روزنامه کثیرالانتشار سراسری صبح ایران
به دو زبان ترکی و فارسی
۱۳۹۹/۱۱/۰۱
اورمیه دن باش قالدیریب – چاغداش شعریمیزین گلیشمه سینه یاردیمچی اولان شاعیرلرین بیری ده (آرمان) تخلوصو ایله شعرلر قوشان – عادل پیر شاه وردی دیر. او، ۱۳۳۹جی ایلده اورمیه ده دونیایا گلیب، آذربایجانین درین کؤکلو فولکولوروندن ایلهام آلاراق شعره ماراقلانمیشدیر. اوشاق ایکن کوراوغلو ناغیللاری، بایاتیلار، ناغیللار و ماهنیلار شاعیرین اینجه روحونو تسخسر ائده رک، شاعیرلییه سوق ائتمیشدیر. ایندی ایسه رادیو-تلویزیوندا آنادیلینده یازیب-پوزماغا جان آتیر و اویونلار یازیر و شعرلر قوشور. ایندی بیر شعرینی بیرگه اوخویالیم:
چال آشیق، سازینی آل دؤشون اوسته،
ائلیمین سازیندان – سؤزوندن دانیش!
تونقال – تونقال حسرتلری سؤنمه ین،
کول آلــتدا قیزاران کؤزوندن دانیش!
سؤزون شؤهــــــرتیندن – صداقتیندن،
آنا دیلیمیـــــــــــــــــــزین مهارتیندن،
ائلین قایغی سیندان – شـــــــــرافتیندن،
غیرتلی اوغلوندان – قیزینــدان دانیشس!
صدفلی سازینی کؤکله – چـــال آشیق!
دده علعســــــــــــگری یادا سال آشیق!
اوره کلر مولکونو بیرده آل آشیــــــــق!
شیرین صؤحبه تیندن – سازیندان دانیش!
چیلله قارپیزیندان، قوروت آشــــــیندان،
شیرین ناغیللاردان کورســـــو باشیندان،
بابک قالاسیندان ، کاظیم داشــــــیندان،
بالاجا قیزلارین نازینـــــــــــدان دانیش!
م. آذرلو
برای عضویت در خبرنامه پیامکی، اطلاعات خود را وارد کنید
Loading ...از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.
دیدگاه بگذارید