روزنامه کثیرالانتشار سراسری صبح ایران
به دو زبان ترکی و فارسی
۱۳۹۹/۰۸/۰۲
ابدیت نه جور بیر شئیدیر؟
اوردا دا می غربت وار؟
اوردا دا می آییریرلار آداملاری
اؤز- اؤزوندن؟
بیربیرلریندن؟
و کیملیکلریندن؟
ابدیت نه رنگده دیر؟
گؤی رنگی وارمی؟
قیرمیزیسی نئجه؟
و یاشیلی؟
منه بیر شال گتیر ابدیت‌دن
یئل قاچیرتسا، بوراخ قاچیرتسین
من قارا رنگی هئچ سئومرم
اوردا دا می سئوه‌نی اینجیدیرلر؟
اوردا دا می قان اوتدورورلار وورغونلارا؟
ابدیتده وطنین آدی نه‌دیر؟
سئومک اولارمی، قورخمادان، وطنی؟
اؤزونو،دیلینی
دیله‌یینی منیمسه‌مک اولارمی هده قورخوسوز؟
«سئویرم» دئمک اولارمی سئوگیلینه قارا یاخیلمادان آداما؟
اورمو گؤلوسو نئجه؟
اورموسونو گلین
گلین چوروتمورلرمی گؤره‌سن؟
من ابدیتده آدام دوغمایاجام،
بؤیویوب آلا گؤز جئیرانلاری اوولایار بیردن……
سوسن نواده رضی
برای عضویت در خبرنامه پیامکی، اطلاعات خود را وارد کنید
Loading ...از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.
دیدگاه بگذارید