غملر عاشقی

گلدی بهار بولبول اولوب گوللر عاشقی
من اولــــمو شام زمانه ده بیر دلبر عاشقی
مژگان اوخون کمانه قویوب آتما سینمه
اؤلدورمه ای نگار وفا پـــــــــرور عاشقی
یا قــــــوت پر بها اولا دونیا من ایستمه م
اهــــــــل خرد بیلرله منم حیدر عاشقی
پــــــــــــروانه نار شمعه یانا یوخ مذمتی
والله سالار بلایه محبت هر عاشـــــــــقی
ایستر آنا بالاسینی هر باجی قارداشــــــــین
اما سکینه ایله رباب اصغــــــــــــر عاشقی
شامین یولوندا بیر گئجه گؤردی خانم رباب
آغلـــــــــــار هَزار وار گل احمر عاشقی
گؤردی سکینه یوخلاییب امما ســـسی گلیر
او خشار فصاحتیله قرا معــــــــجر عاشقی
آغلار دئییر قوجاقیمه گـــــــل ای گل تریم
واللهی یاندیریر او ملـــــــــک منظر عاشقی
اول دم ســـــکینه نی اویادیب خوابیدن رباب
ســــــــؤیلوبدی بئیله آغلاما ای اصغر عاشقی
ای مــــــــــهربان قیزیم بئله قلبین یانیر مگر
لیلا کیــــــــــمی اولوبسان علی اکبر عاشقی
عرض ائیـــلدی آنا یوخودا گؤردوم اصغری
اولــــــــدوم دوباره قانه باتان حنجر عاشقی
آلمیش آتام قوجـــــــــــــاقینه باغ بهشتیده
نازین چکر نه نازیلـــــــــــه اول داور عاشقی
گؤردوم او خیردا قارداشـــــیم آرام دوتماییر
امر ائیـــــــــــــلدی آتام منه ای غملر عاشقی
گل آل قوجـــاقه اصغری لایلای دی بیر زمان
عالمده خیردا قارداش اولــــور خواهر عاشقی
آلدیم قوجاقه جوشه گلیــــــــــبدیر محبتیم
غملی اورک اولوب یارالی ســــؤزلر عاشقی
لایلای دیدیم دودا قیمی قویـــدوم دودا قینه
اولماز او لبلرین ااؤپنی کـــــــوثر عاشقی
محشر گـــــــونی جهنم اودوندان صدا گلیر
یا ندیرمارام (حزینی) اودور اصغر(ع) عاشقی
مرحوم حزین طارمی

دیدگاه بگذارید

avatar
  Subscribe  
باخبر شدن از