روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۴/۱۷
روزنامه ساقی آذربایجان
تبلیغات
آمار بازدید
  • 0
  • 196
  • 446
  • 1,294,897
لافَتی الاعلی(ع)، لاسیف الا ذوالفقار

ساقیا ! دور باده وئـر، آچیلدی گــول، گلدی باهار،
ابر رحــــــــــمت ائیله دی صحرا و باغی لاله زار
ناله چـک بولبول کیمی، دور! رقصه گل دیوانه وار،
مست و مستانه بو اسمی سؤیله هر دم آشیــــکار:
شـــیر یزدان، شاه مــــــردان، حیدر دولدول سوار،
لافَتـی الاعلی(ع)، لاسیــــــــــــــــف الا ذوالفقار
*
بالیغین قارنیندا یونس اولدو چون زار و حــــــزین،
طاقتی طاق اولدو صبری گئتدی اولدو چوخ غمـین
حاضیر اولدو اوُل زامان یانیندا جبـــــــــریل امین،
سؤیله دی غمدن خیلاص اول، ائیله بو ذکری همین:
شیر یزدان، شاه مــــــــــردان، حیدر دولدول سوار،
لافَتـی الاعلی(ع)، لاسیــــــــــــــــف الا ذوالفقار
*
ماه کنعــــــــــــانـی که ائتـدی رنج زندان بی قرار،
اولــــــــــــــدو زنجیر جفادان جیسم پاکی پار پار
حددن ئوتدو چون که محنت، تاپمادی بیر غمگسار،
اوز دوتوب درگاه حققه، سؤیلــــــــه دی بی اختیار
شیر یزدان، شاه مــــــــــردان، حیدر دولدول سوار،
لافَتــــــــــــــــی الاعلی(ع)، لاسیـف الا ذوالفقار
*
حضـــــــرت ایّوبی چون ائتـدی بلای حق نزار،
نیش کـــــــرمان ائیله دی جان ضعیفین زخمدار
چون که تابی قالمادی، گئتـدی الینـــدن اختیار،
تا که ذکر ائتدی بو اسمی، اولدو غمدن رستگار:
شیــــــر یزدان، شاه مردان، حیدر دولدول سوار،
لافَتـی الاعلی(ع)، لاسیـف الا ذوالفقـــــــــــار
*
آدمی شیطان چوائتـدی باغ رضــــواندان جدا،
بی کس و تنها و سرگردان گزه ردی هـریانا
بیر طرف حوا فراقـی، بیرطرف رنــــج و عنا
عاقبت بو ذکری ائتدی، اولدو هیجراندان رها:
شیر یزدان، شاه مردان، حیدر دولـــدول سوار،
لافَتـی الاعلی(ع)، لاسیــــــــــف الا ذوالفقار
*
ایستـــــه دی یاندیرسین ابراهیمی تا نمرود دون
منجنیقه قویــــــــدو، آتدی نار و نورا سرنگون
تا که دوشـــــــــدو آتشه، اولدم او مرد ذوفنون
آتشی ائتدی گولوستان، سویله دی بو اسمی چون
شیـــــــر یزدان، شاه مردان، حیدر دولدول سوار،
لافَتـی الاعلی(ع)، لاسیـــــــــــــف الا ذوالفقار
*
چون کی خیبر قلعه سینده قالدی عاجیز مصطفی(ص)،
نا اومیــــــــد اولدو که حاصیل اولماز اولدو مدّعا
گلـــــــدی ناگه جبرئیل(ع) و گتدی فرمان خدا
سؤیله دی بو ذکری تکرار ائت که گلسین مرتضی(ع)
شیر یزدان، شاه مردان، حیدر دولــــــــدول سوار،
لافَتـی الاعلی(ع)، لاسیــــــــــــــف الا ذوالفقار
*
دشت ارجینده چو ائتدی شیر، سلــــــمانی اسیر
عاجیز و بیچاره قالدی، تاپمادی بیر دستــــــگیر
اوز دوتوب درگاه حققه آغـــلادی اوُل مرد پیر
ظاهر اولدو اوندا ناگه شهســـــــــوار شیرگیر:
شیــــر یزدان، شاه مردان، حیدر دولدول سوار،
لافَتــــــــــــی الاعلی(ع)، لاسیـف الا ذوالفقار
*
چون سلاسیل قلعه سینده اولدو احمد(ص) بی مدار،
نازل اولـــــــــــدو پیک رحمان، جبرئیل(ع) نامدار
سؤیله دی قوی منجنیــــــــــقه، آت علیـنی بی قرار
فتح ائده ر بیر لحظه ده سؤیله بو اســــمی آشیکار:
شیــــــــر یزدان، شاه مردان، حیدر دولدول سوار،
لافَتـی الاعلـــــــــــــــی(ع)، لاسیـف الا ذوالفقار
*
روز اوّل جبرئیلدن تا که حق ائتدی ســـــــــــؤال،
سن نه کیمسین، من کیمم، سؤیله جوابیم اولما لال!
دئدی سن، سن؛ من منم، اود دوتدو یاندی پرّ و بال
ملتجی اولدو بو اســـــــمه تا که رفع اولدو ملال:
شیر یزدان، شاه مردان، حیدر دولــــــــدول سوار،
لافَتـی الاعلــــــــــــــی(ع)، لاسیـف الا ذوالفقار
*
ای نباتی! مدح شاهی ائیله دائیم آشیــــــــکار،
تا که اولسونلار خَوارج لر حسددن کور و کار
حاصیل اولدو تا مورادین غافیل اولما زینـــــهار
سؤیله بو اسم عظیمی دم به دم بی اختیــــــار:
شیر یزدان، شاه مردان، حیدر دولــــدول سوار،
لافَتـی الاعلی(ع)، لاسیـــــــــــف الا ذوالفقار
حکیم سید ابوالقاسم نباتی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز