ســـــــــاقی زامانین جبری منی سالسادا هی ده ن
سرشار ائله جان ساغری نی قیرمیـــــزی می ده ن
هجــــــــران ستمین ده ن اوجالیب گؤیلره ناله ام
سوسدور منی آنجاق سوروش احوالیمی نی ده ن
من مدرسه ده تکجه بو بیر نکـــــــــته نی قاندیم
موشکول آپارام فایدا (الف) ده ن یادا ( ب)ی ده ن
قانمـاق نه قده ر چــــوخ او قده ر یانماقین آرتیق
بختین بو قــده ر باغرینی چاتلاتمـــــا گیلی ده ن
دونموش بئیینه گون ده کسر یوخـــــدور اریتسین
بوشلا قوزئ یی باشلاما افسانه گونئـــــــــی ده ن
خرمایه یاخینلاش نئجه کــــــــــی حضرت زاهد
گؤز یومدی خداده ن ولی گؤز یوممادی ری ده ن
قاضی کی قضاوت ده اوگئی دوغماســــــی اولدو
باج آلمالی دیر حشره کیمی دوغما اوگئـــی ده ن
ایمان ائوی کفرین پیله گی ایلن یئخیـــــــــلاندیر
هر یئرده اجل قصری اگر سســــــت اولا پی ده ن
قانـــــــــــماز ائله قانمازدی باشی عرشه ده چاتسا
یوخ فرقی پاریس ده ن اولا صـــادر یا رضی ده ن
باغلاردا یئرین برکیـده بیلســـــــــــــــه قارا قارقا
بولبول چیخا بیلمز یازا قورتارســـــــــادا دی ده ن
انسانی فنرمثلی کی یئغدین آچیلانــــــــــــــــــدا
گاه آنکارادان باش چیخـــــادار گاه دا دوبی ده ن
سانما کئ یئ یب ظلـــــــــــمکـارا قارشی قلم لر
تابوته دونر تخت قلم چیخـــــــدی کی کئی ده ن
ایسترسن اولاغ یوللانا قارداش یئمیـــــــــن آرتیر
عیسی ائله ین معجزه نی اومما هـــــــــوچی ده ن
رستم سن اگر گوجلو اولانمــــــــازسن اجل ده ن
سلطان سان اگر فایدالان افـــــــــسانه ی کی ده ن
جسمون کی نهایت ده اولار قــــــورد قوشا قسمت
منده ن سوز ائشیت ائیله حضـــــر اوچ دانا پی ده ن
پول دور بو اوچون ان بویوگی هر قـــــده ر آرتسا
قاپماق دا یقین سبقت آلارســـان آنا لی ده ن
پارتی نـــظریم دیر او ایکینجــی پی یه دایر
پارت ایلا آشــان ایش سالاجاق پی سری هی ده ن
آیدین دیر اوچــــــــونجو پی علامت دی پلوودان
بوکسون کیسه سی گورنه یه وارث دی کلی ده ن
دوزگون سوزونه ( عاصم ) اگرمشـــــــــتری قالسا
ائل لر آرا نشر اولمالی دیر چیخـــــــسا اوکی ده ن
عاصم