روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۷
روزنامه ساقی آذربایجان
تبلیغات
آمار بازدید
  • 0
  • 149
  • 721
  • 1,335,071
عباس بارز

آذربایجان چاغداش مدنیتی باسیلماز بیر قالادیرکی هئچ توفان، سئل اونا صدمه یئتیره بیلمه‌ییب و یئتیره بیلمه‌یه­ جکدیر. بو قالانی آذربایجان ادبییات و مدنتینی یارادانلار، شاهلیق رژیمی نین بوغونتولو و سیخیتی‌لی دؤورونده قورخماییب، سوسماییب و شعردن بیر قالا تیکیب­لر. بارز کیمی قهرمانلارین روحوندان جوشوب، قلم­لریندن داشیب گلن شعرلرله بو قالانین بینؤره ­سی قورولوب و کرپیج لری دوزولوبدور.
عباس بارز بوتون عمرونون گوجونو، وار-
یوخونو شعرینه حصر ائتمیش و یارادیجیلیغی
ایله وطنیندن، ائلیندن و دیلیندن مدافعه ائدیبدیر.
عباس ۱۲۹۸جی ایلده اهرین بیر آغاجــلیغیندا
یئرله ­شن آی پیرزن کندینده دنیایا گلدی.
آتاسی قاراداغ عالیمی شیخ الاسلام
میرزا جعفر ایدی. بالاجا عباس
اؤز روحانی آتاسیندان درس
آلیب و دینی – حــوزه­وی
تحصیلینی داوام ائدیر.
۱۶ یاشــــیندا اولاندان آنا
دیلینده شعر قوشماغا باشلاییر.
مالاریا اداره ­سینده ایشله‌یه‌رک، سونرالار
۱۳۴۰ دان ۱۳۷۰ ایلینه قده ر معلمـــ­لیک
ائتمیش و بوایلده تقاعد اولموش دور. اونون ایلک شعر کـــــتابی «ائل داغینا سلام»
شهـــــریارین «حیدر بابا سلام» اثرینه بنزه‌تمه
اولاراق ۱۳۳۳ جــوایلده یازیلیر سادا
۱۳۴۶ جی ایلده چاپ اولوب یاییلیر.
۱۳۵۰ ایللرینده اونون نئچه- نئچه بالاجا شعر دفتری یاییلاراق، ۱۳۵۵ جی ایلده «یاسلی ساوالان»، شعری دیللره دوشور و «عباس بارز» آدی آذربایجان خالق شاعری کیمی تانینیر.
اونون شئعرلری کاسئتلره توتولور، موسیقی بسته ­له ­نیر و آغیزلاردا اوخونور. ۱۳۵۷ جی ایلده «قیزیل قوش» آدیندا کتابی فرامرز هاشمی و قهرمان خطیبی شعرلریله بیرلیکده باسیلیر.
۱۳۷۹ دا «یاسلی ساوالان» کتابی ۳۱۶ صفحه ده ۳۳۲ شعرینی احتوا ائده ­رک چاپدان بوراخیلیر.
۱۳۸۲ جی ایلده شاعرین ۸۵ ایللیک تؤره­نی تبریزده ثبوتا یئتیرمیشدیرکی شاعر خالقین دیر و بو یوکسک مقامی- اونون- بونون مدحینده شعر دئمک­له اوجوز الدن وئره­ ن شاعر دئییلدیر.
عباس بارز بوگون بوتون آذربایجاندا و ایران مرزلریندن اوتایدا تانینمیش بیر شاعردیر، اورالاردا دا اونون شعری دیللر ازبری اولاراق، اونون شعری آراشدیریلیر و اونون حقینده مقاله ­لر گئدیر.
عباس بارزین صمیمی شعرلری، وطن دوشونجه ­سی، طبیعته باغلی­لیغی، آنا دیلینه سؤنمز محبتی، کئچه ­جه­ییمیزده و کولتوروموزه باغلی‌لیغی ایله اونو یاسلی ساوالان کیمی آذربایجانلی­لارین اوره یینده یئر سالیبدیر.
او، ملی حرکت­لری جانلاندیرماغی اوچون، آنا دیلینه و خالقینا سونسوز محبتینی گؤستریک اوچون، یوردونون داغلاری، چایلاری، بیتگی­لریندن توتدو گؤیلری­نین قوشلارینا قده ر اوره‌کدن سایغی گؤستردیگینه گؤره و یازدیغی اثرلرینه گؤره بیر ائل شاعری و ملی بیر شخصیت‌ کیمی تانینیر.
شاعر دؤرونون کئچیرتدیگی حادثه لرینه بؤیوک مهارتله یاناشیر، قارانلیق گئجه ده ائلی‌نین باشینا گلن فلاکتی «گئجه ­لر» ردیفلی شعرینده اؤز دیلیجه تصویره آلیر.
اونون وطن آدینا یازدیغی شعرلرین باشقا بیر دادی واردیر.
شاعیر بیر دئمیر، اون دئمیر، بلکه وطن آدینا یوزلرجه قوشما قوشوب، یئنه ده دویمور و کتابیندا هر نه­ دن آرتیق وطن موضوعسونا یئر وئرمیشدیر.
شهریار،حیدربابایا سلام شعری ایله بیر قالیب و بیر سبک یاراتدی و بو قالیبی و سبکی یوزلرجه شاعریمیز منیمسه ­ییب ایشه آپاردیلار.
بونلارین اؤنونده عباس بارز گئدیر. او دا بیر عمر ائل دایاغی و ساری‌داش داغلاریلا یاخین اولفتی و توکنمز ایلگی­سی اولدوغو اوچون، شاعرین سیرداشی و مهربان همدمی کیمی اولور و شاعیر اونو خیطاب ائده رک تاریخی واراقلاییر و بو گونون دردینی اونونلا اورتایا قویور.
بارز، بیر دوزگون تاریخ یازان کیمی کئچن قادالی گونلری و بو گونون دورومونو داغلا آرایا قویوب، ایرتیجا، ایستیبداد و امپریالیزمین دایاغی و مدافعه­ چیسی اولان شاهین «ثُبات آداسی»، «اولو جنت» دئیه اؤلکه‌نی جنت کیمی جیلوه لندیرمک ادعاسی اولان ایللرده، شاعر اونون عکسینه اولاراق، همین اؤلکه‌ده کؤک سالان ساوادسیزلیغی، موهوماتی، جهالتی، گئریلیگی ایفشا ائدیردی.
او، کندلرین نئچه قات ظلم آلتیندا مادی چتین­لیگین سویون جهنمینده یاشادیغینی شاهد اولوب، بؤیوک اوره‌ک آغریسی ایله یازدیردی:
قیش گلدی یئنه قالدیلار آواره کاسیبلار
آللاه بو قارا گونلو بو بیچاره کاســــیبلار.
***
بیر کؤهنه پالاز پارچاسی تاپمیر ائوه سالسین
پول یوخ، نه ایلن کورسونو قورسون، کومور آلسین؟
پالتار تؤکوب شاختادا عوریان نئجه قالسین؟
ایندی بوگؤزو یاشلی، گونو قاره کاسیــبلار
قیش گلدی، یئنه قالدیلار آواره کاســـیبلار.
بوشئعر، ایرانی بهشت کیمی قلمه
وئرمک ایســـــــته‌ین تبلیغ
شعارلاری­نین و ساتین آلمیش
بورژوا مطبوعاتی­نــــین دونیادا
یالان و بُهتان توزاناغی قالدیر
دیغی بیر زماندا یازیلمیشدیر:
از بس کی چؤره‌کسیزلیک ائدیب خالقی هراسان
جوتلر آچیلیر، جوتچو اولور دیده سی گریان
کــندلرده بو ساعت بالالار آغلیر آجیندان
بیلمم نه ائدیب گردش دؤورانــــه اکینجی؟
گــــؤردوم سنی گلدیم یئنه افغانه اکینجی…
قایناق: قیزیل قلم /
ایضاح: مطلب بوردا قیسسالیبدیر.

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز