فیتونیا

بو گؤزه ل و رنگلی گول ، داش گولو ( گل سنگ ) طایفاسیندان دئییل . آنجاق ایران دا بو آدیله آدلانیبدیر.
بو بیتگی نین گؤزه ل و خال لی یارپاقلاری نئچه جوره رنگلرده ( آغ ، صورتی ، قیرمیزی ، آل ) ساتیش اوچون بئجه ریلیر.
بو بیتگی گولدان تورپاغیندان آسانلیقلا بیتیر و ایشیقلی کؤلگه یئرده ده گؤیه ره ر و داها دوز گونش آلتیندا قالماغی لازیم گؤرونمه ییر.
شئهلی تورپاغی چوخ سئویر آمما زیغلیغی خوشلاماییر. یارپاقلاری نین سارالماغی سویون چوخلوغوندان و یارپاقلاری نین اؤلوشگه مه سی سویون آزلیغیندان دیر.
بو بیتگی نی ، پیل وورماقلا ، قول یاتیرتماقلا و کؤتوک بؤلمه کله چوخالتماق اولار.
بو گول ، آپارتمان و ائو گول لریندن دیر. ائوده گولدان دا یاخشی قالیر.
بو گولو شوشه گولدان دا آیری گوللریله بیرلیکده اکیب آرتیق گؤزه للیک یاراتماق اولار. بو بیتگی نین نارین گوللری اولار آمما نه گوللرینه گؤره بلکه یارپاقلارینا گؤره ساخلاییب بئجه ردیرلر.
تاپیشیریلیر: هر دن بیر بو گولون قولاری نین باشین وورون چوخ اوجالماییب ائنه وئرسین . ( باشلارین قیراندا یئنی دن پیل ووروب و بیتگینی چوخالدا بیله رسیز).
بو گول ( آفریقا بنوشه سی کیمی ) چوخ ایشیق ایسته ییر آمما گون آلتیندا قالماغی زیاندیر. آنجاق ایشیق آز گؤرسه یارپاقلاری لاپ یاشیللانار و رنگیده آزالار. بئلنچی حالدا گولدانی ایشیقلی یئره آپارارلار. ایشیقلی یئردن منظور بو دئئیل کی دوز گونش آلتینا آپاریلا ، یوخسا گون آلتیندا آرادان گئده ر . کؤلکه اولا ، بیر کؤلگه کی گونشین ایشیغی ، اَیری حالدا ( غیر مستقیم ) اورا چوخ دؤشور.
بو بیتگینی سووارماق ایسته یه نده آییق اولون کی ایکی سووارماغین آراسیندا گولدان تورپاغی قوروسون . دئمه ک اولار : بارق ایله تورپاغی سورته نده گؤره ک یاش دئییل. بو گول چوخ سوواریلسا یارپاغین تؤکه ر .
بو گولون گولدان تورپاغی یونگول اولمالی دیر. هر دن بیر سولو کوددان فایدالانماق ، گولون داهادا آرتیق گؤزه للنمه گینه سبب اولار آمما تورش کود ( کود ازته ) چوخ ایشله نیلسه یارپاقلاری یاشیلا چالار و رنگی آرادان گئده ر .
بو گولون لاپ آسان چوخالتماق یولو بئله دیر :
بیتگی نین اوزون قوللاری نین باشیندان که سیب یئنی دن کؤتوکله ندیریب اکیرلر. ائله مه ک اولار نئچه پیلی بیر گولداندا اکیب گولدانی دولو گؤرسه دک.
قایناق: اینترنت /
چئویره ن: الف. عظیمی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz