شهریار

یار و همسر نگرفتم که گرو بود سرم
تو شدی مادر و من با همه پیری پسرم
باش سوز، سید محمد حسین بهجت تبریزی » شهریار « ایرانین ملی شاعری و شرق عالمینین افتخاری ۱۲۸۵ بیر آیری روایته گوره ۱۲۸۳ هجری شمسی ایلینده تبریز شهرینده بیر عالیم خانواده ده دنیایا گوز آچدی .
اوستادین آنادان اولماسی ، ایراندا مشروطه حرکاتی ایله، مصادف ایدی .
او حرکت لرین کانونو تبریز شهری اولدوغو اوچون ، استادین آتاسی میر آقا خشکنابی کی تبریز شهرینده وکالت خاناسی واریدی . اوزده او جریانلارین مهم آدام لاریندان سایلیردی اوناخاطیر کی بوتون واختینی مشروطه انقلابینین خدمتینده اولسون ، بو قراره گلدی کی عائله سینی اؤز دوغما یوردو خشکنابا یولاسین.
او سببدن استاد خشکناب کندینه گئدیب و ائله او یئرده کیچیک یاشلی سید محمد حسین شهریارین ادبی فرهنگی خزینه سینین تمل داشلاری قویولدو و گئت گئده ، اونون بیزه هدیه وئردیگی آنا دیلنده شعرلری ، تورکو دیلینده شرف قازاندی .
استاد تبریزه دونن دن سونرا اوز قریحه سین شعر ساحه سینده آتاسی میر آقا خشکنابی قوردغو ادبی اوجاق لاردا بیلیندیردی بو یولدا هامیلارین تحسین و حیرتین و تشویقین قازاندی .دئیرلره گؤره کیچیک یاشلی محمد حسین هر زمان شعر اوخویارمیش اونون سلامت لیگینه اوزرلیک یاندیرارمشلار . استاد شهریارین دئدیگینه گوره ، اونون ایلک شعرلری آنا دیلینده اولموش . نییه کی او زامانلار درس اوخوما آنا دیلینده اولورموش.
– اورنک اولاراق ، آنا دیلی کتابلاری ایدی کی آقای حسن رشدیه طرفیندن تدریس اولونوردو . استاد شهریار اوز روان طبعینی شعر ساحه سینده عالمه بیلدیره ندن سونرا ، ایرانیمیزین بیر سیرا مخصوص شرایطیندن آسیلی اولاراق فارسی دیلینده ده شعر دئمه گه باشلامیشدی.ائله بو ساحه ده ده بوتون فارسی دیلی شاعیرلردن گوجلو گؤروندو. بو زمینه ده ، نیما یوشیج ، بیله سویله ییر:« باید بگویم شهریار تنها شاعری است که من می شناسم .
تقریبا معاصر دورده اکثر فارس شاعری ،استادی تایید و تحسین ائله ییب لر. موسوی گرمارودی شهریار را حافظ زمان و دکتر علیزاده شهریار را نقطه عطف زبان فارسی می داند .
ها بئله بیر بویوک استاد سویله ییر : فارس شعری شهریاری الده ن وئرمه سی ایله ، فارس شعرینین سلسله سی منقرض اولدو.
بو سوزلرین رغمینه استاد شهریار اوز آنا دیلینده شعر دئمه سی ایله ، تازادان ، تورک دیلینین دامارلارینایئنی قان وئردی. او بیلدیردی کی بیر آرخا ، سو گلمیش اولسا امیدوار یئنه گلسین. طاغوت دورونده عقله گلمه ین بلالار بیزیم دیلین باشینا گلدی.آمما شهریارین بیر بویوک عشق ماجراسی:گلمیسن جانیم سنه قوربان اولا، ایندی نییه/دوشموشم الدن داها، ای بی‌وفا ایندی نییه؟اوستاد شهریارلا ثریانین ماجراسی:اوستاد شهریار تهرانا آیاق باساندان بری، گنج اولدوغونا باخمایاراق، اوز بنزرسیز شعرلری ایله بوتون اورک‌لره یول آچیب، او زامانین آدلی-سانلی شاعیرلرینین سایغیسینی قازانمیشدی. میرزاده عشقی، ملک الشعرا بهار، ایرج میرزا کیمی شاعیرلر و اوستاد صبا کیمی آدلیم صنعتچی‌لر اونون شعر باجاریغینا باش اَیمیشدیلر. بئله‌لیک‌له اوستاد شهریارین آیاغی تهران-ین ادبی درنک‌لرینه آچیلیر. ائله بو درنک‌لرین بیرینه ثریا-ین آتاسی دا قاتیلارمیش. هردن ده درنک اونون ائوینده قورولارمیش. بئله‌لیک‌له گنج شهریارین گوزو ثریا خانیما ساتاشمیش، کونلو اونا وورولموشدو. قیزین آتاسی بو سئوگیدن خبرسیز دئییلدی. اونون اوزونون ده شهریاردان خوشو گلیرمیش. گنج شهریار، تهران دارلفنون-وندا طبیب‌لیک درس‌لرینین سون ایلینی باشلامیشدی. باشقا یوندن شهریار، گنج اولدوغونا باخمایاراق، آدلی-سانلی بیر شاعیر ایدی. آتا قیزینی شهریاری سئومکده سربست بوراخمیشدی. آنجاق، بیر گون او ادبی اوتوروم‌لارین بیرینده چیراغعلی خلن آدلی بیر سارای آدامی، رضاشاهین عموغلوسو، قیزی گوروب، بَینمیش و اونو آتاسیندان ائلچیلیک ائتمیشدی.
قیزین آتاسی، ” قیزیمین سئوگیلیسی وار” دئیه، اونا جواب وئرمکدن بویون قاچیرتسا دا سونوجدا سارای آداملارینین هده‌له‌مه‌لرینین قارشیسیندا قورخودان بو ائولنمه‌یه رضایت وئریر. بو آرادا شهریاری دا توتوقلاییرلار. حتی قیزین آناسی ائشیدیر کی شهریاری زینداندا “قهوه خور” ائتمک ایسته‌ییرمیشلر.
بونا گوره کوره کنینه یالواراراق، اونو شهریارین جدینه آند وئره رک ” بو قیز سنین اولسون، آما او سئییدی اولدورمه!” دئییر. قاینانین یالوارماسی جواب وئریر و شهریار تهرانی ترک ائتمک شرطی ایله سربست بوراخیلیر. بو آرادا شهریارین درس‌لرینین بیتمه‌سینه و حکیم‌لیک مدرکی آلماسینا یالنیز نئچه آی قالیردی. آنجاق، چیراغعلی خان بونا اجازه وئرمیر و شهریار درسینی یاریمچیلیق بوراخیب خوراسانا گئتمک زوروندا قالیر. چیراغعلی خان، ثریا ایله ائولندیکدن آلتی آی سونرا اولور. شهریار دا خوراساندا چوخ پیس نوخوشلاییر. یولداشلاری اونو تهرانا قایتاریب بیر بیمارستاندا یاتیردیرلار. بو آرادا بو خبرلر ثریانین قولاغینا چاتیر و شهریاری گورمک اوچون بیمارستانا گلیر. ایکی اسکی سئوگیلی بیمارستاندا قوجاقلاشیب، آغلاشیرلار. شهریار ائله او آندا بو شعری سؤیله‌ییر. بو گونلر بو شعره و بو سئوگییه گوره بعضن یانلیش سوزلر پایلاشیر. بونا گوره بو یازینی یازدیم.
آمدی جانم به قربانت ولی حالا چرا/ بی‌وفا حالا که من افتاده‌ام از پا چرا او زامانلار رضاخانین زیندانلاریندا بیرینی اولدورمک ایسته‌سه ایدیلر اونون قهوه سینه زهر قاتارمیشلار. بئله‌لیک‌له اونو “قهوه خور ائتدیلر” دئیه‌رمیش‌لر. بو ایش عموما رضاخانین سیاسی دوشمن‌لرینین حاققیندا اوز وئرمیشدی. گورونور شهریاری دوستاغا سالماق، اونون اولدورمه‌یه چالیشماق، اونون درسلرینی یاریمچیلیق قویماق و حتی اونا نئچه آی مهلت وئرمه‌مک، اونو تهراندان سورگون سالماق ساده‌جه بیر سئوگی ماجراسی اولا بیلمزمیش. بلکه شهریار بو اولای‌لارلا سیاسی دوشونجه‌لرینین هزینه‌لرینی اوده‌ییرمیش. بو قونودا باخین: “شهریارلا بیرلیکده اوزگه‌لشمکدن اوزلشمه‌یه دوغرو.(حمید احمدزاده). اکبر سعادت

دیدگاه بگذارید

avatar
  Subscribe  
باخبر شدن از