روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۶/۳۱
روزنامه ساقی آذربایجان
آمار بازدید
  • کاربران حاضر: 1
  • بازدید امروز: 1,394
  • بازدید دیروز: 902
  • کل بازدید ها: 799,600
فضولی دیلینده فارس- عرب لغتلره گؤره

دیل، لغت ترکیبی باخیمیندان تاریخی، سیاسی، مدنی شرایطله باغلی اولاراق، هر عصر اؤزوندن اؤنجه‌کیندن فرقلی‌دیر ( بو سؤژ بوتون دونیا دیللرینه عایددیر). فضولی‌نین دیلی، اؤرنه‌یین ختایی‌نین، صائب و قووسی تبریز‌ی‌نین دیل ایله توتوشدورمادا بو گونکو دیلیمیزدن داها چوخ فرق‌لنیرسه، بو فضولی‌نین سؤز توتومونون اونلارینکیندان قات- قات چوخ اولماسیله باغلی‌دیر. چونکی فضولی ژانر و فورما رنگارنگلیغی، اسلوب زنگینلیگی ایله چوخ یوکسکده دورور. بو گون چاغداش آزربایجان تورکجه‌سینده قالان، ایشله‌نن ائله عرب، فارس سؤزلری یوخدور کی، بونلار فضولی دیلیینده ایشلنمه‌میش اولسون. بو سؤزلر مینلرجه‌دیر. دئمه‌لی، بو مینلرجه سؤز فضولی‌ده و چاغداش دیلده اورتاقدیر.
همین آلینما سؤزلر بو گون بوتون تورکجه‌لرین ده، او واختکی فضولی دؤرو تورکجه‌میزله بو گونکونون کؤرپوسودور. دئمه‌لی بو اجنبی لغت اون آلتنیج عصرده جماعتین جانلی دیلینده ایشله‌نیرمیش. عینی زاماندا فضولی دیلیینده ایشلنمیش مینلرجه اجنبی سؤز بو گون هم آزربایجان ادبی دیلی، هم ده خالق دیلی اوچون غیری-ایشلک‌دیر و چاغداش اوخوجو کوتله‌سی اوچون آنلاشیلمازدیر.
بئله سانماق اولار کی، بو سؤزلرین معین قیسمی اؤز زامانیندا دا گئنیش اوخوجو کوتله‌سی اوچون، بوتؤو خالق اوچون آنلاشیلماز اولموشدور. بونون ایکی سببی اولمالی‌دیر. بیری فضولی‌نین دیلی یوکسک اینتئلئکت دیل‌دیر. بو دیل، بیر طرفدن “خالق آغزین” سیررنی آچیر، هر محفلین، یعنی خالق شنلکلری‌نین، مغنی‌لرین چیخیش ائتدیکلری مجلسلرین زینتی‌دیر. عینی زاماندا، غزل “خردمندلر(عالیملر) صنعتی‌دیر”، یعنی بو حالدا او، بیر گروپون آنلاشماسینا یؤنه‌لیر. بونا گؤره‌دیر کی، شاعیرین چوخ غزل‌لرینین دیلی گئنیش دایره‌ده آنلاشیلدیغی حالدا، بعضیلری‌نین دیلینده کوتله‌وی آنلاشیلمایان عرب سؤزلری چوخدور.
حتی بیلیندیگی کیمی، شعرلرینده بوتؤو مصراعلار، بئیتلر عربجه یا فارسجا، یاخود آنادیلی “دیوان”یندا بوتؤو غزل‌لر عرب دیلینده سؤیله‌نیر- بو نمونه‌لر همین “خیردمندلر” اوچون نظرده توتولور. و عمومیتده دیلینده عرب، فارس سؤزلرینین چوخلوغو دؤورون سارای اعیانلارینین، کیبار عایله‌لرینین، تاجیرلرین ذؤوقو ایله باغلی ایدی. (حتی ملا پناهدا هانسی کونکرئت شخصه عنوانلانماسی ایله باغلی بعضی قوشمالارینین دیلی وردیش اولونمامیش عرب- فارس کلمه‌لری و ترکیب‌لری ایله ایشلنیر).
سوسن نواده رضی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز