روزنامه کثیرالانتشار سراسری صبح ایران
به دو زبان ترکی و فارسی

۱۳۹۷/۰۸/۳۰
روزنامه ساقی آذربایجان
آمار بازدید
  • کاربران حاضر: 0
  • بازدید امروز: 328
  • بازدید دیروز: 1,118
  • کل بازدید ها: 878,275
محرّم ‏لیک و آنا دیلیمیز

ایـــراندا بو گونه قده ر دوام ‏ائدن تاپان
مرکزی حکومتین تملــــچی‏سی بؤیوک
حکمدار شاه اســماعیل ختایی‏نین رسمی
اعلان ائتدیگی تورک دیلی و شیــعه مذهبی او
زاماندان بری آذربایجـــــــان تورپاقـــــلاریندا
بیری – بیریندن آیریلمایان ایکی بؤیوک گئرچک
(واقعیت) اولوبلار آذربایجان ادبیاتیندا بیرینجی مرثیــه
یازان شاعر ایسه شاه اسماعیلین معاصری اولان مولانا
محمد فضولی اولموشدور و اوندان بری بؤیــــــوک
و نهنگ نوحه ‏چی شاعیرلر ایله اوزلشیـــــــریک و
دئیه بیلریک ادبیاتیمیزدا مرثیه و نوحه یازمـــــــایان
شاعرلریمیز چوخ آز اولوبلار حتی صرفاً ساتیریک
شعرلری ایله تانیلان و شرق دونیاسیندا ساتیریک شعرین
تملچی‏سی اولان میرزه علی اکبر صابر کیمی بیر شاعیرین
ده اثرلرینده نوحه و مرثیه گؤرمک مومکون‏دیر آنجاق بو آرادا بیر تعداد شاعیرلریمیز ده اولوبلار کی اؤز یارادیجی‏لیقلارین تمامیله مرثیه شعرینه و عاشورا حادثه ‏سینه حصر ائدیبلر بو سیرا شاعیرلردن دخیل مراغه‏ ای، قمری دربندی، دلریش و باشقالارین آدین چکمک اولار حاج رضا صراف و راجی تبریزی کیمی بیر شاعیرلرین دیوانلارینین یاریسین نوحه و مرثیه شعرلری تشکیل ائدیر.
بیز نوحه‏ لرده و مرثیه ‏لرده خلقیمیزین طالعی‏ ایله باغلی نیسگیل‏لر، غربت حسی، ظلم و ظلمه قارشی نفرت، ایلقاری پوزماق و بو کیمی مضمونلار گؤروروک بونلاردان علاوه عاشورا حماسه‏ سی ایله باغلی شعرلرده بیر گئنیش سویه ‏ده مضمون گئنیش‏لیگی واردیر و اونلاردا لیریکا نمونه‏ لری، عشق و عاشق‏لیک، قهرمانلیق، دؤیوشچولوک، حسرت، آنا محبتی، آتا عشقی دالغالانیر و امام حسین علیه ‏السلامین اؤز اینامی یولوندا فداکارلیغی تصویر اولونور و بو معصوم امام اؤز عزیزلرین، اؤز بالالارین، قارداشلارین و بوتون دونیا ایلگی‏لرین اؤز اینامی یولوندا فدا ائدیر و مظلوم یاشایان کوتله ‏لرین حقین دیریلتمک ایسته ‏ییر.
هر چند بو کوتله ‏لر و بو خلق او امامین آرخاسین بوشالدیرلار و اونو میداندا یالقیز قویورلار آنجاق امام حسین علیه‏ السلام اؤز وظیفه‏ سین اونوتمور و اؤزونون دوغرو بیلدیگی یولدا دایانیر و بو یولدا شهید اولور و بو شهید اولماغی ‏ایله تاریخ بویو انسانلارا دایانات درسی وئریر و مختلف یئرلرده مظلوم انسانلار امام حسین علیه‏ السلامی اؤزلرینه اؤرنک توتاراق چوخلو عصیانلارا ال ووروبلار.
بو مظلوملاردان بیری ده آذربایجاندا تورک دیلی و ادبیاتی اولموشدور.
بیلدیگیمیز کیمی بیر چوخ زامانلار خصوصیله پهلوی‏لر دؤورونده دیلیمیزه و ادبیاتیمیزا اولمازین ضربه‏ لر وورولدو، دیلیمیز یارالاندی و زمانه یزیدلری بو مظلوم دیلین باشین کسمک ایسته ‏دیلر و آذربایجان خلقی‏نین دیلین اوزمک نیّتینده بولوندولار ۵۰ ایل پهلوی حاکمیتی زامانیندا کتابلاریمیز یاندیریلدی، مکتب‏لریمیز باغلاندی، دیلیمیز یاد دیلی آدلاندی، خلقیمیز اؤز کئچمیشیندن و اؤز تاریخیندن اوزولدو، آذربایجان داهی‏لری افترالاندیلار و آذربایجان شخصیت‏لرینین آدین چکمک گوناه ساییلدی بئله بیر وور – ییخ زاماندا بیزی اؤز کئچمیشیمیز و اؤز دیلیمیزه باغلایان یگانه تئل عاشورا شعری و نوحه ‏لری و مرثیه‏ لر اولدو.
دئمه ‏لی بیر سطر تورکجه متنی اوخویا بیلمه‏ ین آذربایجان جمعیّتی هر محرم‏لیکده جور به جور تورکجه نوحه‏ لری بولبول کیمی اوخودو و بو ایش هر ایل و هر ایلین آراسیندا دؤنه – دؤنه مذهبی هیئت‏لرده تکرار اولدو و بو وسیله ایله دیلیمیزین کتبی فورماسی و یازیلیب اوخونماسی نوحه کتابلاریندا قورونوب ساخلاندی آنجاق اوزون ایل‏لر بویو مکتبسیز قالان خلقیمیز و شاعرلریمیز اؤز یئنی نوحه ‏لرینده دیلیمیزین ادبی فورماسیندان اوزاقلاشدیلار و بو ایش او حدّه چاتدی کی پهلوی‏لر دؤورونده یازیلان نوحه ‏لر تمامیله گرامر پوزغونلوقلاری ایله بیرلیکده مختلف لهجه‏ لرده اولدو و ایندی‏لیکده ۲۰ ایل انقلابدان سوووشاندان سونرا و دیلیمیزین یئنی انکشاف و دیرچلیش مرحله ‏سینده هله ده نوحه کتابلاریمیز علمی‏لشمه‏ ییبلر و هله‏ ده کی وار اونلاردا (قالورام، گئدورم) کیمی یانلیش فعل‏لر گؤرسنیر و هله ده کی وار اونلارین جمله قورولوشلاری تمامیله فارس گرامرینین تأثیرینده ‏دیر و بو اشاره اولوندوغو کیمی پهلوی‏لر دؤورونون شوونیستی حاکمیتیندن آشــــــیری
بو وضعیته گلیب دوشوبدور یوخسا اوندان اؤنـــــجه و
مثال ایچون حاج رضا صرافین نوحه‏ لری تمامیله ادبی
دیل فورماسیندادیر بونونلا دا دیلیمیزین قــایدالارین
نوحه کتابلاریندا یئریتمه‏ لی و خلق دیلیندن آیریلمایاراق
بو کـــــــتابلاریمیزین دا دیل‏لرین علـــمی‏لشدیرمگه
چالیشمالی‏ییق .
بهرام اسدی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز