روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۶
روزنامه ساقی آذربایجان
تبلیغات
آمار بازدید
  • 1
  • 424
  • 798
  • 1,333,923
قار دنه لری

قارلی قیش گونلرین بیرینده پنجرﻩنین آرخاسیندا دایانیب تاماشا ائدیردیم. قار دنهﻟﺮی رقص ائده ـ ائده دووارلارین، کوللارین، آغاجلارین بوداقلارینا، بیر سؤزله هر شئیین اوزه رینه دوشوردو. ائله بو آن ایری بیر قار دنه سی پنجرهﻳﻪ طرف گلدی. الیمی باییرا اوزادیب قار دﻧﻪسینین آلتینا توتدوم آستاجا گلیب اووجومون ایچینه دوشدو. نئجه ده آغ و شفّاف ایدی، ائله بیل اوزه رینده صنعتکار الی ایشله‌میشدی، اؤز ـ اؤزومه دئدیم: کاش قار دﻧﻪسینین دیلی اولایدی. اؤز سرگذشتینی منه دانیشایدی. بونا بند ایمیش کیمی قاردﻧﻪسی دیله گلدی. منیم سرگوذشتیمی ائشیتمک ایستهﻳﻴﺮسن سه قولاق آس دانیشیم. من بیر نئچه آی اول سو قطرﻩسیدیم. خزر دنیزینده میلیارد ـ میلیارد سو قطرﻩلریله اویان ـ بویانا گئتمک‌له گون‌لریمی کئچیردیردیم. یای گون‌لریندن بیرینده دنیزده گزیشیردیم، گونش برک ایستی ساچیردی ایستی‌نین تأثیریندن قیزیشیب مینلر، اون مینلر قطره ایله بیرلیکده بوخارا چئوریلدیم. بیز یونگوللوکدن قانادلانیب یوخاریلارا اوچوردوق، کولک ده آرخامیزا دوشوب بیزی ایستهﺩییی طرفه قوووردو، او قدر یوخاری قالخدیق ﻛﻲ آدام‌لار گؤزوموزدن ایتدی. هر طرفدن بوخار کوتله‌لری گلیب بیزه قوشولوردو، بعضاًده بیز گئدیب داها بؤیوک بوخار کوتله‌لرینه قوشولوردوق. بیر ـ بیریمیزه قوشولوب یول گئدیردیک. گئتدیک‌جه سیخ‌لاشیب چوخالیب، چوخالدیق‌جا یوخاریلارا انگین‌لیک لره اوچوردوق، بعضاً گونشین اوزونو اؤرتوردوک، بعضاًده آی و اولدوزلارین قارشیسینی کسیردیک، گئجهﻧﻲ داها قارانلیقلاشدیریدیق. بوخار ذرﻩلری‌نین بیر چوخو دئییردی: آرتیق بیز بولود اولموشوق. کولک بیزی جور به جور شکیل‌لره سالیردی، هله من اؤزوم دنیزده یاشایاندا بولودلاری موختلیف شکیل‌لرده، اینسان، دَوه، حتتا اوزون قولاق شکلینده گؤرموشدوم. گؤیده نئچه آی سرگردان قالدیغیمیزی بیلمیرم.
چوخ سیخ‌لاشمیشدیق ﻛﻲ اطرافی گؤرموردوک، هارایا گئتدیییمیزی بیلمیردیک. گونش گؤرونموردو. ائله بیل گونشین قاباغینی کسمیشدیک. بولودون ائنی ـ اوزونو بیر نئچه یوز کیلومتر اولاردی و یاغیش اولوب یئره قاییتماق ایستهﻳﻴﺮدیک. یئرین حسرتیله اوره ییم بیر تیکه اولموشدو. بیر مدت دن سونرا یاری سو و یاری بوخار حالینا دوشدوک. آز قالیردی یاغیشا چئوریلک. بیردن هاوا ائله سویودو کی من ده، یولداش‌لاریم دا تیترﻩدیک. اطرافیما نظر سالیب یولداش‌لاریمین بیریندن سوروشدوم کی نه اولوب؟ بئله جاواب وئردی: «ایندی باشقا یئرلرده هاوالار ایستی اولسا دا، بیزیم اولدوغوموز یئرلرده قیشدیر. بو گؤزلهﻧﻴﻠﻤﺰ سویوق بیزی یاغیش اولماغا قویمایاجاق. بیرجه منه باخ؛ من قارا دؤنورم ائله سن اؤزون ده.» یولداشیم سؤزلرینی قورتارا بیلمهﺩی. قارا دؤنوب یئره ائنمهﻳﻪ باشلادی. اونون آردینجا من ده. مینلر منیم کیمی ذرﻩلرده بیر بیری‌نین آردینجا قارا دؤنوب یئره یاغماغا باشلادیق. دنیزﺩه اولاندا آغیر ایدیم آنجاق ایندی چوخ یونگول‌لشمیشم. قوو کیمی اوچوردوم اونا گؤره کی سویوق ایلیکﻟﺮیمه ایشلهﻣﻴﺷﺪی. رقص ائده ـ ائده یئره گلیردیم ائله کی یئره یاخینلاشدیم گؤردوم تبریز شهرینه دوشورم. خزر دنیزیندن نه قدر اوزاقلاشمیشدیم، یوخاریدا اولارکن بیر اوشاغین یازیق بیر ایتی دؤیدویونو گؤردوم، ایت آلدیغی ضربهﻟﺮدن یازیق ـ یازیق زینگیلدﻩییردی. گؤردوم کی یئره بو وضعیتده یاخینلاشسام دوز همین ظالیم اوشاغین باشینا دوشهﺟﻢ. کولکدن خواهیش ائلهﺩیم کی منی باشقا یئره آپارسین. اوشاغین باشینا دوشمکدن خیلاص اولدوم کولک ده خواهیشیمی قبول ائدیب منی بورایا گتیردی. الینی آلتیما توتدوغون اوچون سندن خوشوم گلدی. نهایت قاردﻧﻪسینین سسی کسیلدی باخیب گؤردوم کی سویا دؤنوب.
یازان : صمد بهرنگی
کؤچورن: بهروز صدیقی
قایناق: آذربایجان آنتولوژیسی ، دؤردونجو جیلد

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز