محبّت سؤزو

محببت سؤزوندن گول آچیر قلم
شعیـریمـده تیکانی گوله دؤندریر
نیـفرت کلـمه سیندن آلیـشیر قلم
یـانـدیریر دفـتری کوله دؤنـدریر
***
ویـصالـدان یـازاندا گــلیر آوازا
ایسـته میر آیریلیق هیجراندان یازا
قـوُشمالار قوُشاندا ساری تئـل سازا
ائـل هـاواسـی میلین ائله دؤندریر
***
شـاعیـریـن الیـنده سـلاحدیر قلم
نیـزه دی،شـمشیردی،سیپردی،علم
سؤیـله ییر حاضیرام قارا داش دئلم
دیلماجدیر شعیری مین دیله دؤندریر
***
حسـرتدن یـازاندا آیـاق سـاخلاییر
درین فیکره جومور گؤزون باغلاییر
گیزلیندن آه چکیر گیزلین آغلاییر
قورویان گؤز یاشین سئله دؤندریر
***
(اومود) دئییر یاز دردیمی کاغیذا
اؤخونسون آغیزدان دوشسون آغیزا
صـنعان کیـمی ویریلمیشام بیر قیزا
عشقی کؤنول ائوین چؤله دؤندریر
اومود زنگانلی

دیدگاه بگذارید

avatar
  Subscribe  
باخبر شدن از