روزنامه کثیرالانتشار سراسری صبح ایران
به دو زبان ترکی و فارسی
۱۳۹۸/۰۱/۰۳
یاشایا بیلمیـــــــــــــرسن منی یاشاما
آلیبسان جانیمی داها بــــــــــــوشاما
ایللر سن یاشادین قلبـــــیم بوش، آما
بو یاساق سئوگینی بیتیر، قوی گئدیم
مندن گؤزلرینی گؤتـور قوی گئدیم
*
نازیمــــــــدان ناز آلیر آلا گؤزلرین
چیرپینر گؤزومــــــده قالا گؤزلرین
یالواردیم عؤمورلــوک قالا گؤزلرین
قالمادین سونونا یئتیر قـــــوی گئدیم
مندن گؤزلرینی گؤتور قــوی گئدیم
*
دردی سن اولموشدون درمانی دا سن
چکدیگی نفسی، هر آنی دا، ســـــن
شعری ده سن ایدین، دیــوانی دا سن
یازیق اوره‌ییمی گتیــــر قوی گئدیم
مندن گؤزلرینی گـؤتور قوی گئدیم
***
اؤزومدن چیخمیشدیم اؤزوم ده ییلدیم
سئوگیندن مله‌یـــــیب اؤزوم اَییلدیم
ایچیمده سیزلاییب غمله یئیــــیلدیم
توتورمو اوره‌یین؟ آتیر! قوی گئدیم
مندن گؤزلرینی گؤتور قوی گئدیم
***
گؤزومو یوللارین اللـــــــــریندن آل
عطـــــریمی باغچانین گوللریندن آل
گونومو یاشـــــــــاییب ایللریندن آل
سـازاق سیز ایزلری ایتیر قوی گئدیم
مندن گؤزلرینی گؤتور قوی گئدیم
رقیه عبدیلی سازاق
برای عضویت در خبرنامه پیامکی، اطلاعات خود را وارد کنید
Loading ...از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.
دیدگاه بگذارید