روزنامه کثیرالانتشار سراسری صبح ایران
به دو زبان ترکی و فارسی

۱۳۹۸/۰۲/۰۱
روزنامه ساقی آذربایجان
آمار بازدید
  • 0
  • 199
  • 893
  • 1,017,727
قیش گونونده – قارقا

حیطده دورموشام. حووضون ایچینده کی، تهرانین آزادلیق بورجو کیمی، قاردان دوزه‌لتدیگیم بورجا باخیرام. بورجون اوستونده خیرداجا آغاجلاردان بیر قوش یوواسی دوزلدیب و اونون ایچینه ایکی یومورتا کیمی، آغ داش قویموشام. دونن گئجه آی ایشیغیندا، حیطده بورجون دؤرونده قدم ووروردوم. عجب بورجون گؤزه‌ل آخار-باخاری وار ایدی.
بیر آلا قارقا دامین اوستونده دوروب و گؤزله‌ییر کی من گئده‌م و او گله، او یومورتالاری سیندیریب یئیه!
اوشاقلیقدا علی‌گیلین‌ده ائولری بیزیم کوچه‌ده ایدی. بیر بؤیوک حیطی و اونون ایچینده اوجا قلمه آغاجلاری وار ایدی. ائولرینین هم بیزیم کوچه‌یه و هم ده قونشو کوچه‌یه قاپیسی وار ایدی. علی حیطده بیر کیچیک و اوفاق اتاق دوزلتمیشدی و من چوخ افسوس یئیه‌ردیم کی نییه بیزیم ده او جور حیطیمیز یوخدور تا من ده بیر اتاق دوزلدیب و اورادا اوینایام.
بیر گون، گون اورتادان سونرا علی گلدی منیم سوراغیما و دئدی:
– حیطیمیزه ایکی آلا قارقا بالاسی دوشوبدور. گل اونلاری سن توت، بیریسی سنین، بیریسی ده منیم.
گئتدیک ائولرینه. بیر نئچه اوشاق‌دا بیزیم ایله گلدیلر. بالاجا آلا قارقالارین آتا و آناسی چوخ سس سالمیشدیلار.
من یاخینلاشدیم بیریسینی توتام کی بیردن بیره بیر دیمدیک باشیما ده‌یدی و باشیم قانادی. علی دئدی:
– الیوه بیر آغاج آل و باشووا توولا.
او ایشی ده گؤردوم.
آمما تا ایکی آلا قارقا بالالارینی توتام، باشیم اوچ یئردن، آلا قارقالارین دیمدیکلری ایله قانامیشدی.
گئتدیک کوچه‌یه. آلا قارقالارین بیریسینی علی‌یه وئردیم و او بیریسینی ده اوشاقلار ایلا گؤتوروب، کوچه‌نین باشیندا، کیچیک چایین کنارینداکی میدانا گئتدیک. ائله بالاجا قارقا ایلا اویناییردیق کی گؤردوک رضا الینده، قابدا بیر آز نفت و کبریت یئتیشدی و دئدی:
– آی اوشاقلار! قارا قارقالار عاشورا گونو امام حسینه سو آپاراندا، آلا قارقالار قویماییبلار. ایندیجه اونو نفت ایله یاندیراجاغام.
هر نه دئدیک سؤزوموزه باخمادی. بالاجا قارقانین اوستونه نفت تؤکوب و کبریتی چکدی…!
هامیمیز ناراحات اولدوق آمما او گولوردی.
او گوندن هر زامان کی ایسته ییردیم ائودن چیخیب و مدرسه‌یه گئده‌م، بیر آلا قارقا کی کوچه‌نین باشیندا ، برق تیری‌نین باشیندا دایانمیشدی، منی گؤرجک اوستومه یویوروب و ایسته‌ییردی کی دیمدیگی ایله باشیما وورسون. دوز بیر هفته یه یاخین بو ایش تکرار اولدو.
سونرالار بوی آتیب بؤیودوک. حرب زامانی من ده عسگرلیگه گئتدیم، رضا دا. من گلدیم آمما رضا اسیر توتولوب و نئچه ایلدن سونرا شهریمیزه قاییتدی.
من و علی ده قونشو کوچه ده بیر گؤزه ل قیزی سئویردیک. او قیز دا بیر باشقاسینا اره گئتدی.
دامداکی آلا قارقایا و حیطده کی آزادلیق بورجونا باخیرام.
گئدیرم اوتاغا و آتوشگه‌دن گؤرورم: آلا قارقا اوچوب گلیر، بورجون اوستونه قونور، بیر او طرفه، بیر ده بو طرفه باخیر و دیمدیگی ایله یومورتالارا وورور! آمما بوش یئره.
یورولوب ، اوچور و گئدیر…!
***
بیر قیش گونو خیاواندان کئچیردیم. دیشیم برک آغری‌ییردی.
او گؤزه‌ل قیز، چوخدان آنا اولوب، قوجاغیندا بیر اوشاق، داواخانادا بیر صندل اوستونده اوتورموشدی. ایگیرمی ایلدن سونرا اونو یئنه ده گؤرموشدوم. اونا خاطر علی ایله آز دالاشمامیشدیق!
داوود اهری

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز