روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۷/۲۹
روزنامه ساقی آذربایجان
آمار بازدید
  • کاربران حاضر: 2
  • بازدید امروز: 1,433
  • بازدید دیروز: 3,301
  • کل بازدید ها: 840,776
لعنته گلسین اونون قوناغینی

گؤزللیگی،اردمی،تعریفی ،تئز – تئز قولاغیما گلیب چاتسادا ، اؤزونو آنجاق یئددی یاشیندا بیردؤنه گؤرموشدوم.اونون ایری قومرال گؤزلری، چاتما قاشلاری، گوللو یاناغی وار ایدی.
گؤزلری هئچ واخت یادیمدان چیخماز.گؤرمک همن تانییاجاغام اونو. اونا تای قیرخ قیزین دوزومونده ده اولسادا، اونوتانییارام.اونلار بیر بویدا بیرگئییمده اولسالاردا کیمسه نین گؤزو اونون گؤزونه بنزه مز. محض گؤزلریندن تانییارام اونو هریاندا اولسا.
نییه بو جومله لری بئله جه سؤیله ییرم. بیر نفر دئمیشگن آخی جریانی وار…. من ۱۴یاشیمداایکن اونون ۷ یاشی وارایدی. ایند ی منیم ۲۶ یاشیم وار اونون نئچه یاشی اولار؟ بیرساده ریاضی موعادیله سی دیر ؛ بارماق حیسابی له ده جاوابا یئتمک اولار باخ قوی بارماقلاریملا حئساب ائله ییم گؤروم …بو بئش، بودا بئش…اولار اون …ایکی اون …اولار نئچه؟….یوخ قوی بیرآزدا فیکیرله شیم…. آخی اونون حاققیندا دوشونمه یین لذتینی چوخ دوشونمه لی یم…. بیرده….. من اون دورد یاشینداایکن او یئددی یاشیندا ایدی؛ بؤیوک بابامیز گیلده ایدیک اونون گؤزلری یاخشی یادیمدادیر.قومرال گؤزلری وار ایدی . بؤیوک بابامیز بیزه ناغیل سؤیله ییردی…. آها …بو جومله لر اوناغیلین بئینیمده قالان قالینتی سیندان آخدی دیلیمه ساری…..هانسی سولطان هانسی شاهین قیزینی اوغلونا ایسته ییردی. شاهین کونلو اولمادیغیندان سولطانا نئچه چتین مسأله سؤیله ییر . نئچه گون واخت وئریر اونلارین جاوابینی تاپسین یوخسا یولونو توتوب دوز گئتسین ….. آنجاق او نئجه؟ اونو سؤیله ییرم شاهی زادی یوخ..او نئجه…؟
ماشین داغ دؤشونده کی یولدان یوخاری قالخیر.گئتدیکجه سسی اوجالیر.
او مسأله لردن بیری بو ایدی شاه بیربویاقدا بیربنیزده اولان قیرخ قیز اوغلانا بیرجور گئییم گئییندیریر.سونرا اونلاری صفه دوزور، سولطان بیلمه لی ایدی کی بونلارین هانسی بیری قیز هانسی بیری اوغلان دیر. مسأله لرین بیری ده …آها …یادیما دوشدو: بیر بویدا بیربویاقدا اولان اوچ آلمانی وئریر سولطانا ؛ او بیلمه لی ایدی کی بو آلمالارین هانسی بیری اینیشیل ، هانسی بیری بیلدیر،هانسی بو ایلین تاخیلی دیر….بیر آیریسی دا وارایدی ائله بیل ،ایندی یاخشی یادیمدا دئییل، آنجاق ماراقلیسی هامان بیربیرندن سئچیلمه ین قیزلارلا اوغلانلارین آییردی ایدی. …
تئلفونلا دانیشماغی سؤیمور ائله بیل یوخسا ایشلرین بیرچوخونو ائله سینه گؤرمک اولاردی.ایندی اونون گؤزو-گؤزه للیگی منه بللی ایدی آنجاق سسی- سؤزو قارانلیق. نییه ایسته میر دی منیمله تئلفون آرخاسیندا دانیشسین؟…….
گؤره سن منی گؤرسه تانییاجاق؟۱۲ایل بوندان قاباق منیم بوغوم ساققالیم یوخ ایدی. گؤره سن بو پوروفسورو ساققالیما گولمه یه جک؟اوندا گولمه یی دوزلو ایدی.گولمزدی گولمزدی بیردن قاه-قاه چکردی.اوندا عئینه ییم ده یوخ ایدی.کوت-شالواردا گئیمزدیم….او نئجه؟ گؤره سن عینک تاخماییر؟ حاییف دئییل اوگؤزلره؛ طبیعی لی یینی آلار اوندان. .عینک قاشلارینین دا اوستونو توتار.بورنونو سیخار لاپ بیرذرره ائیلر.یوخ عینک وورماسا یاخشی دیر. وورسادا نئیله یک, آپاریب اؤزوم قومرال بیرلئنز قویدورارام، بیر یوللوغا عینکدن راحات ائلرم اونو. ….آها اوبیری مسأله یادیما دوشدو …. داغین دؤشونده آت اوتلاییردی . بالاسی دا یانینداایدی. اوشاه ، سولطانا بیر بویدا بیر بویاقدا اوچ آت گؤرسه دیر.دئییر :بونلارین هانسی بیری بؤیوک آنا ،هانسی بیری آنا ،هانسی بیری بالادیر؟…….دوغرودان سولطان اؤزو کی سؤاللارین جاوابینی تاپا بیلمه میشدی. آنجاق ائله بیل بیر نفر اونا اؤیرتمیشدی…… ایندی یاخشی یادیمدا دئییل نئجه اولموشدو………اونون بویو اؤز یاشیدلارینا گؤره اوندا اوجا ایدی. ایندی گؤره سن، نئچه قاریش بویونا آرتیب؟ منله بیرگلر گؤره سن؟ خییاواندا ال-اله توتوب دولانانداایکیمیزین بیربویدا اولماغیمیزچوخ گؤزل اولار…أه لعنته گلسین شهری، اوزاقلیغی لعنته گلسین….آنجاق اؤزوم ده قوصورلوق ائتمیشم .نئچه دفعه بابام گیل کنده گئده نده منی ده ایسته دیلر آپارسینلار. منیم اوره ییم آتلانیردی اونون اوچون ،آنجاق بیلمیرم نییه گیزله دیردیم . آنجاق بیلمیرم نییه یوخ ایشیم وار دئییردیم.سونرالار نئچه دفعه اؤزوم تک باشینا ایسته دیم گئدم؛ آنجاق اوره ییم ایسته سه ده آیاغیم گلمه دی. سونرا دانیشگاها گئتدیم داها چوخ اوزاقلاشدیم ؛موهندیس اولدوم داهالاپ چوخ؛ ایش تاپدیم … آنجاق اونو اوره ییمده ساخلادیم کیمسه نی اونلا توتوشدورمادیم. آنجاق او نئجه؟ گؤره سن درسینه داوام وئریب؟ بئشی اوخویونجا دئییردیلر نومره لری ایییرمی اولور. بئشده ناغیل کیتابی دا اوخویور؛ هله اؤزوده بیرزادلار یازیر.دوغرودان نه اولدو ؟ ائله بیل بابام دئییردی کندلرینده دوققوزا جان مدرسه وار… هه ائله بیل دئییردی دوققوزو اوخودو… ائله سه اوندا دوزگون کیتاب اوخویا بیلیر…بلکه ده دیپلومون آلیب دیر. اوندا دیری باش قیز ایدی. ائله سه آپارارام اؤز یانیمدا مونشو کیمی ایشلر.ائوده ده باهم اولاریق ایش یئرینده ده …… ائله بیل دوداغیم قاچیر بیرآز فیکریمی آیری یئر ه وئرمه لی یم ماشیندا یاخشی دئییل. …..داغین دؤشونده کی آتین بالاسی اورکور قوراضا اوتوبوسون سسیندن.آخ ائی.. نئجه نازدیر. نئجه ده خوش رنگی وار.آخ ائی …قاچیشینا بیرباخ گؤر نئجه قیچی قیچینا دولاشیر! …باخ گؤروم ائله بیل بابام دئییردی یازیق اوشاق اوخویا بیلمه دی. نه قده ر قارداشیما یالواردیم گتیریب من ساخلاییم خرج ده ایسته میرم وئره سن . خرجی مندن قویوم بورادا درسینی اوخوسون ؛کؤنول وئرمه دی کی وئرمه دی.یازیق قیز گؤز یاشلارینی قوورقاتک تؤکوردو. ..أ ه لعنته گلسین بو کور تعصصوبو حاییف دئییل او ایستئعداد کور قالسین. .. هه ائله بیل اوخوماییب.. دئپلوم آلماییب . اوندا یولداشلاریما نه دئییه رم….ائوده اؤزو اوخویار ایمتاحانا گئدر.اونون ایستئعدادی یاخشی دیر.. او حتمن اوخویا بیلر ..آخی اوندا هله نه واخت دئپلوم آلار. آخی ائوله اوشاقلا درس ده اوخویا بیلر؟…. أ ه لعنته گلسین بو مدنی آرالیقلاری…بو ایش باشیندا اولانلاری. ….أه نییه یادیما دوشمور او مسأله لرین جاوابی … قیز اوغلان آلماآت….
اوتوبوس منی سالمادان یئنه یئنیر اوزو آشاغی. داغین دؤشونده کی آت ایله بالاسی اورادان گئدیب لر. بیرجوت قومرال گؤز حتمن پنجره آرخاسیندان یادا قاپیلاری آغزیندان قوناغین گؤزله ییر. آنجاق لعنته گلسین اونون قوناغینی.
یازان: نورالدین مقدم
(آیدین دومان)

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز