روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۸
روزنامه ساقی آذربایجان
تبلیغات
آمار بازدید
  • 0
  • 754
  • 721
  • 1,335,676
فصیل‌لر

گون گلدی آی دولانـدی
یاز گئچـدی یای دولاندی
پاییز چاتدی نه چاتـدی !
یئل سسیـنی اوجالـتـدی
باغچالارین، بـاغـلاریـن
بوستانلاریـن، تـاغـلاریـن
اؤز حؤکمونو یئـریـتـدی
قانـادلاریـن قـوروتـدو
سویوق دوشدو داغـلارا
قونـدو خـزل بـاغـلارا
یاشیل شالین آچدی داغ
دوزَنـمه دی باغچـا بـاغ
باغدا دونون چیخارتـدی
خزل دیـشین آغارتـدی
قیش پاییزی خوشـلادی
داغدا قـاری بـاشـلادی
قیش داغا قـار سـرنـده
پـاییز بـئـلـه گـؤرنـده
گوردو وئریب تختیـنـی
دانـلادی اؤز بختـیـنـی
چوخ چالیشدی اولمادی
آرزولاری دولــمـادی
اولدو پاییز کؤچمـه‌لـی
اؤز حققیندن کئچـمه‌لی
قیش پاییـزی قـاتـلادی
پاییز یاندی چـارتـلادی
عُؤمرو باشا چاتمـامـیـش
باشین آچیب یاتـمامیش
آلدی عؤمرون احـتـیـاج
اولدو پایـیـز نـاعـلاج
قالدی یاریم جان قالدی
قیش میدانـی دولانـدی
*
کوشولدادی چـاغـلادی
گَدیکـلـری بـاغـلادی
یول یولاغی کـسـدی او
اؤز کئفی تک اسدی او
قیش چالخانا ـ چالخانـا
دؤندو قودوز دوشمانـا
مکتبـه یـول اولـمـادی
اولمـادی کی اولمـادی
اوشاقلار ائوده قـالـدی
ائوده سس کوی اوجالدی
اوشاق، بؤیوک‌ هامیسی
بیر ـ بیره قاتدی سسـی
هامی دئدی یـاز گـلـه
یازدا کئفی ساز گـلـه
سون قویا قیش عؤمرونـه
یاز یایا فرمـان یـئـــــــــنـه
کیچیک چیلله قوتارجــــاق
یاز یئره ساچــــدی ناچاق
ائتدی قیشـی مـســــــخــره
بورنونو سورتدو یئـــــره
قیـــشین قارین، بوزونـــدا
سویوقوندا، سوزونــــــــدا
ائـتـدی مـلایـم بـاهـــــــــار
قالدی او جور قیش ناچــار
بوتون قارلار سـو اولـــدو
قور ـ‌قوبویه دولونــــــدو
دؤزمه‌دی قیـش آغـلادی
داغدا قـارا بـاغـــــلادی
دانـلادی داغ داشــــلاری
قیش گؤزونون یاشــــلاری
یاز یاغیشی دئـیـیـلــــــدی
تورپاق بوتون آییـــــلـدی
قار آلتدا بیتدی چیــــچـک
داغلارا اولدو لئــــــچـک
*
باغ باغـــــاتـدا اویـانـدی
شهـامـتـلــــــــه دایـانـدی
چیچک آچدی گول آشدی
گول یارپاغا دولاشـدی
گؤیدن سازین ائندیـردی
گول بولبولو دیندیـردی
قـوربـاغـالار سـولاردا
سس اوجالتـدی اونلا ردا
دَیدی بوتون سس سسـه
هلیک لر دوشدو بحثـه
قاققیلداشـدی داغـلاردا
بولـبـولـرده بـاغـلاردا
چهچه ووروب اوخـودو
گول چیچکلر قوخـودو
عطیر سپـدی هـر یـئـره
پیچیلدادی بیـر ـ بیـره
شاعیر اولا ایندی کـاش
دینله‌یـه یاواش ـ یاواش
بو نغمه نی بـو عـطـری
بو چلنگی بـو چـتـری
شعر ایپیـنـه تـوخـویـا
اوشـاقـلارا اوخـویـا
آرزولایـا یـاز عؤمـرون
یازین کئفی ساز عؤمرون
یازا اوشـاقـلار اوچـون
کؤچورده قیشین کؤچون
“سئل اوغلو”یا بیـلـدیـره
اوشاقـلاری گـولدوره
یادا سالا کئچمیـشـیـن
چارتلادا عؤمرون قیشین
علی فرضی‌زاده (سئل‌اوغلو)

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز