قوجا شاعیر

یاش اؤتوب، آییلیب گؤرورسن بیر واخت
هئچ نه یازمامیسان، عــــــــــومور یاریدیر.
آلنینا یازیلان قیــــــــــــــــریشلار آنجاق
عومرونون شیکایت میصــــــراعلاریدیر…
تله‌سیک قلمی آلیـــــــــــــــــــرسان اله،
اورک ده تیتره ییر اللــــــــــــرین کیمی.
لاکین گؤرونورسن وطـــــــــــــــنه، ائله
سن ده یازیلمامیــــــــــــش اثرین کیمی.
ائله ده اولــــــــــــور کی، باختین توتاندا
داش آختاران یئرده گؤوهـــــــر تاپیرسان.
کاینات دئییــــــــــــمی من شعره، سؤزه!
اونون میــــــــن دویونو، مین آچاری وار.
اونو دویا بیلمــــــــــــــه ز اونداکی کوزه
قلبینـــــــــــده کؤز تؤکوب آلیشمایانلار.
بلی، دوی بونلاری، ای شاعیـــر یولداش،
سسینی کسمه‌سین هر اؤتـــــــــری سس.
آرخین قاباغینا آتیـــــــــــلان بیر داش،
اونون سرعتینی ساخـــــــــــــلایا بیلمه ز!
سؤز گره ک اوخ کئچمه ز قایادان کئچه،
یوخدورسا سؤزونون کســــه ری، – یازما،
اؤزون سئومه‌یینجه، سئــــــــــویلمه‌یینجه،
اؤزگه‌دن محبــــــــــــــــــت اثری یازما.
عیب ائتمــــه ز اوچوشدا ییخیلسان بیر آن،
تکی دئمه‌سیــــــــــــنلر قانادسیز قوشدور.
گؤیلـــــــــــــــری فتح ائدن بیر آنا ترلان
کیم دئییر بالایکن ییخیــــــــــلمامیشدیر.
شعـریم، چوخ دانیشدیم، دئیه‌سن، بیر آز،
ســـــــن نییه سوسموسان، – دانیشان منم؟
یوخ، شعر اوجاغی آلـــــــــووسوز اولماز
آلیشدیران سنســــــــــــــن، آلیشان منم.
شعـــــریم، ائل سازیندا میزراب وور تئله،
اونســـــوز دا اؤته ری اؤته ن آز ده ییل…
اؤزلــــــــــــری دونیادان گئتمه‌میش هله
آدلاری دونیـــــــادان گئده ن آز ده ییل.
ائلین نفســـــــــــــی دیر أن بؤیوک اثر،
دویسام دا، اؤزومو اؤیه بیلـــــــــــــمه‌رم.
یوز بولبول سه سی ده منـــــــــه وئرسه‌لر،
ائلسیـــــــــــــــز بیر نغمه‌نی دییه بیلمه‌رم.
شعریم، شیمشــــــــکلردن قاناد ایسته سن،
یئرسه اینســـــــــــــــــــانم نَفس ایله گل.
دونیادا بیر دامـــــــــــــلا اولماق ایسته‌سن،
دونیایا ســـــــــــــن عمّان هوس ایله گل.
ممد آراز

دیدگاه بگذارید

avatar
  Subscribe  
باخبر شدن از