روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۸/۰۹
روزنامه ساقی آذربایجان
تبلیغات
آمار بازدید
  • 1
  • 379
  • 849
  • 1,360,291
قــاپ قـارانــلیق

چؤل. سقاخانا، پنجه، علم و کتل اوزه ­رینه چکیلمیش سو قیرناسی و زنجیرله باغلانمیش بیر کاسا. سو قیرناسی­نین اوستو و پنجه ­لرین بیریسی نین آلتی – ال اوندان راحاتلیقلا کئچر قده ­ری ده ­لیکدیر.
پرده آچیلیر. صحنه بوشدور. ایلک اؤنجه بیر شئیین دوشمه سی ائشیدیلیر، آرخاسیجا بیر کیشی­نین اوجادان گولمه ­سی. نئچه آن سونرا بیر کیشی آرخاسیندان موغایات اولاراق صحنه ­یه گیریر، ساغ الینه بؤیوک بیر قیچی آلمیش، قالین و قیسسا بیر ایپ ده سول الینده. دایانیب گولور و قیچی­نی سسلندیریر و هاوادا ترپه دیر و نئچه آددیم ایره ­لی گلیر. بیر پینتی و یورغون کیشی گیریر و سوسوزلوقدان له له وورور. بر کبیر ایپی آیاغینا باغلامیشلار. چتیتلیکله اؤزونو قاباغا چکیر، اللرین اوزالدیب التماس ائده ­رک قیچینی بیرینجی کیشیدن آلماق ایسته­ ییر. بیرینجی کیشی ایره ­لی گلیر و قیچینی سسلندیریر و دایانیر. نئچه تیکه ایپدن قایچیلیر و گولور. ایکینجی کیشی بیردن آتیلیر بلکه قیچینی بیرینجی کیشی­نین الیندن قاپسین. ایپی دالدان چکیرلر، ایکینجی کیشی یئره ییخیلیر. بیرینجی کیشی اوجادان گولوب دایانیر و تاماشا ائدیر. ایکینجی کیشی اللرین اوزالدیب یالواریر و قیچینی ایستیر. بیرینجی کیشی قیچینی سسلندیریر و سقاخانانی گؤسته ­ریر. ایکینجی کیشی قالخیر، یئنه اؤزونو ایره­ لی ـ سورور. ایپ، آیاغینی یارالاییبدیر. بیرینجی کیشی قیچی ایله ایپی تیکه – تیکه ائدیر و یئره تؤکور و قیچینی گؤیه آتیر. ایکینجی کیشی آتیلیر قیچینی توتسون. ایپی چکیرلر، کیشی یئره ده ­ییر. بیرینجی کیشی قیچینی یئره آتیر و برکدن گولور.
ایکینجی کیشی یئرده سورونور و الینی اوزالدیر بلکه قیچینی گؤتورسون. بیرینجی کیشی آیاغی ایله قیچینی ایره ­لی ایته­ له ­ییر و برکدن گولور و تاماشا اوچون دایانیر. ایکینجی کیشی یئرده سورونور و بیردن آتیلیر قیچینی گؤتورسون. بیرینجی کیشی یئنه آیاغی ایله قیچینی قاباغا ایته ­لیر و گولور. ایکینجی کیشی ائله او جور یئرده قالیب بیرینجی کیشینی سوزور. بیرینجی کیشی قاباغا گئدیر و قیچینی گؤتوروب ایکینجی کیشی­یه گؤسته­ ریر. ایکینجی کیشی باخیر آنجاق ترپنمیر. بیرینجی کیشی ایپدن بیر تیکه­ نی قیچیلیر و مهربان قیافه ایله، قیچی و سقاخانانی ایکینجی کیشی­یه گؤسته­ ریر. ایکینجی کیشی یئرده سورونور. سقاخانایا یاخینلاشیر. بیرینجی کیشی قیچینی گؤیه آتیر. قیچی ایکینجی کیشی­نین الی­نین یانینا دوشور. بیرینجی کیشی بیردن ترپه­ نیر بلکه قیچینی قاپسین. ایکینجی کیشی اؤزونو قیچی نین اوستونه آتیر. بیرینجی کیشی اوجادان گولور. ایکینجی کیشی قورخاراق قیچینی گؤتورور و قانلی ایپی قئیچی­نین آغزینا قویوب سیخیر. بیردن قئیچی ایکی تیکه اولور. ایکینجی کیشی اومودسوز قورخوسوندان یئره یاتیر. بیرینجی کیشی اوجادان گولور و یئره دوشموش ایکینجی کیشی­یه تاماشا ائدیر. سونرا کاسانی گؤتوروب، سو قیرناسینی آچیر. کاسا سقاخانانین سون دامجیلاریلا دولور. سقاخانانین داها سویو یوخدور. بیرینجی کیشی کاسا ایله ایکینجی کیشی­نی تاماشا ائدیر. ایکینجی کیشی یاریمچیق قالخیر و سویا باخیر. بیرینجی کیشی وامجا، لذت دویاراق، ایکینجی کیشی­یه موغایات باخاراق سویو دوداقلارینا یاخینلاشدیریر، بیر قورتوم ایچیر و قالانینی ایکینجی کیشی یه ساری آپاریر. ایکینجی کیشی سویا باخیب دوداقلارینی ایره­ لی آپاریر. بیرینجی کیشی کاسانی ایکینجی کیشی­نین آغزینا یاخینلاشدیریر و بیردن سویون قالانینی یئره سه­ پیر و برکدن گولور و کاسانی سقاخانانین اوستونه قویور.
ایکینجی کیشی یئرده اوزالانیر و اوزونو یاش قوملارین اوستونه قویور و اللریله آیاغینی ایکی طرفه آچیر. بیرینجی کیشی، ایکینجی کیشی­نی سورور. سقاخانانین آلتینداکی باجادان – ده­ لیکدن بیر ال چیخیر و بؤیوک بیر قئیچی­نی چیخاریر. بیرینجی کیشی قیچینی آلیر. ال گؤرونمز اولور. بیرینجی کیشی ایره ­لی گلیر و ایکینجی کیشی­نین یاخینلیغیندا اوتوروب قیچینی سسلندیریر. بیرینجی کیشی باشینی قالدیریر و باخیر. یئنه باشینی یئره قویور. بیرینجی کیشی قئیچینی سسلندیریر . ایکینجی کیشی اعتنا ائتمیر. بیرینجی کیشی قئیچینی ایکینجی کیشی یه اوزالدیر. ایکینجی کیشی ایکی اوره ­کلی و شوبهه ­لی قئیچی ایله بیرینجی کیشی یه باخیر. سونرا یاواش – یاواش الینی اوزالدیر. بیرینجی کیشی قئیچینی ایکینجی کیشی نین قاباغینا قویور. ایکینجی کیشی قالخیب اوتورور، قیچی ایله بیرینجی کیشینی سوزور. بیرینجی کیشی گولوب سقاخانایا ساری گئدیر. ایکینجی کیشی اوتوروب تله سیک ایپی قئیچی­نین آغزینا وئریب ایپی کسیر، ایپین کسیلمه ­سی سانکی اینانیلماییب. ایپین باشینا باخیر و آیاغینی ترپه­ دیر. بیرینجی کیشی اوجادان گولور. ایکینجی کیشی قالخیر. باخیشی بیرینجی کیشی ایله سقاخانا آراسیندا دولانیر. بیرینجی کیشی گولور. ایکینجی کیشی سقاخانایا یاخینلاشیر و سونرا سانکی پئشمان اولموش، ایکی کؤنوللو قاییدیب یئنه بیرینجی کیشی­یه باخیر. بیرینجی کیشی گولور. ایکینجی کیشی بیردن قاچیر. سقاخانانین ده­ لیگیندن بیر ال چیخیر و توپانجانی بیرینجی کیشی­یه وئریر، بیرینجی کیشی توپانجانی الینه آغیر – یونگول ائده ­رک، نیشانلاییر و ماشانی چکیر و ایکینجی کیشینی وورور. ایکینجی کیشی­نین لئشی یئره دوشور. بیرینجی کیشی توپانجانی آتیر یئره و گولمه ­یه دوشور، گولمه­ لر اوزوندور، گؤزلر یاشیلان دولور، اوتورور سقاخانانین آیاغیندا، توتغون بیر حال ایله گؤز یاشلارین سیلیر و فیکره دالیر.
گوهر مراد

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز