محمد فضولی

سلیمان بغدادی نین اوغلو ملا محمد ( محمد فضولی آدیله تانینمیش ) ، ۱۵۵۶ – ۱۴۸۳ میلادی ایلینده یاشامیش تورک بیلیجی شاعیر دیر.
فضولی نی اونونجو هجری قمری سده سی نین بؤیوک آذربایجانلی تورک شاعیری بیلیرلر. اونون آتاسی عراق اؤلکه سی نین « حله » سیندندیر.
دئمک اولار محمد فضولی اوردا دونیایا گلیب بغداد شهرینده بویا باشا چاتمیشدیر. اودور کی اوچ ( تورکی،فارسی،عربی) دیلی بیلدیکده، اوچ دیلده شعر یازیبدیر. اونو هندی سبکی نین بینوره سین قویانلاردان بیری تانیرلار .
آنجاق سلیمان اوغلو محمد، ۱۴۸۳ میلادی ایلینده عراق مولکونده دونیایا گؤز آچدی.
آتاسی سلیمان ایدیر کی « حله » یه کؤچوب اورانین قاضیسی اولدو. ‹‹مجمع الخواص›› تذکره سینین صاحیبی‹‹ صادق بیگ افشار›› دئمیشکن: فضولی نین آتاسی بیات ائلیندن ایمیش کی بو ائل ، اوغوز تورکلرینین ۲۲ طایفا سی نین بیریندن ساییلیر.
او حله ده سونرا بغداد شهرینده درس اوخودو . اونون اوستادلاریندان بیریسی ، حروفی شاعیرلریندن اولموش ، ‹‹ملک الشعرای حبیبی›› ایمیش.
آنجاق یئتمیش یاشی واریمیش کی بغداد دا دونیادان گؤز یومدو.
حکیم موللا محمد فضولی دن بیر غزل:
عشق ذوقی
غم دیاریندا اجل پیکی گذار ائتـــــــــمه ز منه
یوخ سانیب واریم مگر کی اعتبار ائتمه ز منه ؟
یار جور ائتمه ز منه اغیار تعلیم ائتمــــــــه دن
بـــــالله اغیار ائیلییه ن احسانی یار ائتمه ز منه
داغیدیر هر لحظه رخت عیشیمی آهیم یـــــــــئلی
هانسی ناحق ظولم دور کی روزگار ائتمه ز منه ؟
عشق ذوقیله خوشام، ترک نصیحت قیل رفیـــــــق
من کی تریاکی مزاجام ، زهر، کار ائتمه ز منه
چرخدن آشیرمادان یادینلا آه آتشیـــــــــــن
قدر ائدیب گردون، شرردن زر نثار ائتمه ز منه
نقد جان تاراج غمدن ساخــــــلاماق دشوار اولور
عشــــــق تا سنگ ملامتدن حصار ائتمه ز منه
یاد لعلینله فضولی گؤزله ییـــــــــب راه عدم
وار بیـــــر تدبیری ، اما آشکار ائتمه ز منه

دیدگاه بگذارید

avatar
  Subscribe  
باخبر شدن از