نه یین ده اوْلماسا ای گول صداقتین واردیر
صـــــــــداقت اهلینه جانا ارادتین واردیر
نه غیری سینسیدی سن عشقیده نه خویشانی
باخیشلا دلمــــــــگه قلبی عدالتین واردیر
اگرچه غم یوگورور قان تـــؤکه حریمینده
تعجــــــبم گئنه داغ تک صلابتین واردیر
سینه ن سپـــــــــــردی بلا خنجـرین مقابلینه
چَتین زماندا عزیزیم شهــــــــــامتین واردیر
محبت آیه لرین گول یوزون سَپه ر گؤیدن
صداقت آیناسی سان یاخشی عادتین واردیر
شرف شلاله سی، آی هاله سی، صدف کانیسان
یازیـــــــق بو عاشقه چوْخلی عنایتین واردیر
جمالون آیه به آیه حــــــــــدیث و منطق دیر
فضیلتین، شرفیـــــــــن، چوْخ جلالتین واردیر
اوْ قامتیله قــــــــــــیام ائیله سن قیامت اوْلار
نه اینجه لیکله دوزولمــــوش ملاحتین واردیر
نه فرهــــادام نه ده مجنون بو یوْلدا آد قازانام
خــوشام بو عشقه کی مندن رضایتین واردیر
کیــمی سه اؤپسه لبیندن بو سرّه واقف اوْلار
حقیقــــــــــت اهلینه عالی قضاوتین واردیر
قالیب پیالــــــــه گؤزونده عبادی نین عکسی
دئمیــــــرسن هئچ اوْنا منده امانتین واردیر
سید محمود عبادی