته یئرتوتسون و اورکلرده بسلنسین.
بونلار ایله بئله , سوز ایله شعر , بیربیرینین گرگی و ملزومودر , و هنر اوچون بو اولماسا او اولماز – او اولماسا , بو اولابیلمز , بس شعر , سوزون گوزه ل دونومی و ایره لی زمانی و بئجرمیشیدیر , دوغورسی بو , سوزدیرکی شعری دوغور و بئجردیر و اونی بیرگلین کیمی گوزه للندیریر.
بونا گوره گرک دئمک کی شعر , سوزون النمیشی و آرینمیشیدیر , چونکی اونلارجا و یوزلرجه سوزودن یالنیز بیر نئچه مصرع و بیت شعر یارانا بیلر , بو اعتبار ایله شعر اونلار و یوز لرجه سوزون النمیشی و آرینمیشی اولدوغو کیمی , اونلارجا و یوزلرجه ده ذوقون و سئوگینین ودردین بیر گورکمی اولا بیلر.
شعر , سوزون موسیقیلنمیشی و ترانه سیدیر شعرده اولان اثر سوزده چوخ آز اولابیلر , یئر یئر , زمان زمان لازم و گرک اولدوغو اوچون , موسیقیدن و ترانه دن , عشقیدن و عاشیقلیکدن ساوای , او یالنیز باشینا گوجلی بیر قهرماندان , قدرتلی بیر حاکمدن آرتیق فتح ائدیر و گونول ایله ئوزونه یئر قازانیر.
بورادا شعردن منظور, او شعر دیرکی اونی اوخویاندا و ائشیدنده روحا و فیکره اوستون بیر دونوکلوک و تحول یارانسین , ذوقی و عشقی جنبه دن باشقا , معنوی خصوصلاردادا بیلیکلر و دوشونجه لر آرتیرسین , بونی لاپ آیدین آچیقلاماق اوچون , گرک دئمک کی شعر , روحه صفا و لذت وئردیگی حالدا گرکدیر کی فکره و آنلاغادا اوستونلوک و ترقی وئرسین , و اوخویانینی و ائشیدنینی ئوز آرخاسینا سورسون و اونا یول آچسین یوخسا شعر , یالنیز گوزه ل سوزلر و کلمه لردن و هاردا بیر سئچیلمیش لغتلردن عبارت اولسایدی داها بو قدرت ایله اورکلره و دویغولارا حاکم و یولچی اولا بیلمزدی , تکجه قیرمیزی و گوزه ل بیر نارا بنزردی کی ظاهری پارلاق , آنجاق ایچی پوچ و کیفلنمیشدر.
البته بو خصوصدا , یوزلرجه شعرلر و غزلر واردیرکی ظاهیرده چوخ گوزه ل و حتی منظم و دوزگون گورونور و حله حله اونا عیب و ایراد چیخارتماق آسان و قولای دگیل. آنجاق بونلار ایله بئله , بیر آز درین باخاندان و اونون آرخاسیجا گئدندن سونرا اونون هدفسیز اولدوغو و بیر یئره چیخا بیلمه دیگی فورا” گوزه چارپیر , و بو سوروشوق جان لانیر کی بوشعر ندن ساری توره نیبدر؟ هدفی و آماجی نه دیر؟
دوغرودیرکی هوس , شعرین مصالحلریندن مهمدیر و اونسوز جذبه لی و یاپیشان اولا بیلمز , آنجاق شعرلرده واردیرکی یالنیز هوس اولادیر و فقط هوس اوسته قوشولوب و تفنن اوچون دئیلیبدیرلر , بونا گوره دیر کی بو جوره شعرلر(ناقص الخلقه) لر کیمی یا هیچ ساغالماز و یا ساغالارسادا ئوزوندن چوخ خرج آپارار و یئنه ده جاناسینر اولماز بس هر شعره , شعر دئمک اولماز , چون شعر کی بوتون سوزلرین و دوشونجه لرین گوزه ل گورکه می و اونلارین بیان ائدنی دیر گرکدیر کی هر جهت ده تکمیل و بوتوو اولسون.
شعرین , ان بیرینجی وظیفه لریندن بیریده بودورکی شاعر ایله اوخویانین اورتاسیندا امین بیر واسیطه اولسون , شاعرین شاعرانه احساساتین , درین دوشونجه لرین , یوموشاق عواطیفین یئر یئر اوخویانا و ائشیدنه منتقل ائله سین , تکجه بو حالدا دئمک اولار کی شاعر و شعر و اوخویان ئوز امک لرینده و چالیشمالاریندا اوستون بیر باشاریلارا و توفیقلره چاتیشیبلار.
شعر , شاعرایله اوخویانین اورتاسیندا واسیطه اولدوغو اوچون , شاعرین تربیه سیده اولدوقجا بویوک و دگرلیدیر دئمک کی او گرک ئوز امانت ائلچیسین گوزه ل و امین ئورگه تسین , و سیغیم و دولی بئجرتسین , بوتوو و آخار یولا سالسین .
بونا گوره وزنده , قافیه ده و معنادا جانلی و منسجیم اولدوغو کیمی خلق ایله ده قیریلماز بیر رابطه و ئولمز بیر یاخینلیق ساخلاسین.
شعر , شاعر ایله خلق آراسیندا ائلچیدیر , بونا گوره بو ائلچی گرکدیرکی هر بیر گوزه ل و دوزگون صفتلره مالک اولسون پیسلیک و چیرکینلیک ایله ووروشسون , و یاخشی لیق و گوزللیکلر توره تسین , و سعادت اوچون خلقین الینده چلیک اولسون بس بئله لیکله آیدینلاشیرکی شعر , عشقدن محبتدن , غمدن و دوشونجه دن اینجه بیر شکیللرده دانیشدیغی حالدا , ئوزی بیر علم و بیلیکدیر. و چون بیلیکدیر. ئوز – ئوزونه عمومی بیر ارتباط اولدوغو و خلق ایله معنوی و دایمی علاقه ساخلاماسیدا آیدیندیر .
شعر و هنر اوچون چوخلی صفتلر قائل اولوبلار , او جمله دن هنر , هنر اوچوندیر و یالنیز ئوزی اوچون یارانیر , و یا دئیلیر. یعنی هنرین ایشی یالنیز هنر تورتمکدیر , هئچ بیر ایشه و جریانا تعهدی یوخدویر و یا ئوزی اوچون مستقلدیر و یان – ئوره سینده اولان تحولاتا و حوادثه سایماز دیر , بو ادعا لارا گوره هنر مندلرین استدلالاری بودیرکی زمانه نین و گونون جریانلارینا گوره توره دیلن هنر , فقط بو جوره گونلرین دردینه دگه ر یعنی یاشاییشی اولورسا دا چوخ آزدیر.
آنجاق بوتون بونلار ایله بئله , جدی و انقلابی هنرلر تاریخده مقدسدیرلر و اونودولماز , چونکی تحولات و جریانلارا چیرپینان بیر قلب و آلیشان بیر آلوو اولاراق , اونلاری ایره لی سوروبلر و باریش و دینج اولان گونلری اونلار یارادیبلار , حالبوکی یانلاریندا یوزلرجه ظلم و جنایتلره سایماز اولان هنر اوچون هنر چیلر , او جمله دن شاعیرلر , ادیب لر ئوزلرین دموک و مشغول ائتمک اوچون و یا آدا – سانا و یا چوره ک اوچون کلمه لر ایله اوینا یبلار و اوینا ییرلار.
متعهد هنر مندلری سوفرا آچانا و یا باغبانا اوخشاتساق ؛ تعهدی اولمایان هنر مندلری سوفرا باشیندا اوتورانا و یا حاضیر میوه یئینلره اوخشاتمالی ییق ؛ چونکی جامعه لرین و تاریخلرین تحولاتیندا و اخلاقی جریانلاریندا سویوق سویوق باخماقدان و ئوزی ؛ ئوزی ایله دموک و مشغول اولماقدان باشقا بیر هنرلری یوخ ایمیش و یوخدیر.
اوسته اولان سوزلره گوره ؛ ایندی بیر نئجه سوز شعر حاققیندا اوخویالیم کی شعر ؛ ایکی جوردور ؛ بیری ایستی و جانا سینر ؛ بیریده سویوق و یوران ؛ ایستی اولان شعر ؛ ایستی و جوشغون اورکدن چیخدیغی اوچون اورگه یاپییشار ؛ و بو نه قوری هنر دیر و نه ده زوراکی صنعت چونکی بو ؛ دولغون بیر وجداندان و دوزگون بیر عاطیفه دن توره ندیگی اوچون وجدانلاردا و عاطیفه لرده دریندن نفوذ ائدیر و بو جوره شعرلر همیشه دئییله بیلمز ؛ چونکی بو جوره شعرلر همیشه ارادی و اختیاری دگلیل لر بلکه وجدان و عاطفه جوشاندا و حرکته گلنده توره نیرلر ؛ بس طبیعی دیرلر ؛ حالبو کی – ارادی و اجباری دئییلن شعرلر ؛ هنری و صنعتی اولدوقلاری اوچون طبیعی اولمازلار ؛ بونا گوره کی بورادا اولان هنر و شعرلر ؛ جوشغون بیر کونولدن و لطیف بیر عاطیفه دن یوخ بلکه قوری بیر هوس دن و جبری اراده دن توره نیبلر ؛ بس مخصوصا شعر ؛ ساده و قولایجا بیر صنعت و هنر دگیل کی هر زمان یارادیلسین و هر زمان یونولسون .
تبریزلی علی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز