عطای رمضان

گلمیشم من بو گئجه سندن امان ایستمگه
بخشش و جود و عطای رمضان ایستمگه
ایستیرم قاوزایام ال درگهیوه من بو سحر
فـــــرج صاحب امــــریله زمان ایستمگه
حیفـیدیر وقتِ سحر ترک ایلییه م درد دلی
قاوزایام اللری بیر لقمه ی نان ایستمگه
ای بهانه آختاران بخششه، باخ مُعترفم
گلمیشم مغفرته غملی بیان ایستمــگه
یانـــان عاشقلریوون قلبی سنین بندینده
یانیرام، عشقیوه منده هیجان ایستـــمگه
تانینار عبد اوز اللهیـــله ای رب ودود
دئمه ز عاشق قاپیوی نام و نشان ایستمگه
شاد اولار حشریده دنیاده حسین آغلایانی
من سحرلر دورارام اشک روان ایستمگه
اکبر پورآقا

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz