روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۷/۳۰
روزنامه ساقی آذربایجان
آمار بازدید
  • کاربران حاضر: 1
  • بازدید امروز: 510
  • بازدید دیروز: 1,605
  • کل بازدید ها: 841,458
قارانقوش

گؤی اوزونو بولود آلاندا، خوصوصیله یاغیش یاغما عرفه سینده بیزیم محلله ده قارانقوشلار چوخ اولور. اونلار داها چوخ آپرئل آییندا و مای آیینین اوللرینده اولور. ایتی سورعتله سمادا اورا بورا – خروشووکا- بیر نوع اوچوشورلار. بیزیم عایله دئییلن بئش مرتبه لی ائوین – بینالارین آدی آخیرینجی مرتبه سینده یاشاییر. بیر گون خسته خانادان قاییدیردیم. یولداشیم نرگیز (نرگیز حسینووا) اونکولوژی خسته خانادا یاتیردی. من چوخ پریشان، عصبی وضعیتده ایدیم. بینانین بلوکونا گیردیم، پیللکنلرله آستا آستا – بئشینجی مرتبه یه قالخدیم. من همیشه قالخاندا مرتبه لره باخیرام. ائله بیل کی، بیرینجی دفعه دیر کی، بو مرتبه لری سئیر ائدیرم.دؤردونجو مرتبه نی قالخیب بئشینجی مرتبه یه چاتاندا نه گؤرسم یاخشیدی…
بیر قارانقوش بئشینجی مرتبه ده بلوک دیواریندا دیواری دیمدیکله ییردی. دیمدیکلنن یئرده بیر نئچه قورو اوت حیصه جیکلری وار ایدی. گؤزومو اورا زیلله دیم. آما چوخ دایانمادیم. منی گؤروب قاچا بیلردی. من هر گون ایش، خسته خانایا گئدیب گلنده اورا باخیردیم. باخیردیم گؤروم، یووا نه واخت قورولوب باشا گله بیلر. گئتدیکجه همین یئر یووا حالینا دوشوردو. بیر قارانقوش اوچوردو، او بیریسی گلیردی.
گؤرونور بیری آتا، او بیریسی آنا قارانقوش ایدی. بورادا ان ماراقلیسی، دیقتی چکن او ایدی کی، قارانقوش یووانی دیوارین هر هانسی بیر چؤکک، یاریق یئرینده ( بئله یئر یوخ ایدی) دئییل، سادجه دیوارین اوستونده قورولوردو. بو منی داها چوخ یازیق : تعجوبلندیردی. اؤز اؤزومه دئییردیم قارانقوشلار، بیر بالاجا کولک اسسه یووا اوچاجاق، زحمتلری هدره گئده جک حیات یولداشیم ایکی هفته دن سونرا حیاتینی دییشدی. دونیا سانکی باشیما فیرلاندی. اللی ایله قده ر بیر یئرده یاشادیغین آدامی ایتیرمک منیم اوچون آغیر ایدی… آداملار تانیشلار، قوهوملار، دوستلار، ایش – یولداشلاری حضوره ( عزا مراسمی) گلیردیلر. حضوره گلنلری ادب ارکانلا، ائل قایداسی ایله یولا – سالیردیم.هر دفعه بلوکا( راه پله) چیخیردیم. هر دفعه بلوکا چیخاندا قارانقوش یوواسینی گؤستریر و اؤز تعجوبومو اونلارلا بؤلوشوردوم. بو دفعه ده ائله اولدو، دئدیم:
گؤرورسوز، نئجه اولور کی، کولک اوتلاری یئره – سالمیر؟
آداملار یووایا باخدیلار و حئیرتله تعجوب قالدیلار.
بیری دئدی: دوغرودان دا معجزه دیر.
او بیری: بیزیم باغدا قارانقوش یووالاری وار، آنجاق آغاجلار – سیخ اولان یئرده.
دیگری: بو الله ین سیرری دیر، معجزه سی دیر دئدی.
بو آندا قارانقوشون بیری دیمدیگینده اوت گتیریب اولکی اوتلارین اوزرینه قویدو و اونون او طرف، بو طرفینی دیمدیکله مه یه باشلادی. بو زامان بو دئینادام یئنیدن سؤزونه داوام ائتدی: « بو اللهین معجزه سیدیر فکر وئردینیزمی، گؤرونور قارانقوشون دیمدیگیند، – یا توپورجگینده کلئیه بنزر نسه وار، دیمدیگی ایله اوتو دیوارا یاپیشدیریر».
بو سؤزدن سونرا منیم ده، آداملارین دا حئیرتمیز، بیر آز دا آرتدی.
بیر نئچه گون کئچدی. من هر گون یووایا باخیردیم. نؤوبتی بیر معجزه ده باش وئردی. یووادا ایکی قارانقوش بالاسی گؤرسه نیردی. کیچیک ات پارچاسی کیمی گؤرسنن قارانقوش بالالاری باشلارینی او طرف، بو طرفه ترپه دیردی. یووا چوخ کیچیک ایدی. اونلارا باخاندا یازیغیم گلیردی. هر آن یووادان پیللکنلرین، یا دا آداملارین اوستونه دوشه بیلردیلر. آما خوشبختلیکدن بئله اولمادی. عزیز اوخوجولاریم، منه بورادا معجزه کیمی گؤرسنن اونلارین اوچا بیلن آنا کیمی اؤز یووالاریندا قالمالاری ایدی.
بیر نئچه گون ده کئچدی. قارانقوش بالالارینین “جیب جیب” : جیویلتیسی ائشیدیلمه یه باشلادی آما اونلارین جیویلتیسی جوجه لردن فرقلی اولاراق داها سولغون، ضعیف، آستا تئمبیرلی(سسلی) ایدی.
اونلار جیویلدشنده من سئوینیردیم، سئوینیردیم کی، سالاماتدیلار.
بیر آز دا کئچدی. قارانشوش بالالارینین بدنی، قانادلاری آرتیق توک باغلامیشدی، آتا آنالاری – کیمی قاپ قارا توک. بیر نئچه واختدان سونرا ایشدن ائوه گلیردیم. یووایا باخاندا قارانقوش بالالارینی بلکه یئره دوشوب :گؤرمه دیم . یئنه ناراحات اولدوم دئیه دوشوندوم. ائوه گیردیم. پیشیکلره یئم اولوب مطبخه گلیب بیر استکان سو اویدیم. مطبخین حَیَطه باخان طرفده زیوه نین(کندیرین) اوستونده دؤرد دنه قارانقوش اوتورموشدو. ایکیسی آتا آنا، – ایکیسی بالالاری. بالا قارانقوشلار زیوه نین اوستونده اوتوروب مشق ائدیردیلر: قانادلارینی ترپه دیر، ائندیریب قالدیریردیلار. سانکی طیاره اوچوشا استارت گؤتورن کیمی.
نرگیز خانیمین اؤلومو منی راحات بوراخمیر. او، هر آن گؤزومون اؤنوندن گئتمیر. شکلینه باخاندا ائله بیلیرم کی، منه باخیر، منیمله دانیشیر. آما نئجه دئیرلر، اؤلنله اؤلمورلر. مایین(مای آیی/ اردیبهشت) آخیرلاری ایدی. نوه لریمله باغا گلدیم. هر ایل باغدا قارانقوش یووالاری اولاردی. سحر دان سؤکولنده اوخویوردولار، غریبه سسلری وار ایدی.
من ایلک واختلار اونلارین سسینی بولبولون سسی حساب ائدیردیم. باغدا بولبول ده وار ایدی. دوغروسو قارانقوشون اوخودوغونو بیلمیردیم. بو دفعه باغیمیزدا نه قارانقوش، نه ده بولبول وار ایدی. سانکی نرگیزین یوخلوغو اونلارا دا آگاه اولموشدو. بو دا اوچونجو بیر معجزه یدی. بیلمیرم بو دا اللهین بیر معجزه سی ایدی، یوخسا تصادوف ایدی. آما بو حقیقت__
پروفسور توفیق قلی اوو

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز