روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۶
روزنامه ساقی آذربایجان
تبلیغات
آمار بازدید
  • 0
  • 119
  • 702
  • 1,334,320
مرتضی مجدفر

مرتضی مجدفر، آذربایجانین خلف اوغلو غلامرضا مجدفرین اوغلودور. غلامرضا آذربایجان چاغداش ادبییاتی‌نین بینؤره‌سینی قورانلاردان بیریسی‌دیر. مرتضی ۱۳۴۲ جی ایلده تبریزده دونیا یا گلیب و چوخ گنج یاشلاریندان قلم الینه آلیب، آذربایجان دیلی و ادبییاتی اوغروندا وار گوجویله چالیشیبدیر. او، ایلک فعالیتینی «یولداش» درگی‌سی- دوکتور صدیق ایله باشلاییب، فعالیتینی گئنیشلندیریب، بیر زمان «اختر» درگی‌سنی یاییملادی. اختر، آذربایجان مطبوعاتی تاریخینده اؤزونه مخصوص بیر یئر آچیر و بو موقعیتی مجدفرین چالیشمالارینا بورجلودور. مجدفر مطبوعات فعالیتی‌نی «همشهری» درگیسینده دوام ائتدیره‌رک تورکجه ولایت لره یایدیغی اؤزه‌ل بؤلوملریله بؤیوک بیر حرکت یاراتدی و ۱۰۰ ساییدا، آذربایجان، اردبیل، و زنجان اوستانلاریندا، ها بئله تهراندا تورکجه ادبی- اجتماعی بؤلوملریله چیخیش ائدیب، ده‌یرلی بیر خدمت گؤستردی. آنجاق مرتضی مجدفر بونلاریلا محدودلاشمیر، بلکه اونو نئچه – نئچه قالارقی اثرلریله چاغداش یازیچی لاریمیزین اؤنونده گؤروروک. اثرلری هله لیک بونلاردیر:
کوچه لره سو سپمیشم
آپار منی
میمون گئجه کونسئرته گئده رکن
قارا دوواق
عاشقانه ها
و…
اونلارجا ده یرلی اثرلرین چاپا حاضیرلاماسی و اونلارا اؤن سؤزلر یازماسی، او جمله دن عمران صلاحی‌نین “سئویرم قافلانتیمی”، بهروز دولت‌آبادی‌نین “یئرلی ادعا”، حبیب ساهیرین «سؤنمیه‌ن گونشلر» و غلامرضا مجدفرین «ویجدان سسی» اثرلرینه یازدیغی مقدمه لر و یاییملادیغی اثرلردیر. بونلاردان علاوه اونلارجا علمی کیتابلارین یازاری دیر:
بسته آموزشی چیست
اصول مدیریت و رهبری آموزشی
مدیریت آموزشگاهی در عمل
سلسله مباحثی در تکنولوژی و تکنولوژی آموزشی و …
مجدفرین هر بیر اثری اؤز یئرینده ده یرلی و قالارقی دیر و هر بیر قاتیلدیغی حرکت ده تاریخیمیزده ایز بوراخان بیر حرکت اولموش. اختری ۲۳ ساییدا یاییملایان مجدفر، بیر ایل یاریم عرضینده اوچ اؤزه‌ل سایی- ستارخان، بابک و شیخ خیابانی- یا حصر ائده‌رک تاریخی بیر حرکت یاراتمیش (۸۰ و ۸۱ جی ایللرده).
بیر یازی

قارا دوواق
گئجه، گئج دن گئج ایدی. سحر، چوخ چتینلیکله یوخودان اویاندی. تولوقلانمیش گؤزلر ایله، پالتارلاری نین کومودونا ساری یؤنلدی. کؤینک لری بیر – بیر کنارا ووردو و اؤزونون قارا کؤینگینی تاپارکن، گئیدی.
اوتاغین اوتاییندان بیر سس قولاغینا چاتدی: “قارا گئییرسن؟! کیمسه نین یاس مجلیسینه گئتمه لیسنمی؟”
باخیم سیزلیق و سون درجه لی حؤوصله سیزلیکله دئدی: “یوخ!”
یئنه ده سس سوروشدو: “پس نئجه؟!”
غملی سسله و قویونون تکیندن ائشیدیلن تونلا: “دونن گئجه ساعات ایکی یاریم حدودوندا، ایستکلی قهرمانیمی اؤلدوردوم…” دئیه جاواب وئردی.
و سونرا، داهادا گیرسیز سسله، سؤزونون دالیسینی توتاراق، دئدی: “ایندی کی یاس مجلیسینده ایشتیراک ائده بیلمیرم، قارا کی گئیه بیله رم…”
اوگون سحر، یازیچی قارداشین گونو، چوخ دا یاخشی و شن باشلانمامیشدی.
*****
سون دقیقه ده توی
دکتور مرتضی مجدفر

“قیرمیزی سئوگی” دن بیر بؤلوم

باشلانیش
بوگونلر “دکتر مرتضی مجدفر”ین یئنی بیر حیکایه لر مجموعه سی چاپ آلتینمدادیر. بو مجموعه نی ایللر بویو ادبیات و دیلیز اوعروندا چالیشان، یازیچی، ترجمه چی و تدقیقاتچیمیز مرتضی مجدفر،”قیرمیزی سئوگی” آدلاندیرمیشدیر. بو مجموعه یه آذربایجانین تیراختور فوتبال تیمی نین طرفدارلاری حاققیندا یاریلمیش، دکتور تورکجه کیچیک حیکایه لر، فاررسجا ترجمه لری ایله برابر داخیل ائدیلمیشدیر. مجدفر، بو حیکایه لری، ۱۳۹۰ جی ایلین بایرامی گونلرینده و تبریزده اولدوغو زامان یازمیشدیر. مجموعه یه، حیکایه لردن علاوه، یازیچی نین تورکجه – فارسجا مقدمه لری، هم ده اوچ ضمیمه سالینمیشدیر. ضمیمه لرده، تیراختور فوتبالی نین تاریخچه سی، بو تیمین رسمی ماهنی سی، هم ده تراختور و تراختورچولارین حاققیندا موجود اولان سایت لار و وبلاگلارین تانیتیمی وئریلمیشدیر. بو مجموعه نی، تهراندا “امرود” انتشاراتی چاپ ائتمکده دیر. بو دوققوز حیکایه دن، “سون دقیقه ده توی” آدلانان حیکایه نی حضورونوزا تقدیم ائدیریک:
سون دقیقه ده توی
– من بیلمیرم نییه بو جاوانلار رسم – رسوماتی پوزورلار؛ تویون آراسیندا بیردن هامی غیب اولوب!
بو سؤزلری سخاوت کیشی، ائلین آغ ساققالی سؤیله ییردی. هامی اونو اؤزلرینه بؤیوک بیلیردی و اونون دئدیکلرینه و اؤیودلرینه قولاق آسیردیلار. او، آراز قیراغیندا یئرله شن “خان قیشلاق” کندی نین، نئجه دئیرلر کندخوداسی ایدی. اوگونلر خان قیشلاق کندی نین شن گونلری ایدی: بایرام گونلری، طبیغتین یئنی دن چیچکلنمه سی، هم ده بیر یئرده اوچ توی.
آذربایجان، هم ده تهران و دیگر شهرلرین دؤورد بیر یانیندا یاشایان خان قیشلاقلی لار، اؤزلرینی کنده یئتیرمیشدیلر. کوره کنلرین ایکیسی تهراندا ایشله ییر، باشقاسی ایسه کندده یاشاییر و ایشله ییردی. گلین لرین بیری تهراندا، باشقاسی تبریزده و اوچونجوسو ایسه کندده اولوردولار. بایرام گونلری اولدوغونا گؤره ، مدرسه لر تعطیله اوغرامیشدیر. ائله اونا گؤره، عائله لرین بیر چوخو مدرسه اوشاقلاری ایله برابر کنده گلمیشدیر. کند، هر بیر زاماندان های – کویلو و سس – سمیرلی ایدی.
یئنه ده سخاوت کیشی حیرصله دانیشماغا باشلادی: “قدیم زمانلار، یئددی گون، یئددی گئجه توی توتاردیق. ایندی بیر گون، بیر گئجه یه ده داوام لاری یوخدور. آشیقلار یئددی گون، یئددی گئجه چالیب، اوخویاردیلار. ایندی بیر – ایکی ساعات چالاندان سونرا، دییرلر: “باشقا کندده تویوموز وارب، اورایا گئتمه لی ییک… منه باخ! گؤز نه لر اومورام… آشیقین حوصله سی اولمایاندا، جاوانلارین حوصله سی اولاجاقدیر؟!”
هئچ بیر کیمسه، سخاوت کیشی یه بیر زاد دئمیردی. او دا کندین مئیدانچاسیندا گؤزه ا فرشلر، گولدانلار و چؤل گوللری ایله بزه نن توی بساطیندا اوتوران اوچ – دؤورد قوجا کیشی – آروادین سؤزلری ایله بئزیکدیریردی:”توی دا قدیمکی تویلار. توی دا گره ک سحردن آخشاما قده ر، گئجه دن سحره قده ر زیرنا – بالابان چالینا، سازلارین جینگیلتیسی گؤیلره قالخا و آشیق خوش نغمه لری ایله اوره کلری صفالاندیرا. یئییب – ایچمه، دئییب – گولمه، دانیشیب – داورانماق دا باشقا بیر سؤز…”
توی ناهاری یئییلدیکدن سونرا، ائله ساعات اوچ حدودلاریندان، سخاوت کیشی دئدیگی کیمی، هامی بیردن غیب اولموشدولار و سس – سمیر هر بیر یئردن کسیلمیشدی. معلوم دگیلدی نئچه ساعات قاباق، کندین مئیدانچاسیندا قیمیلدایان جماعت هارایا گئدیبدیر؟!
-آی اوغلان اباصلت! داها من داریخدیم. بو جماعت قاییتمایاجاقدیر، توی بساطینی ییغیشذیرین…
بو سؤزلری اوغلو اباصلته دئین، یئنه ده سخاوت کیشی ایدی.
اباصلت دئدی: “آقاجان! داریخما، آللاه قویسا بیر آز سونرا شنلیکله بورادادیر…”
اباصلتین سؤزو آغزیندا قورودو. کندین ائولریندن “قول” سسی و گورولتولو آلقیشلار گؤیه قاخدی. اباصلت، ایکی اللرین گؤیلره قالدیریب، آللاها شوکورلر ائتدی.
بیر آز سونرا توی مجلیسی، یئنه ده قاباقکی جمعیتله دولدو. هامی شن و گولر اوزلو ایدیلر. خان قیشلاقلی آشیق حسین ده، جماعتین آراسیندایدی. او، سازینی جینگیلده دیب، بئله دئدی:”اوچ کوره کن، اوچ گلینیمیزین تویو، تیراختوروموزون سون دقیقه ده کی تویا اوخشار قولو ایله داوام ائده جکلر. بیلیرم هامینیزین ایش – گوجونوز واردیر و داها بو گونلر قاباقکی کیمی یئددی گون، یئددی گئجه توی توتا بیلمیریک. آنجاق سخاوت کیشی نین ساغلیغینا، بیگ و گلین لریمیزین صفاسینا و تراختورون غلبه تاپماسی اوچون، یورولماسانیز، صاباح سحره دک سیزه چالاجاغام.”
سخاوت کیشی نین اوزو و گؤزلری گولدو. او بئله دوشونوردو کی نئجه اولار آذربایجانلی لارین، توی – دوگون لری همیشه تیراختورون اویون گونلری ایله برابر اولسون
م.آذرلو

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز