مارانتا نئجه گولدیــر؟

ایل لرایدی مارانتا گولون ائولرده ساخلاماق اوچون خوش گؤرمه ییردیلر. آمما ایندی آداملار ایسته دیگینه گؤره یئرینده اوتوروبدور . بوبیتگینی یارپاقلاری نین گؤزه للیگی اوچون ساخلاییرلار. مارانتانین اصیل آنا یئری آفریقا اؤلکه سی دیر . یارپاقلاری نقشه لی و گیرده دیر. اصیل یارپاق دامارلاری آچیق رنگ ده دیر و رنگلی بیر هاله یارپاغین اورتاسیندا آیری یئرلردن سئچدیریر. یارپاق دامارلاری بوتونجه بیلینیر و بئله بیر سایاق یارپاقا سئویملی گؤزه للیک وئریر. باشقا گوللرله بیرلیک ده گولدان لاردا و کیچیک باغچالاردا گؤزه للیگه آرتیریر. بو بیتگینی چوخلو آسلانان سبد لرده اکیرلر.
بیر ایشیقلی یئر کی اورا گونش دوز شاخماییر ، بو گول اوچون یاخشیدیر. آنجاق یای دا کؤلگه نی سئویر آمما قیش دا چوخ ایشیق دا قالماقا ایسته گی چوخدور.
بو بیتگی یای دا ناهار چاغی گونش آلتیندا و یا گونشلی شوشه آلتیندا قالماقدان قاچاقدیر.
گولدانین اوز تورپاغی قورودوقجا سووارین.
اون آلتی درجه ایستی بو گول اوچون یاخشیدیر و ایستی اوتوز درجه یه یاخینلاشاندا بیتگی نین اوستونه هردن بیر سو توزو سه په رلر.
آنجاق هاوانین ایستیلیگی اون درجه دن اوسته اولدوقجا ، گولدان تورپاغین شئهلی ساخلایین و قویمایین گولدانین تورپاغی قوروسون .
یای دا هر هفته ایکی اوچ دونه ، قیش دا هر هفته بیر دؤنه و ایستی اون درجه دن آشاغی یئنسه هر اون گوندن بیر دؤنه سو وئرمه ک بو بیتگی اوچون کیفایتدیر.
یای دا هر گون و قیش دا هر هفته بیر دؤنه سو توزو سه پمه ک بو گولون شئلی و دیری قالماغینا یاردیمدیر .
هر ایکی هفته دن بیر، سولو کود بو گول اوچون ( کود ساتانین تاپیشیردیغی قده ری ) لازیم گؤرونور و گولون داها آرتیق گؤزه للنمه گینه و قول قاناد آچماغینا سبب اولار.
بو گؤزه ل بیتگی نین گولدان تورپاغی گره کدیر یونگول اولسون و « کومپوست » بو بیتگی اوچون لاپ یاخشی تورپاقدیر.
یازدا گولو قاباقکی گولدانیندان یئکه گولدانا کئچیردیب دَه ییشین. بو ایشده گؤزله یین تورپاغی گولداندا چوخ باسیب بَرکیتمه یین! و اگر مارانتانی باشقا گوللریله بیرلیکده اکسه ز ، گولدانین اوست تورپاغین دَه ییشیب ، یئنی و گیرگلی تورپاق تؤکون!
سو توزو سه پمه ک یارپاقلارین پاکلانماسینا سبب اولار. نیاز گؤرسه ز یارپاقلاری ایسلانمیش یوموشاق پارچا یا اسفنج لن ده یاواشجاسینا تمیزله مه ک اولار.
بو گولون یارپاقلارین ایشیقلاندیرماق اوچون هئچ واخت ایشیلدادان زادلاردان ( برّاقلاندیران موادلاردان ) فایدالانمایین!
بو گولو یازدا ، یئر آلتی قوللاری آییرماقلا چوخالتماق مومکوندور .
قایناق: اینترنت/جامع ترین ژورنال گل و گیاه ایران
چئویره ن: الف . عظیمی بیلوردی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz