مظهر سرّ حقایق

یـــا رسول فخر عالــم ، سیّد ذات و صفات !
بحر ذاتین گوهریسن، هم صفاتین عین ذات
قوّت ذات ازل دایــــم سنین‏له مستقیـــــــم،
حکمت دارالابــد قایــــم سنین‏لـــه ممکنات
مظهر سرّ حقایق مطلع نـــــــــــــور ازل،
مظهر کان دقایـــــق ، منبع هـــــر معجزات
احمد ومحمود وقاسم،شاه و سلطان و رسول،
کنت کنزین معدنی، هم کشف حلّ مشکلات
وصفینی«والنّجم والشّمس وتبارک»سؤیله‏ دی
شأنینه طاها و یاسین گلدی حقدن بیّنات
صورت انوارینین هر ذرّه ‏سی شمس و قمر،
طـــرّه عنبــــر فشانین لیلـــــهالقدر و برات
عـــزّ و اقبالیندن اؤترو اولـدو ترکیب جهان،
یئروگؤی، انس وملایک، اصل و فرع کاینات
گوهر دریای عشقین قطره‏سیندن‏دیـــر یقین،
اسم ورسم وفوق وتحت و دؤرد طبایع،شش جهات
ای مطهّر گلدیگین دم چون وجودا آنه‏ دن،
کافرین دئیری ییخیلدی،تیتره ‏دی لات ومنات
علم ایله حلم و حیا و توبـــه و زهد و ورع
خلقه فضلیندن ایریشدی روضه وحجّ وزکات
هرکی،ایمانین یقین ائتدی سانا، ای پاک دین،
لایزال اولــدو همیشه جاودان انــدر حیات
مؤمن صادق، موحّد جانفشان اولـــــدو سانا،
گرچه مشرک شبهه‏دن پاک اولمادی اول بی‏ثبات
یا شفیع ‏المذنبین، رحم ائت نسیمی‏یه بوگون،
حاصلیم ایکی جهاندا سنسن، ای پاکیزه ذات!
نسیمی

دیدگاه بگذارید

اولین نفری باشید که نظر میدهید!

باخبر شدن از
avatar

wpDiscuz