روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۷/۲۶
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 1,045
  • بازدید دیروز: 1,235
  • کل بازدید ها: 832,930
کوراوغلو و دده قورقود مجله لری

اسلامی اینقیلاب غلبه چالدیقدا، حسین اولدوز او معدود ضیالی لاردان دیرکی تورکجه درگی چیخارماقلا اؤز بورجونو آنا دیلینه اؤده مه یه چالیشدی. حسین اولدوز «اولدوز» آدلی شاها قارشی مبارزه ائده ن و تورک دیلی نین احیا سینا چالیشان بیر گروپون باشیندا اولماقلا توتولوب و ۱۰ ایل زیندانا معروض قالمیشدی، ۷ ایلدن سونرا ۱۳۵۷ جی ایلده دوستاقدان آزاد اولور و ایلکین گونلردن تورک دیلی‌نین گلیشمه سی اوغروندا فعالیته یول آختاریر. ۱۳۵۸ جی ایلین ایلک آییندا «کوراوغلو» آدیندا ۲۴ صحیفه لیک مجله یاییلیر. مقاله لرین چوخونو حسین اولدوز یازمیشدیر، بلکه ده یالنیز قلم دوستو م. کریمی اولموشدور. مجله آیلیق اولاراق، ایکینجی و اوچونجو ساییلاری دا بوراخیلیر، آنجاق یازیچیلاری نین سایی ۱۰ نفره چاتمیر، آمما ایستک لی لر طرفیندن آلقیشلانیر.
کوراوغلو اوچ سایی دان آرتیق داوام تاپمیر. چونکی بیر طرفدن یازیچیلاری نین باشلاری شولوغ اولاراق وقت تاپمیرلار و هامیدان مهم مالی چتین لیک لری اونون آیلیق یایماسینا ایمکان وئرمیر. آیلار دولانیر و داها کوراوغلودان خبر چیخمیر. آنجاق حسین اولدوز وار گوجونو بیر یئره ییغیب ۱۳۵۹ جی ایلین شهریور آییندا مجله نی «دده قورقود» ۲۰ سایی آز- چوخ منتظم صورتده چاپ اولور و اونلارجا یازیچی ایرانین باشا باشیندان: تبریز، تهران، اصفهان، اورومیه، خوراسان و باشقا باشقا شهرلردن آرخاداشلیق ائده رک مقاله و شعرلری چاپ اولور. آشاغیدا آدلاری چکیلن شاعیر و یازیچیلارین اثرلری بو درگیده چاپ اولوردو: حمید تئلیم خانی، ، ائل اوغلوم. نقابی، فریدون حاصارلی، ح. م. ساوالان، بهرام ائلچین، اصغر فردی، ح. ساهر، ه. ترلان، قافلانتی،ح.صدیق،ح. فرشباف،ح. بابک،ح. آلپامیش، ح. ایلدیریم، م. شیمشک، صمد ایلقار، ستار گول محمدی، صمد سرداری نیا، آشیق بشیر، علیرضا حمیده‌خو، حمید پارلار و …
درگی نین اصل موضوعو آنا دیلیمیزدن مودافیعه، دیلیمیزین گؤزه للیک لرینی- گوجونو تانیتدیرماق، کلاسیک و معاصیر ادبیاتیمیزی یایماق، دیلیمیزین دوشمنلرینی تانیتدیرماق اولموش و آشاغیداکی موضوعلاردا درگیده طرح اولوردو:
۱) آمریکا اؤلکه میزین، خالقیمیزین و اینقیلابین اصلی دوشمنی اولاراق، مختلیف کاریکاتور لاریلا تنقید اولوب و گاهدان امام خمینی نین سؤزلری بو بارده ده قئید اولونوردو.
۲) درگی نین اوست قابیغی و گاهدان دال قابیغی نین شکیلی آذربایجان قهرمانلاری و بؤیوک شخصیت لری او جمله دن بابک، کوراوغلو، عمادالدین نسیمی، فضولی و دده قورقود داستانلاری نین قهرمانلاری اولوردو. ایلک ساییلاریندا بونلاریدی، گئت گئده ضد آمریکا کاریکاتورلار اونلارین یئرینی توتدو.
۳) جنگ موضوعو و صدامین کاریکاتورلاری، صدامین جنایت لری نین آچیقلاماسی و صدامی آمریکا اویونچاغی کیمی تانیتدیرما، درگی نین داواملی موضوعلاریندان اولوردو.
۴) ساتیرا، یومور و طنز دده قورقود درگی سی نین اصلی موضوعلاریندان ساییلیردی و اجتماعی مسأله‌لر، طنز یولو ایله تنقید اولوب و اونون یازیچیلاری مستعار آدلارینان او جمله دن: یورقان علی، دووشان جعفر، ج.جه باقر، جاواد نعره، توسباغا جاوادو باشقا آدلارینان تانینیردی. آشیق ادبیاتی نین اؤزه ل بیر یئری واریدی. حسین اولدوزون آتاسی آشیق علی نین داواملی اولاراق اؤز یئری واریدی، بلکی ده بونا گؤره او بیری آشیقلار اوچون یئر وئریلمیشدی. آشیق قشم، آشیق عبدالعلی، آشیق بشیر و باشقا آشیقلارین شعرلری و داستانلاری یازیلیردی.
۵) کلاسیک ادبیاتیمیزین اؤز یئری واریدی. ایلک ساییلاریندا عمادالدین نسیمی، فضل الله نعیمی نئچه ساییدا تانیتدیریلدی و سونرالار کلاسیک شاعیرلریمیزی یئری هئچ زامان بوش قالمادی.
۶) اویون و یاخود نمایشنامه نین اؤزونه مخصوص یئری واریدی. حسین اولدوزون اؤز باجاریق و علاقه سیندن آسیلی اولاراق بو هونرین یئری واریدی. فیلم تنقیدی ده نئچه ساییدا اؤزونه یئر آچدی.
م. کریمی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز