روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۷/۲۶
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 319
  • بازدید دیروز: 1,235
  • کل بازدید ها: 832,204
قوربان گئجه‌سی تؤوله‌ده

گئجه‌نین گئج ساعاتلاریدی. قویونلارین سسلری قورتولمور، تؤوله‌نی آلیبدی باشینا اونلارین مله‌مه سسلری. هئچ بیری یاتماق ایسته‌میر، یاخود یاتا بیلمیر. بوجاغین یاخینلیغیندا ایکی قویون اوز- به اوز بیری- بیرینه باخیر. آمما ندنسه بیری ساکین و سسسیزدی. هئچ‌ده مله‌میر.
سسسیز قویون یانینداکی یولداشینا دئییر.
– آخی بو زاواللی‌لارا دئین یوخدور نه‌دن آغلیرسیز، آخیری اؤلومدو دا، یا قوربان بایرامی‌ اولسون یادا باشقا بیر گون.
یولداشی قضبلی و آغلاییجی باخیشلاریلا اوزونو چئویرر اونا دئییر:
– هه دا،‌هامی‌ سنین کیمی‌فیلوزوف اولماز کی. آخی! سنه من نه قده ر دئدیم، گل بوردان قاچیب گئدک. هئچ سؤز ائشیتمه‌دین. گل ایندی بس نه ائده‌ک، صاباح قوربان بایرامیدیر.
– آخی قوربانلیغین اوغلو قوربانلیق!‌هارا قاچایدیق؟
– واختیندا سن، او یاغلی قویروغونو ترپتسئیدین، چوخدان ایکیمیزده آوروپادایدیق.
– باخ گؤروم! مگر اوردا دا قویونلاری یئدیردیب ایچیردیب باشلارین کسمیرلرمی؟
– اولسون، اورالار یاشیللیق‌دیر. ان آزی نئچه گونلوک عؤمورلرینده قویونلارا زیر زیبیل، کؤهنه کار- کاغیذ یئدیرتمیرلر.
سسسیز قویون، او بیری قویونلارین مله‌مه سسلرینین ایچینده یولداشینا دئییر:
– یوخ بالام. منیم یئریم ائله بو تؤوله‌دیر. منیم بوردا آنیلاریم وار. باخ بیر! هله ده گئچن ایل قوربانا گئدن آتامین قوروموش قیغلارینی تؤوله‌نین او بوجاغیندا ساخلامیشام.
سسسیز قویون بو سؤزلری دئییر، بیردن قویروغونو ساغا سولا سیلکه‌لر. بیر نئچه قیغ دنه‌سی یولداشینین اوز- گؤزونه توخونار. سونرا آه چکر و بوجاغا ساری گئده ر.
قضبلی قویون اونون دالسیجا دئییر:
– اولسون آتانین قیغلارینی دا اؤزوموزله آپاراردیق آوروپایا، شاعیر فیلوزوف قویون.
– اوهههههه، سن نه دئییرسن یازیق. تکجه آتام دئییل کی. سن بیر باخ بورا. آتامین قیغلاری وار، آنامین کی‌لار دا وار. آتامین آتاسی……… بؤیوک آتامین آتاسینین…آخی من بو قده ر قیغی نئجه داشییا بیلردیم آوروپایا.
یاخشیسی کی بوردا قالدیم. کؤهنه کار- کاغیذیمی، زیبیلیمی‌ یئدیم. من اؤلندن سونرا دا قیغلاریم آنی اولاراق قالار اؤولادلاریما….
محمد احمدی‌زاده

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز