روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۴/۰۴
روزنامه ساقی آذربایجان
آمار بازدید
  • کاربران حاضر: 1
  • بازدید امروز: 284
  • بازدید دیروز: 1,174
  • کل بازدید ها: 694,962
شنبلیله نین فایدالاری

دَری موشگولون درمان ائتمه ک اوچون ( حساسلیق، جوش، چوزه، جیزیق، یارا و یانیق کیمی لرده ) شنبلیله توخومونون توزوندان فایدالانارلار. شنبلیله بیتگی سی چوخ ائولرده جور به جور یئمه ک لریله ایشله نه ر و بدن اوچون چوخ فایدالی بیر یئمه لی لردندیر.
بو بیتگی نین یاشیل یارپاقلاریندان علاوه ، اونون توخومودا فایدالی خاصیتلریله دولودور. شنبلیله بیر نوع بیتگی دیر کی آسیا اؤلکه لری و مدیترانه دَنیزی نین قیراقلاریندا چوخ بیته ر و ایران اؤلکه سی نین اصل بیتگی لریندن دیر و یئمه ک ده یه ری چوخدور.
شنبلیله نین ده یه رلی خاصیتلرینه اشاره اولور:
– بو بیتگی ده معدنی مواد چوخدور، اوجومله دن : مس، پوتاسیوم، کلسیوم، ده میر، سلنیوم، روی، منیزیوم.
– « ب » ویتامین لری و « آ ، ث » ویتامین لری بو یئمه لی ده چوخدور.
– بو بیتگی نین توخومو ندا ، پروتئین، لیزین، تریپتوفان، استروئید ساپونین و دیوسژین کیمی موادلار چوخدور.
– شنبلیله بیتگی سینده ، فیبر چوخدور و فیبرین بدنده اولماغی واجیبلردندیر.
– دَری ده اولان چوزه، جیزیق، حساسلیق، یارا، یانیق، توکون یوغونلاییب قالینلشمه سی و بونلار کیمی دَری موشگوللری نین طبیعی درمان ائتمه ک یولونون لاپ یاخشیسی ، شنبلیله یئمه لی سیندن فایدالانماقدیر.
– شنبلیله اؤزو و توخومو ، « قند » ناخوشلوغو اوچون درماندیر. بو بیتگی کؤهنه زاماندا ائل ایچینده قند ناخوشلوغونا درمان تانینیبدیر.
– قاندا یاغین چوخ اولماغی نین قاباغین آلار.
– بو بیتگی ده « موسیلاژ » ایله دولودور و معده – باغارسیق اوچون فایدالی دیر.
– غذانین هضم اولماسیندا یاردیمدیر.
– قیزیشمانی آرادان آپارار. شنبلیله توخومون ، لیمو و بال ایله بیرگه ایشله تسه ک قیزیشما اوچون فایدادیر. بو ایش اوچون بئله ائده ریک: ایکی چای قاشیقی قده ری شنبلیله توخومون گونده اوچ دؤنه یاشیل چای دا دَمله ییب، سونرا بیر چای قاشیقی قده ری بال و آزجا تازا لیمو سویو قاتیب مئیل ائده رلر.
– اشتهانی چوخالتماق اوچون فایدادیر.
– آلکول و یا داوالارین اثرینده بؤیره ک و قارا جییه ره یئته ن زیانلارین قاباغین آلار.
– ویتامین « ب » آز اولاندا آدامدا « بری بری» ناخوشلوغو اوز وئره ر ( آغیز یاراسی، دوداق چاتلاماق، بوغاز یاراسی …) ، شنبلیله بو نیشانلاری آرادان آپارماقدا یاردیمدیر.
– سینه سرطانی نین قاباغین آلماقدا یاردیمدیر.
– اوزون اؤسگوره ک و بوغاز آغریسی اوچون فایدادیر.
– عضله آغریسی و مفصل شیشی و آغریسی نین آزالماغیندا یاردیمدیر.
– « میگرِن » باش آغریسینا فایدادیر.
– باغارسیق و معده شیشی نین قاباغین آلار.
– سرطان ناخوشلوقلاری نین قاباغین آلماقدا یاردیمدیر.
– کیشیلرده جنسی موشوگولون آرادان گئتمه گی اوچون فایدادیر.
– اوشاقا سوت وئره ن قادینلاردا سوتون چوخالماسینا سبب دیر.
– اوره ک ناخوشلوقلارینا فایدادیر.
*- شنبلیله یئمه کده ، بونلاری احتیاط ائدین:
– شنبلیله ، یئر بادامی طایفاسیندادیر. اگر یئر بادامینا حساس اولساز ، احتمالی چوخدور شنبلیله یه ده حساس اولاسیز.
شنبلیله قانین قندین آزالدیر، آنجاق چوخ فایدالانماق ، قندین چوخ یئنمه گینه سبب اولار .
بو بیتگی «آسم» اوچون فایدادیر آمما اونون توزو آسم نیشانه لرین چوخالدار.
– بویلو قادینلار ، چوخ یوخاری حدده بو بیتگی دن فایدالانماسینلار. آمما بو یئمه لی دوغوم آغری سین آلار.
هر بیر یئمه لی دن یاخشی فایدالانماق اوچون اونون اندازه سین بیتگی بیلیجی لریندن و عطّارلاردان سوروشون!
قایناق: اینترنت / ایران ویچ /
چئویره ن: الف.عظیمی بیلوردی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز