روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۹/۱۲
روزنامه ساقی آذربایجان
تبلیغات
آمار بازدید
  • 0
  • 625
  • 1,097
  • 1,389,790
ماراغالی اوحدی

بیز، بورادا پروفسور بیگدلی‌نین اوحدی دیوانیندا، «جام‌جم» مثنوی‌سیندن بیر اؤرنکلر وئرمکله کیفایتله‌نیریک. جام‌جم مثنویسی عروض وزنی‌نین خفیف بحرینده یازیلمیش مقدمه و اوچ فصلدن عبارت‌دیر. گیریشده اورتا عصرلرده بیر عنعنه اولدوغو کیمی، تانری، پیغمبری ستایش ائدیب، عدالتلی حؤکمداری مدح ائدیب، سونرا وطنی آذربایجانی، اونون گوزه‌للیکلرینی، یاراشیقلی منظره‌‌لرینی، تاریخی آبیده‌لرینی تصویر و ترنم ائدیر. مثنوی‌نین بیرینجی فصلینده علمی بحثلره گیریشیب، کائناتین منشائی، یئرکوره‌سی‌نین یارانماسی، معدن، بیتگی، حیوانین میدانه گلمه‌سی و چوخلو علمی مسئله‌لر حاققیندا سوروغولاری سوروب، جاوابینا چالیشیر.
سن ای حقیقتــــــی آختاران انســــان!
بو اینــــــجه سؤزلره قولاق آس بیر آن
سندن نه سوروشسام گؤزومه دوز باق
منله اگری اوتور، دوز دانیش آنجـــــاق
بو یئرکی اوستونده سالمیسان مســــکن
نه‌دیر؟ هئچ اؤزونه دئمیسن‌مـــــی سن؟
اصلی هارداندیر، نه‌دیر بو قایـــــــدا
واریـــــدی یا یوخدان او، اولدو پیدا؟
بس، بو تورپاق، بو هاوا، اود، سو نه‌دندیر؟
بو یاش، ایستی، سویوق، قورو نه‌دندیر؟
گئــــــجه قارانلیغی دئ هاردان آلیـــر
سؤیله بو آی ـ گونش نه‌دن نور سالیر؟
بس سن اؤزون کیمسن، نه‌چی‌سن، نه‌سن؟
کیمـــــــی تانییارسان، بونو بیلمه‌سن؟!
دوستلوق نه دئمکدیر، انسانلیق نه‌دیر؟
آدام نه؟ آداملیق نه‌دیر؟ سؤیله بیـــــر!
گؤرورسونوز کی بو شعرلر چوخ ساده و آنلاییشلی بیر دیلده حتماً ده اؤز اصل دیلینده‌دیر و فارسجا یازیلماسینا باخدیقدا، تورکجه‌یه چئویریلن شعر داها گؤزه‌ل، داها ساده و داها دولغوندور. اوحدی، انسانلارا دگه‌ر قایل اولاراق، انسانلاری اؤزلرینی تانیماغا چاغیریر و بئله سؤیلور:
باخ ای آچیق کتاب، تانی اؤزونـــــو
اؤیره‌ن هئچ اولماسا، میندن یوزونو!
حئیـــف اؤز قدرینی بیلمیرسن آنجاق
دونیانین سیرلاری سیمرغ تک اینان
بدنین قافیندا اولموشدور پنـــــــــهان
دوز ایکی دونیادان آرتیق هر توکون
سن ایکی دونیاسان کسه‌رسیز اؤزون
سولار سنین اوچون یوک داشییاندیر
یئللر قاصدیندیر، سؤز آپارانیندیـــــر
سنه آش پیشیریر مطبخده اود، بـــاخ
بزه‌ییر سنین چون گونش، باغچا ـ باغ
دونیانین موشکلون سن ائتدین آســـان
قورخدو قودرتیندن چؤللرده حـــیوان
کولونـــــگون آلتیندا داش موما دؤنر
گؤزونه دمــــیر ده سو تک گؤرونر
سویـــــدون دریسینی پلنگین، شیرین
قارتاللار، دورنالار اولدو اســــیرین
فیلی اوسارلاییب، ائله‌دین اســــــــیر
ارکک سیر بوینونا سالیرسان زنجیر
سنین‌دیر دونیادا گؤرونن نه وار
سالدین باشلارینا اوسار و چیدار
حیوانلار بیتگی‌لر یئمه‌گین اوچون
یئر آلتدان چیخانلار بزه‌گین اوچون
عقلین بیر گونشدیر، روحون آی، اینان
علمین نوح گمی‌سی، جهل ایسه توفان
اوحدی حاققیندا سؤزونو اوزاتماییریق؛ چونکو اینانیریق اوحدی، باشقا آذربایجان شاعیرلری کیمی آنا دیلینده فیکیرله‌شیر، آنجاق فارسجا یازان شاعیر اولدوغو اوچون، اثرلری‌نین تورکجه چئوریلری، هم گؤزه‌لدیلر و هم ساده، اوخوناقلی. دقت بویورسا، اوحدی‌نین اثرلرینده ده چوخلو آتالار سؤزو، دئییملر و اصطلاحلار واردیر کی تورکو دیلمیزده بیرینجی دفعه اولاراق فارس ادبیاتینا داخیل اولموشدور.
قیزیل قلم آذر – م. کریمی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز