روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۶/۳۰
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 713
  • بازدید دیروز: 639
  • کل بازدید ها: 798,017
قیزدیرما

سالون آیاقدان باشا دولموشدو. آپاریجی اونون آدینی سسله دی. تمکینله صحنه یه طرف آدیملادی. اوندان اول ایکی نفرده صحنه ده یدی‌لر. اویونون قایدالاری آپاریجی طرفیندن سؤیله نیلدی. اونلار کامپیوتر آرخاسیندا بیر اویون اوینامالی ایدیلار. اویونلار بؤیوک اکراندا نمایش ائدیلیردی.
اویون گئنیش بیر شاهمات صحفه سینه اوخشاییردی، آنجاق آغ-قارا ائولر یئرینه بوتون ائولر آچیق چؤهرایی رنگینده‌یدی. ائولرده انسان کاراکترلری یئرلشمیشدی. اونلاری جوتلشدیردیکده سیمالاری آیدینلاشیب ائولردن چیخیردیلار. اویونون گئدیشاتی محدود اولدوغوندان تدبیرلی اولمالاری گره کلی ایدی. صحفه نین آشاغی سول بوجاغیندا سایغاجلا قالان گئدیشات گؤستریلیردی.
او کاراکترلری جوتلشدیریردی. سیمالار آیدینلاشیب صحفه نی ترک ائتدیکده یئنی کاراکترلر یئرلرینی آلیردی. اویونون چتین اولدوغونو آنلاییردی. بوراجان بوتون حرکتلری نتیجه سیز اولدوغوندان گرگینلیک ایچینده قوورولودو.
بیر آن الینی ساخلاییب دونوخدو. کاراکترلری بیر-بیر گؤز اونوندن کئچیردی. ایکی کاراکتر اونو اؤزونه چکدی. بیری اوغلان، او بیریسی قیز کاراکترلری ایدی. یئنیدن صحفه نی گؤزدن کئچیردی. صحفه نین باشیندا بیر کاراکتر اونون گؤزونو اوخشادی. بو غریبه بیر کاراکتر ایدی. یاری اوغلان، یاری قیز ایدی.
گئدیشات سایغاجینا باخدی. دوققوز گئدیش ائده بیلردی. چوخ دوشونندن سونرا گئدیشه باشلادی. آخیرینجی گئدیشله اونلاری بیرلشدیردی. سیمالار ده‌ییشدی. حیات یولداشی، قیزی و اوغلویدی. اونلار ال-اله توتوب فیرلاندیلار. اونلار فیرلاندیقدا بوتون ائولرده کی کاراکترلر گوله چئوریلیردیلر. بوتون صحفه نین ائولری گوله غرق اولدو. سالونو آلقیش صداسی بورودو.
او، هیجان ایچینده و سالونون آلقیش صدالاری آلتیندا اوره ک اوخشایان بیر سس ائشیتدی:
-آتا…آتا…دور درمانلارینی گتیرمیشم.
گؤزونو آچدی؛ یاتاق ائوینده یورقان-دوشک ایچینده، اوغلونو باشی اوستونده گؤروب گولومسوندو……
ائلیار پولاد

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز