روزنامه کثیرالانتشار سراسری صبح ایران
به دو زبان ترکی و فارسی
۱۳۹۹/۱۰/۲۹
قیش گلدی گئنه شاختا سیریخ هریانا گئتدی
دوزدو سوزالان گول چیچگی یان یانا گئتدی
کهلیگ هاواسی کند اوشاغین کؤیشنه چکدی
قیــــــــبراقدا آتین میندی داغا جئیرانا گئتدی
قیش گلدی گئنه طوی بساطین قوردولا کتده
گولـــــــــگز قاسیما گولصبادا سلمانا گئتدی
قیش گلدی گینه دَیدی سویوق اهل وعیـــاله
یارانه و ماهانه داوا درمــــــــــــانا گئتدی
قیش گلدی گازول دوندو سو دوندو هاوا دونـدو
شاختا شوتونا نم نئچه یــوز گولخانا گئتدی
زویدی گلعلی دَیدی یئره اومباسی چیــخدی
فریاد و فغانی یازیغین هــــــــــریانا گئتدی
باخ چیخدی سینیخچی قاپیسی لولووه سیندن
از بس کی آیاقلار زوووشوب نـودانا گئتدی
هئی سؤیله دیلر احتـــــــــیاطی وئرمه یین الدن
آشــدی گئنه ده چوخلی ماشین یرقانا گئتدی
مین یول دئدیلر قار یاغیر اوغلان چوله چیخما
زنجیرسیز آغا گردنه ی حئیـــــــرانا گئتـدی
باخسان آغانین یوخ تایی الــــحق ده لیلیکده
وار افتخاری مئیدانی بیر فرمـــــــــــانا گئتدی
یوللار شیره بوزدی گازا باسما خطـــــــری وار
باش وئردی کؤنز اوغلو کؤنز شیــطانا گئتدی
گؤردوم دونن اعلامیه سین باشــــــدا یازیبلار
افسوس الیمیزده ن بیزیم او بــــیردانا گئتدی
باخ گورنه گئدیر ایسکی پیامدا، سِئوِر اوغلان
تنبل ده قاری داغدا گؤروب یـــورقانا گئتدی
قوخدی کورویه قار،دییه لر قار کورویه نــدی
ییخدی ده ده نین دام دووارین زیندانا گئتدی
بو شاختادا وار چوخلی شرافــــــتلی آدام کی
زحمتله چوره گ تاپماق اوچون مئیدانا گئتدی
قیشــــدا سوواراندا داواری گئتدی قویون یاد
مال بیر یانا گئتدیکجه ایمـان مین یانا گئتدی
افســــــوس قدیم دب لریمیز اولدی فراموش
هیــــــهات قوشولدی هامیسی دستانا گئتدی
نه تندیر اسر قالدی نه کورسو تووی ، الــــده ن
باشـــدان دیبه اولدی هامیسی ویرانا گئتدی
گاز یاخـــچی دی آمما گئنه ائولرده گورورسن
سســـیز بوغولوب چوخلاری قبرستانا گئتدی
ایستیردی سویوق دیمه ،منی سالسین ایاقدان
چـــوخ گلدی قره قورخی منه خورتانا گئتدی
ایچدیم او قده ر دَملمه لی،چیخدی جانیمدان
کور پشمان اولـوب گلدی الیمده ن جانا گئتدی
یای وار هله قیش واردی چوخ ایش واردی برادر
فــــکر ائیلمه ایشلر دوزه لیب میزانا گئتدی
قیش گلدی گئنه پخله ساتانلار ایشه دوشـــدی
چوخلاری بو یــــــولدان قازانیب آلمانا گئتدی
جـئــــــــیران داغینا چیخدی گئنه قیمت ارزاق
مللت گئنه ده دوز یولونی یان یـــانا گئتدی
انصافسیز آدام اولدی کؤمور تک اوزی قاره
انصــــــــافی اولان محکمه ی وجدانا گئتدی
تبریزده دونن یازدی بو اشعـــــــاری شهودی
امــــــــواجه سوار اولدی بوگون تهرانا گئتدی
شهودی بستان آبادی
برای عضویت در خبرنامه پیامکی، اطلاعات خود را وارد کنید
Loading ...از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.
دیدگاه بگذارید