روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۸/۰۶
روزنامه ساقی آذربایجان
تبلیغات
آمار بازدید
  • 1
  • 146
  • 1,001
  • 1,358,303
لادن گولو

بو نوع بیتگی نین اصل یئری اورتا و گونئی آمریکا اؤلکه لری دیر. چوخ تئز بیته ن و قول – قاناد آچان بیتگی لردندیر و خاص یئتیشمه گه نیازی یوخدور . چوخ نوعلاری بیر ایللیک دیر. دیرماشان و یوخاری قالخان ، دولاشان، یاری قالخان ، اوجا بوُی و آلچاق بوُی نوعلاری واردیر . دولاشان نوعلاری یارپاق قویروقلارین باشقا بیتگی لرین دؤره سینده دولاشدیریر. اونون گیرده و یا بیضی شکیلینده یارپاقلاری ، قالخانا اوخشاییر و یارپاق قویروغو یارپاغین کَفینه یاپیشیر.
بعضی نوعلاریندا یارپاقلاری آلابولادیر ، گوللری سئیرک یا دولو اولارلار.
گوللری نین رنگی توخ ساری ، آچیق ساری ، نارینجی ، و قیرمیزی یا چالمیش اولور. گوللر یارپاغین قیراغیندا چیخیب ، اؤزلرین یارپاق قویروقو ایله بیرگه گؤرسه دیرلر.
لادن بیتگی سینین یارپاغی نین دادی « آجی تره » یارپاغینا یاخیندیر. بونا گؤره اونا هند شاهی سی ده دییه رلر.
باشقا اؤلکه لرده بو بیتگی نین جاوان یارپاقلاریندا سالاد یئمه لی سینده فایدالانارلار.
اونون میوه لری چاشنی اوچون تورشی یئمه لی سینده آرتیریلار.
کؤهنه زامانلاردا اونون دَمله نمه سین پئشابا گئتمه ک داواسی اوچون ایشله ده ردیلر.
بو گولو ، گول ائوینده ، آسلانان سبدلرده، نرده قیراقلاریندا، و باغچا قیراقلاریندا بئجه رده رلر.
ایران اؤلکه سی نین گونئی طرفلرینده ، چون قیش چوخ دوندوران دئییل و ایلیق هاواسی واردیر، قیش یا بایرام گولو یئرینه ائولرین باغچالاریندا اکه رلر.
اگر بو گولو ، پاییز چاغیندا ، گول ائوینده اَکیب بئجه رده ک ، قیش دا گوله گئده جکدیر و ائله مه ک اولار یاز فصلی اوچون دولو گولدانلار یاراتماق.
بو بیتگی ، آزاد هاوادا ، هر اوچ فصلده ( یاز، یای، پاییز ) گول وئریر.
لادن، او نوع بیتگی لردندیر کی یانیقلی گونش و قورو هاوایا دؤزه بیلمه ییر. چوخ سو ایسته میر. ضعیف و گیرگی آز اولان تورپاقلاردادا بیتیر. ایسته سه ک چوخ گول وئرسین، گره کدیر کی اونون تورپاغین هردن بیر قورو ساخلایاق.
اگر لادن ، گوجلو تورپاقلاردا بیتسه و اونا چوخ سو و کود وئرسه ک ، یارپاقلاری چوخالاجاقدیر داها گول آز وئره جکدیر و بو آزاراق گوللری ده یئکه یارپاقلاری نین آلتیندا گیزله نه جکدیر.
اگر بو بیتگی نی باغچادا بئجه رتسه ک گره کدیر هاواسی دوندورمالی اولماسین. بو بیتگی گونه وه ر یئری سئوه ر آمما گونده نئچه ساعات کؤلگه نی ده داوام ائده ر .
لادن گولو ، توخوم و پیل وورماق یولو ایله چوخالار.
اونون لاپ یاخشی چوخالتماق یولو آزاد هاوادا و یازین سون آییندا ، توخومو یئره سه پمه کدیر.
لادنین توخوملاری یئکه و نوخود کیمی دیر و ائله مه ک اولار او توخوملاری اصل یئرده اکیب بئجه رده ک .
لادن گولو ، یئر دَییشمه گه حسّاس دیر. پس لوت کؤتوکلو شیتیل وورماق بو گول اوچون یاخشی دئییل.
سویوق یئرلرده، بو گولون توخومو ، بایرام آییندا گولداندا اکیلیر ، سونرا هاوا قیزیشاندا اصل یئره آپارلیر.
بو حالدا گره کدیر گولدانی تورپاقی ایله بیر گه اصل یئرده اکه ک . یعنی گولو گولداندان چیخارداندا و اکه نده گؤز اولاق تورپاغی داغیلماسین.
بئله لیکله یازدا ، اصل یئرده گول چوخ گؤره ریک.
لادن گولونون توخومو گره ک چوخ آنباردا قالماسین ، چون گوجون تئز الدن وئره ر . گولو دولو نوعلاری ، پیل وورماقیله چوخالیر:
بو ایش اوچون ، ایشلنمیش قوللاریندان بیچه رلر. قوللارین یارپاقلارین آریدارلار و تکجه نئچه کیچیگ یارپاق باشدا ساخلایارلار و اونلاری سویا سالارلار . آزجا گونه وه ره یاخین کؤلگه یئرده ساخلایارلار. کؤتوگ آتاندان سونرا آرامجا گولدانا قویوب تورپاق تؤکه رلر.
لادن گولو ، ایشیقلی گوللردندیر. گوله دولاندا ائله بیلیرسن کی یاشیل یارپاقلارین آراسیندا چیراق یانیر. آنجاق یاشیل فضا اوچون و پارک لاردا چمن ایچینده جور به جور طرحلر اوچون گؤزه للیک یاراتماقدا فایدالی اولا بیله ر .
قایناق: اینترنت /
جامع ترین ژورنال گل و گیاه ایران
چئویریب آرتیران: الف.عظیمی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز