روزنامه کثیرالانتشار سراسری صبح ایران
به دو زبان ترکی و فارسی

۱۳۹۶/۰۹/۰۴
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 634
  • بازدید دیروز: 511
  • کل بازدید ها: 467,972
قارا لوبیانین فایدالاری

مین لر ایل اولار کی قارا لوبیا آمریکا اؤلکه لرینده اکیلیر و یئییلیر. آنجاق بو بیتگی باشاقا اؤلکه لره او جمله دن اوروپایا و دونیانین آیری یئرلرینه و ایرانادا یاییلیب دیر . سیزده ائلییه بیلرسیز بو میوه نین فایدالاریندان داداسیز. قارا لوبیانین بعضی خاصیتلری آداما عجیبه گلیر . بو میوه نین ده یه رلی خاصیتلری بونلاردان عبارتدیر:
– قارا لوبیادا بیتگی پروتئینی چوخدور. بو یئمه لی بیتگی یییه نلر اوچون چوخ یاخشیدیر.
– عضله ، مفاصیل و سوموک اوچون فایدادیر.
– گوارش اوچون یاخشیدیر. معده آغریسی ، معده قیزیشماسی چوخلو او آداملاردا یارانیر کی غذالاری نین فیبری آز اولور. قارا لوبیادا فیبر چوخدور . آنجاق بو فیبر « یبوست » ناخوشلوغون آرادان آپاریر و قارین باغارسیغین پاکلانماغینا دا سبب اولور.
– بیلیریک کی لوبیا تکی یئمه لی کؤپ یاراداندیر آمما اگر اونو گئجه ایسلاتساق و سونرا سویون ائشیگه تؤکسه ک ، کؤپورتمه ک خاصیتی آزالار.
– قارا لوبیا سرطان ناخوشلوقلارین قاباغین آلماقدا یاردیمدیر. نئجه کی بیلیریک « سرطان » دونیادا چوخ اؤلومه سبب اولور . آمما غذاسی سالیم اولان آداملار بو قادادان آماندا قالیرلار. قارا لوبیا دا او جومله سالیم یئمه لی لردندیر، چون بو یئمه لی ده سگگیز نوع « فلاوونید » واردیر. فلاوونید لر بیر نوع بیتگی ترکیبلری دیلر کی سرطانی سلول لارین چوخالماغی نین قاباغین آلیرلار. بیرده کی چون قارا لوبیانین چوخ فیبری واردیر ، بؤیوک باغارسیغین سرطانا دوشمه گی نین قاباغین آلار.
– قارا لوبیا اوره گین یولداشی دیر. قارا لوبیادا حلّ اولموش فیبر قانین قولای یاغی نین آرادان گئتمه گینه سبب اولور و اوره گین ساغلیغی اوچون فایدادیر. دامارلاردا قولای یاغ آز اولسا اوره گین سکته ناخوشلوغو اولماز. تدقیقات نیشان وئریبدیر کی قارا لوبیا دا « اومگا اوچ » واردیر کی قاندا یاخشی یاغین چوخالماغینا سببدیر و حتّی قانین فیشاری نین آزالماغیندا یاردیمدیر.
– قارا لوبیا بویلو قادینلار اوچون فایدادیر .
– یئمه ک آزلیغین ، یا یئمه گین بوش یئرین دولدورار. اگر سیز او کس لردنسیز کی ، واختیز اولمادیغینا گؤره آماده غذالاردان فایدالانیرسیز. هردن بیر قارا لوبیا یئمه کله ، بدنین ایسته دی گی نین بوش یئرین دولدورا بیله رسیز. مثال اوچون: چوخلو آماده یئمه لی لرده فیبر، اومگا اوچ ، پروتئین و اوکسیدان کیمی موادلار یوخدور آمما قارا لوبیا دا واردیر.
– بو یئمه لی « قند » ناخوشلوغو اولانلارا ، قندین بیر حالدا قالماغی اوچون یاردیملیق ائدیر.
– قارا لوبیا بئیینین یولداشی دیر. بو یئمه لی بئیین و اعصاب اوچون فایدادیر. چون معدنی مواد بوندا چوخدور .
قایناق: اینترنت / الو دکتر – چئویره ن: الف.عظیمی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
همگام با تبریز 2018
اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
سامانه پیامکی
آذربایجانین گوزه للیک لری
پیگیری وعده مسئولان
تصویر روز