روزنامه کثیرالانتشار سراسری صبح ایران
به دو زبان ترکی و فارسی
۱۳۹۷/۱۱/۲۷
اولدی کؤنلوم یئنه بیر زولف چلیپا دلیسی
دوشدی زنجیره نه خوش یئرده بو سودا دلیسی
عور و عریان باش آچیق اوز چؤووروب صحرایه
قویدی مجنونی یاری یولدا بو صحـرا دلیسی
عاشق سـوخته‌دیر بولبول شیدا کی دگـــیل
کی اولوبدور دیه‌سن بیر گول حمـرا دلیسی
رب ارنی دئیلن ذیـــکری دؤنوب موسایه
دشـــــت ایمن‌ده اولوب نور تجلی دلیسی
چوخلاری مست قیلیب ساقی میخانه عشق
گؤرمدی کیمسه منیم تک بئله رسوا دلیسی
دئـمه فرهادایله مجنون دلی‌دیر بیر بری باخ
بیری شیرین دلی سیدر بیری لیلی دلیـــسی
کنج وحدتده تباه اولدی عزیز عؤمروم حئییف
اولـــمادی یار منه بیـــر بت زیــبا دلیسی
خوشــلاییب‌دیر گؤره‌سن هانسی مزارستانی
دئیین اول زاهده ای بیر کوکه حلوا دلیسی
گول ایاغینده سحر وقتی ییخیلمیشدیم مست
بیری سسلندی کی ای بو گول رعنا دلیــسی
بیر آییل گؤرکی نباتی نئجه اوراد ائله یه ر
نه یاتیبســـان بئله ای بیر گؤزو شهلا دلیسی
نباتی
برای عضویت در خبرنامه پیامکی، اطلاعات خود را وارد کنید
Loading ...از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.
دیدگاه بگذارید