قوناق ائوی ( مهمانخانه ) ایلک دؤنه تبریـــز شهرینده

مشروطه فرمانی نین اوچ ایل امضالانماغیندان قاباق ، مین اوچ یوز ییرمی بیرینجی قمری ایلی شعبان آییندا ، شهرین دیوارلارینا بیر اعلان یاپیشیلدی کی ایلک دؤنه مهمان خانه نین بو گونکی شکیلده دوزه لمه گیندن خبر وئریردی.
بو اعلان دا دوققوز بؤلومده مهمانخانه نین نئجه جورلنمه سیندن تبلیغ ائدیردی اونون بیر پاراسیندا بئله یازیلمیشدی:
« نظافت مهمانخانه سی، دمشق مئیدانی نین یاخینلیغیندا ، اولاً بو مهمانخانه نی جورله مکدن مقصود، هامی نین دینج اولماغی اوچوندور.
چون گؤروروک گاهدان بیر کسه بیر ساعات ناهارا قالمیش یا بیر ساعات شاما قالمیش چاغیریلمامیش قوناق گلیر ، ائوده ده گاهدان خوره ک اولماییر. اونا گؤره معلودور کی ائو صاحابینا بیر آز اینجیک لیک اوز وئریر. بئله بیر حالدا ائلییه بیله ر تئزلیکله قوناق ائویندن شام یا ناهار ایسته سین»
اوندان سونرا « محمدیه » مهمانخانه سی ده یولا دوشدو کی مسافرلره یئتیشمه کدن علاوه ، دوکتور مطبّی ، خیریّه مدرسه سی و قرائت ائوی ده واریدی.
قایناق: کتاب تبریز – شهر اولین ها / دوکتور صمد سرداری نیا
چئویره ن : الف. عظیمی بیلوردی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz