روزنامه کثیرالانتشار سراسری صبح ایران
به دو زبان ترکی و فارسی

۱۳۹۶/۱۲/۰۲
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 665
  • بازدید دیروز: 504
  • کل بازدید ها: 574,173
« قافلان » و « یایلیم »

قافلان، آذربایجان موسیقی سی ایله یاشاییب، بؤیویوبدور. زنگانا کؤچمه میشدن اؤنجه، اؤلکه میزین گؤرکملیب آشیغی “اوستاد ایمران حیدری” یانیندا “ساز” اؤیره نیب و همین ساز، شاعیری اؤز آنا توپراغینا وورغون ائدیبدیر و بو وورغونلوق سبب اولوب قافلان چوخلو شعرلرینده آشیق شعر فورماسینا علاقه بسله سین. بونو دا آرتیرماق لازیمدیر قافلانین آتاسی، گنج شاعیریمیزده بؤیوک ائتکی بوراخیبدیر. شاعیر دئمیشکن “آتام اوشاقلیقدان منه اؤیرتدی کی همیشه وطن قاشیسیندا هر وطن داشی نین اؤنونده “باش ایمک گره ک”. آتام اؤزو ده هنردن بهره لی ایدی. موسیقی آلت لری دوزه لدر. همی ده رساملیقدا الی واردیر. قافلان تخلوصونو او منه بیه نمیشدیر”.
شاعیر، ساز هاوالاریندا شعرلر یازیب، بلکه ده اوخوموشدور:
اویناقلایار اوره ک لر آذربایجان دئینده،
آل بزه نر دیلــــک لر آذربایجان دئینده.
***
اوخور بولبول اوخو یار عشقه یووا توخویار
گونش گول تک قوخویار آذربایجان دئینده.
***
تئله اینجی دوزولر بئلده ایپــــک بوزولر
کؤنلوم قوپوب اوزولر آذربایجان دئینده.
***
تئللی سازیم سازلانار شعر باغیم یازلانار
“قافلان” ائله نازلانار آذربایجان دئیــنده.
شاعیر، خالق ماهنی لاریندان، ائل ادبیاتیندان باجاردیقجا یارارلانیبدیر. خالق ماهنیلاری ایچینده “ساری بولبول” آدلانان شعره بیر بنزه تمه ده یازیبدیر:
قیش فصـــــــــلیدی ناله ائله
گول هیجرینده زاری بولبول.
اوره ک تــــئلین وئره ر یئله
ســـن چالاندا سازی بولبول.
***
غم قالــــــــیران تایا – تایا
باشـــــی قالخیب دئییر آیا؛
دار گونــــلری سایا – سایا
عؤمروم اولدو یاری بولبول.
***
آلوولودور آهیم منیـــــم،
غم اولوبـدور شاهیم منیم،
یوخ سینـمده شاهیم منیم،
سه سله گلسین “یاری” بولبول!
***
“قافلان” تؤکر سوزلی یاشلار،
داغ دؤشوندن چایلار باشلار،
قار دا یاغسا یاتماز قوشــلار،
قووار باغدان ساری بولبــول.
شهریمیزین گنج شاعیری قافلان، آنادیلیمیزین اینجه لیک لریله تانیشدیر، بؤیوک باجاریقلا ایشه آپاریر. دوغرودان شهریمیز بئله بیر شاعیری قوجاغیندا بسله دیگینه گووه نه بیلر. اومید زنجان درگیسینی بیر ایلدن آرتیق گؤزه ل شعرلریله ایشیقلاندیریر. قافلان، آشیق شعری فورمالاریندا چوخلو شعر یازیبسا دا، ایندی سربست شعرلرده باجاریغینی گؤسترمکده دیر. قافلانین دویغوسو، مفکوره سی و یارادیجیلیغی شاعیرانه دیر. شوبهه سیز زنگانین آذربایجان ادبیاتینا نئچه ده یرلی بخش ائتدیگی شاعیرلردن بیرسی ده حتمن قافلان و اونون اثرلرینی سایماق اولار. گنج شاعیریمیزه نائلیت لر دیله ییب، گلن ساییلاردان شاعیرین سذبست شعرلریندن اؤرنک وئرمه گی سؤز وئریریک.
یاریم یاردیر، یاریم یارا؛
الینیزه آلدیغینیز کتابین عنوانی”یاریم یاردیر، یاریم یارا؛” . عنوان اؤزو گؤسته ریر کی بورادا ائله بیر اثریله اوز – اوزه گله جه ییک کی یاریسی سئوگی و یاردان صحبت، قالان یاریسی دا درد، کدر و غمدن دانیشاجاق. ایلک آددیمدا بیر دویغولو، دوشونجه لی شاعیرین اوره ک سؤزلرینی اوخوماغا حاضیرلانماق گره کیر. بئرادا دویغو قول – قاناد آچیر و شاعیرین خیال پریسی محبت یوردونو اوچوشو ایله گزیشیر و سئوگی ایله برابر دردلری ده تاپیر. آشاغیداکی بالاجا شعره دقت بویورون:
یاستسغسمدان؛
بو قــــاوزانان
یایلــــیم لار…
قویــــماییرلار
راحات یاتام گئجه لر.
اولمــــــــــــایا کی؛
ایچینده کی للـک لر
گولله له نن کهلیک لردن
یولونوب!؟
بو بالاجا شعر، بوتون شاعیرانه گؤزه للیک لره مالیک دیر. بونو اوخودوقدا واز کئچمک مومکون دئییل. بیر بالاجا دایانیب، بیر ده اوخویورسان؛ داها آرتیق لذت دویورسان. یئنه اوخویورسان، بلکه اوره یینله ایچیرسن! بونا دئیر لر: – شعر!
بیلیرسینیز، شعریمیز زامانلا آددیملاشیب، آلچاق – اوجالاری گئریده قویوب و بوگون تجروبه لری الده ائده رک مئیدانا گلیبدیر. گنج شاعیریمیز ده، گنج یاشینا باخمایاراق، شعریمیزین ائنیش – یوققوشونا تانیشدیر. ائله بونا گؤره چالیشیر، چیرپینیر و نهایت الی دولو مئیدانا گلمک ایسته ییر و بیلیر کی شاعیر اولماق اوچون سئیر و سلوک ائتمه لی دیر. شاعیر ائله بونا گؤره کؤکسونده دؤیوش مئیدانی آچاراق، اوره یینی گئنیشلندیریر. بونون اوچون ده – یئنی دن یاراتماق ایسته یه رک – گئتمه گه معروض قالیر:
ایندی کی اؤزومده سیغماییر اوره ک،
گــــــــــــئدیرم یئنی دن یارانام گلم!
بیر دؤیوش مئیدانی آچام سینـــه مده،
یایلیــــــــــم لی داعلاردا تالانام گلم
گئدیـــــرم
گئدیـــــرم
گئدیرم داها. م. کریمی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز