روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۷/۰۴
روزنامه ساقی آذربایجان
تبلیغات
آمار بازدید
  • 0
  • 669
  • 700
  • 1,332,609
مفتون امینی کیمدیر؟

مفتون امینی ایران ادبیاتی نین ـ فارسجا و تورکجه ـ گؤرکملی سیمالارېندان بیری‌دیر کی اؤنجه فارس شعرینده آد قازانیب، آنجاق آنا دیلینه لاقئید قالماییب دیر. مفتون ۱۳۰۸ ایلینده تبریزده آنادان اۏلوب، ایلک گۆندن فارسجا شعر دفترلرینده، آنا دیلینه سؤیله‌دیکلری شعرلردن ده سپه‌له‌ییبدیر. اۏنون شعر دفترلری بونلاردیر:
دریاچه، کولاک، انارستان، عاشیقلی کروان و…
مفتون ایناملې و مبارز بیر شاعیردیر کی حقین، حقیقتین غلبه چالماسینا ایمانلا یاناشیر. اۏ، ظالیملر قارشیندا سارسېلماز و ناحق‌له اۆز ـ اۆزه گلنده اگیلمز بیر ایگید کیمی دایانېر و خالقېنا دۆزگۆنلۆک، اگیلمزلیک و اینسان اۏلماغی ایسته‌ییر.
مفتون عاشیقلی کروان کیتابینی آنا دیلینده یازیر و چال یشیر آذربایجان ادبیات یندا یئنی بیر جیغیر آچسین. مفتون بؤیوک بیر شاعیردیر کی خیال دۆنیاسینا
قدم قویماق دا شاعیرانه بیر قاناد ایسته‌ییر. شاعیر آنا دیلینه، وطنینه و ائلینه درین حؤرمت بسله‌ییب، اینسان سئوه‌رلیک یولونو، اؤز خالقینی و ائلین سئومکدن بیلیر. مفتونون شعرلرینده آذربایجانین قاریش ـ قاریش توپراقلارې، داشلارې، داغلارې و دره‌لری دیله گلیب دانیشماق ایسته‌ییر. اۏنون شعرلرینه ساوالان اۏد پوسکورور، اورمو گؤلو دؤینور، قورو گؤل دیله گلیر، چیغاتی چایی چیغیریر، ارک قالاسیسینه گریب دۆشمانلارې سوسدورور و …
مفتون مبارز شاعیر اۏلاراق، حق و حقیقت دالیجا گزیر، خالقیندا اومود یارادیر، اۏنلارې باجاریقلی، چالیشقان و آییق بیلیر و اۏنون چون ده باشې اۏجالیق دیله‌ییر. اۏ، شعرلریله خالقینی گونشه، آیا، ایشیغا و اولدوزا ماراقلی ساخلایېر. اۏنون بوتون مصراعلاریندا دالغالانیب جوشان ظۆلمله و ظۆلمتله مبارزه، پیسلیکلر قارشېندا دایانېش، زۏرالیلیق قاباغیندا دیره‌نیش‌دیر.
آذربایجان شعری، باشقا خالقلارین شعری کیمی اۆستو باسدیریلی و یا تمثیلچی و یا خود سمبولیزمه آرخالانان شعر ده‌گیل. مفتون گاهدان بئله بیر ایماژلار، استعاره‌لر و تمثیللره آرخالانیرسادا، گاهدان تورک شعری‌نین روحونو دا دۆشونوب آپ آیدین دانیشیغی چیغیریر. بورادا شاعیرین فلسفی باخیشی و دۆشونجه‌لی گؤرۆشو گره‌کیر. یوخسا لفاظلیق و کلمه‌لرله اۏیناماقلا ایش ایره‌لی گئتمز.
مفتون قانلی ـ قادالې شاه دؤورۆنده، تبریز قهرمان ایگیدلریله ده سس بیر اۏلوب، شاها قارشی اعتراض سسینی قالدیریر و بونا گؤره ده اوختای کیمی مبارز بیر شاعیر اۏنون گاهدان فارسجا شعرینی آنا دیلیمیزه چئویریر.
مفتون ، خالقیمیز ایچینده سئویملی بیر شاعیر کیمی آلقیشلانیر.
بولاق باشېندا
میز اۆسته یاشلی بیر دستمال قالببدیر،
الیـــــــــــنده موم، دیلینده بال قالببدیر،
بو باغـــدا، آلمالار، نارلار، یئتیشدی،
ســـنین قلبیندی یالنېز، کال قالببدیر.
*
ایه‌ر قوش یورقون اۏلسا، پر گؤتورمز،
یالانجی عشقی، هئچ واخ تر گؤتورمز،
عــــزیزیم، قلبیمه ده‌یسن، یاواش ده‌ی،
بو بیر گولداندې سینسا، جر گؤتورمز.
*
خیال ین بیر ملامت گؤزلو قــــیزدیر،
کی هر مجلــــسده منلن دیز به دیزدیر،
نه یازمیشدین، بهارین خوش عزیـزیم،
بو یئرده سن گئدن گۆندن، پاییزدیر…
*
عزیزیم، سن منی بیر گۆن آتارسان،
سنه قول اۏلمارام، اۏلسام ساتارسان،
گؤزون باخماز گؤیه، من اولدوز اۏلسام،
آی اۏلسام، گون باتان ساعت یاتارسان.
*
باهار یولدان گلیبدیر، گۆل چیچه‌کلی،
دوروب ایواندا، بیر قېرمېز اته‌کلی،
شـــــــرابین رنگی فرق ائتمز عزیزیم،
گــره‌کدیر ساقی اۏلسون، آغ اۆره‌کلی.
*
اوزون گؤز، ایه‌ری گؤز، یاندان باخان گؤز،
بــالیق تک، دیسکینن بیردن آخان گؤز،
قارالمیش گونلریمدن، سورمه چکمیش،
حقـــــیقت عشقیمه، تهمت یاخان گؤز!
*
اۏ گؤزلر اۆسته، اۏیناتدېن قاشین سن،
ایـــــلانلی چئشمه‌نین آچدین باشین سن،
باهار، هر گون تازاشدان، بیر باهاردیر،
اۏدور کی کؤهنه‌لیک بیلمز یاشین سن.
*
ارادتلر نمــــــــــــــازین قیلمیشام من،
بو بورجو دفتریمدن ســــــیلمیشم من،
پاییزدی، قارقا دورموش، قومرو گئتمیش،
گؤزه‌للر، بی‌وفــــادېر بیلمیشم من…
*
عزیزیم، سن منی گؤزدن آتـــان وقت،
کیمه فیکیر ائیله‌یرسن تک یاتان وقت؟
سن آخــــشاملار دۏلان هر کیمله آمما،
منی بیر لحظه یاد ائت، گۆن باتان وقت…
*
عزیزیم، گئتدی بوردان، چتری قالدې،
قیزیل گول سولدو، آمما عطری قالدې،
عومور کئچدی، خیال باشدان سوووشدو،
اۏخوندو نامه‌میز، بیر ســـطری قالدې.
*
یاخینلیق، بیر آچیق دروازه ‌لیک دیر،
بو شهرین رسمی، بی‌اندازه‌لیک دیر،
عزیزیم، قالمېشام یئر بۏشلویام من،
گئدن راحت، گئدن یئر، تازه‌لیک دیر!
*
سویوقدان، ایستی‌دن، داغدان، ایلیقدان،
فلــک گؤرسنمی‌ییب‌دیر، بیر قیلیق دان.
عـزیزیم، بیر ایراق دۆشدۆک، ولاکین،
ایراقلیق، فرقی واردیر، آیریلیق دان!…
*
گولومسن، سونبولومسن، ناز قیزیمسان،
حــــــــیاتین یایلاغیندا، آغ قوزوم سان،
یاشــــــیل یارپاق امیدیم، ایستی آرزیم،
اۆره‌ک آیدینلیغیم، بخت اولدوزومسان.
*
گؤگرچین سیس ده بیر آی تیل ده بیر آی،
بو باغدا، گۆل دایانماز، ایلده بیر آی،
بیر آیدېر، گئتمیسن بوردان، عزیزیم،
اۆره‌کده بیر عوموردۆر دیلده بیر آی!…
*
عــــزیزیم، باخماکی، نازیک بدن سن،
کی قاش گؤز اۏینادیب، داغ ترپه‌دن سن،
سنی گۆل تک، تاخاردېم قلبیم اۆسته،
حئییف کیم، درماق اۏلماز، اؤزگه‌دن سن!…
*
تاخیبدېر زۆلفونه، مروارې سانجاق،
گـــره‌کدیر، قدرینی بیلدیرسین آنجاق،
منیم بختیم‌دی، دورموش، اۆزبه‌اۆزده،
دئییر:«ـ سن ال آیاقسیز، من اوتاناجاق…!»
*
عزیزیم، باخ اۏ تایدان ـ باخ بو تایدان،
آغ اؤرده‌کلر، اوچورلار نازلی چای‌دان،
چیخارد اۏل کؤینگی، جوم قلبیم ایچره،
سرین دریا، نه ایسته‌ر، ایستی یایدان؟
*
اشـــــــــــاره ائیله‌ین سنسن قانان من،
الاهی اۏلمویام حق سؤز دانــــان من،
عزیزیم، بیر سؤزۆم وار، سن جواب وئر،
نئج اۏلدو، هم یامان من، هم یانان من؟
م. آذرلو

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز