روزنامه کثیرالانتشار سراسری صبح ایران
به دو زبان ترکی و فارسی

۱۳۹۹/۰۹/۱۱
روزنامه ساقی آذربایجان
تبلیغات
آمار بازدید
  • 0
  • 936
  • 1,066
  • 1,389,004
« مولوی » معنوی بیر شخصیّت

شاهین بیر قاراواشا ویریلماسی
و اونو اله گتیرمه‌سی
بیزدن اؤنجه واریمیش بیر مرد راه،
دینه هم دونیایا اولموش پادشاه.
آتلانیب اؤزغونلری ایله اوولاغا،
اوولاییب اوو، سالدی سس داغدان داغا.
بیر قاراوش گؤردو یولدا پادشاه،
اوولانیب دوشدو تورا هئی چکدی آه.
سینه‌سینده جان قوشو تاپمیر قرار،
پول تؤکوب ائتدی کنیزی اختیار.
وصل جامین اوندان آلدیقدان سورا،
خسته‌‌لندی، دوشدو قیز توردان تورا.
واریدی بیر گون پالانسیز ائششگی،
تا پالان تاپدی یئدی قورد ائششگی.
سو دئییردی الده بوم بوش کوزه‌سی،
تا سویا ال تاپدی سیندی کوزه‌سی.
سویله‌دی شه:«ـ سیز حکیملرسیز خیدیر،
هر ایکی جان سیزلره یالوارچیدیر.
من نه‌یم کی جانیمین جانی اودور،
خسته‌لندیم دیبده درمانیم اودور.
کیمسه کی قورتاردی غمدن جانیمی،
یییه‌لندی دورروله مرجانیمی.»
دئدیلر:«ـ جان ایسته‌سن جاندا نه وار،
قازاریق علم ایله بیز درده مزار.
علمده بیزلر مسیحادان باشیق،
مرهمیک، درده یورولماز یولداشیق.»
چون یاراندی غفلت آللاهدان ساری،
گؤرسه‌دیب بوشلوقلارین اؤندن تاری.
داش اوره‌کلیکدیر حققه سئوکن‌مه‌مک،
او دگیل قوندارما بیر سؤز سویله‌مک.
گلمه‌ییب چوخ یئرده استثنا دیله،
لیک اولوب اوندان بویوندا سلسله.
قوپسادا بیر گون دوداقدان یار آدی،
جانیلن دائیم هؤرولموشدور یادی.
وئرمه‌دی بار ائتدیلر هر نه داوا،
درد آرتدی تاپمادی ناخوش شفا.
خسته قیز ایشگلدی، اولدو یای کیمی،
قان یاش آخدی شاه گؤزوندن چای کیمی.
آرتیریب اسکنجبین صفراسینی،
یاغ قوروتدو عکسیدن امعاسینی.
هه‌للـه توختاتدی اونون اسهالینی،
اود سودان آلدی دئمک امدادینی.
شاه گؤرنده اونلارین عاجیزلی‌گین،
مسجده قاچدی یالین قات، تئز یئرین.
سجده‌یه باش قویدو گؤزلر تؤکدو یاش،
مُهر ایسلاندی اولوب سجّاده یاش.
بورلاغانیندان فنانین قوپچاغین،
یاندیریبدیر قلبی‌نین شام تک یاغین.
سیتقادی، یالواردی دیلده مدحلر،
ائیله کیم املیک اوزاقلیقدان مه‌لر:
«ـ ای کی هر گیزلین سنه اولموش عیان،
پای وئریب‌سن، اسگیکی ملک جهان.
ای بیزه آرخا دوران آللاهیمیز،
رحم قیل یان دوشدو سندن راهیمیز.
سن دئدین گیزلین منه اولموش عیان،
گیزلینی خوشدور ولی ائتسن بیان.»
چون اوره‌کدن باشلادی یالوارماغا،
کرمین دریاسی گلدی قایناغا.
آغلایارکن یوخویا اوولاندی شه،
اویغودا بیر پیرهن توشلاندی شه.
بو صاباح بیر یاد کیشی ائتسه نزول،
بیل کی بیزدندیر دعا اولموش قبول.
ایش بیلندیر بو گله‌ن حکمتلیدیر،
چوخ امین‌دیر، دوغرو هم قیمتلیدیر.
وار مزاجیندا حقیقت قایناغی،
کامل اووسوندور اونون توختاتماغی.
صوبح اولاندا شاه گودوب وعده چاغین،
شرقدن یاخدی گونش اولدوز تاغین.
شاه باخیردی انتظارلی کؤشکدن،
باش چیخارتسین تا وئریلمیش سیرردن.
گؤردو گئندن بیر دولو اینسان گلیر،
گوندور امّا کؤلگه‌لیکده بسله‌نیر.
لاپ اوزاقدان بیر هلال تک گؤرسه‌نیر،
واردی هم یوخدور خیال تک گؤرسه‌نیر.
سان روان ایچره خیالی یوخ سایاق،
بیر جهان تاپمیش خیال ایچره آیاق.
صلح ایله جنگی خیال اوستونده‌دیر،
فخریله ننگی خیال اوستونده‌دیر.
اؤلیالار اوولایان اینجه خیال،
عکسیدیر مه‌رولرین گؤرمز زوال.
اویغوسوندا شاهه گؤرسن‌میش خیال،
گؤرسه‌نیردی او قوناقدا دال به دال.
تا کی دوشدو اول قوناغا شاه گؤزو،
اؤنله‌دی غئیبی قوناغی شاه اؤزو.
هر جوتو دریاچیدیر دریا قوشو،
ایڲنه ساپسیز بخیه‌لنمیشدیر جوتو.
سنیدین عشقیم منیم او آلدانیش،
تؤره‌نر دونیادا لاکین ایشدن ایش.
مصطفاسان سن منه، من ده عمر،
قوللوغوندا دورموشام بئلده کمر.
حق گؤزوندن دوشدو یاش تک بی‌ادب،
ایسته پای وئرسین سنه تانری ادب.
اؤزونو زای ائتمه‌دی تک بی‌ادب،
قویدو آفاق ایچره خئیلک اییلی دب.
مائده گؤیدن گلیرید آغری‌سیز،
توستوسوز، آلیش وئریش‌سیز، ایستی‌سیز.
باشلادی بیر عدّه‌سی واخسیز بانی،
مرجیمک یوخدور، ساریمساخ بس هانی؟
دوشدو بیزدن گؤیلرین لوطفو اوزاق،
قالدی الده بیل‌اینن سوولو اوراق.
چون آراچی اولدو عیسا حق اوچون،
حق ده گؤنده‌ردی غنیمت خلق اۆچۆن.
پای گؤتوردو سفره‌دن قارنین گودن،
اولدولار پایسیز، ییغیلماز سفرده‌دن.
سیتقادی عیسای روح‌الله کی هان،
اسگیک اولماز یئر اوزونده بونجا خوان.
بیر کریمین سفره‌سیندن زلّه‌لیک،
حققی دانماقدیر، حریصلیک، هرزه‌لیک.
قاپانیب رحمت ائوی اولدو مؤهور،
دار باخیش، دار گؤز گدالاردان اؤتور.
گؤی زکات‌سیز یاغماییر ائیله‌یر ابا،
دونیانی اودلار زنا اوزره وبا.
غصّه‌دن، غمدن سنه یئتسه ظفر،
چیخماقینداندیر جیزیقدان مختصر.
یار یولوندا کیمسه چیخسا حدّدن،
یول چاشاندیر، آزدیران، آزغین گئدن.
فلکی نورلاندیران اولموش ادب،
مَلکه قویموش، ادب، پاکلیقدا دب.
ایشیغین چالدی قابارماقلیق گونون،
من دئمک یاخدی عزازیلین دونون.
باغرینا باسدی اونو بیر جان کیمی،
ساندی دردین دردینه درمان کیمی.
اؤپدو آلنین شؤوقیلن بیرده الین،
توتدو سیرریندن خبر بیرده یئرین.
گنجه چاتدیردی دئدی:«ـ آخیر دؤزوم،
باشدا گل اگلش سنه قوربان ااؤزوم.
گئتدی سنلن سویله‌دی مندن حرج،
صبرینن تاپدیم بلی آخیر فرج.
آچیلار سنلن بیزه مین بیر دوگون،
قیش اولار یاز بیزلره، یاس توی دوگون.
قورتار اینسان پالچیغا باتسا نادان،
وار اوره‌کده هر نه سنسن آنلادان.
مرحبا! ای مجتبی! ای مرتضی!
بیزلره وئرمز امان سنسیز قضا.
ای منه مولا، اوزوم سنلن گولر،
کیم سنه اوغراشماسا آخیر اؤلر.»
قیزیل قلم آذر- م. کریمی

دیدگاه بگذارید

avatar
  Subscribe  
باخبر شدن از
سامانه پیامکی
اشتراک روزنامه

عزیزان علاقه مند به دریافت مرتب روزنامه ساقی آذربایجان از طریق پست می توانند با دفتر روزنامه تماس حاصل نموده و یا به سامانه پیام کوتاه روزنامه پیامک بفرستند.

اشتراک یکساله: 340 هزار تومان

اشتراک شش ماهه: 170 هزار تومان

ضمنا هزینه بسته بندی و ارسال از طریق پست بر عهده روزنامه می باشد.

درخواست اشتراک آنلاین

اشتراک پیامک

برای عضویت در خبرنامه پیامکی، اطلاعات خود را وارد کنید

اشتراک ایمیلی

نظرسنجی

وب سایت را چگونه ارزیابی می کنید؟

نمایش نتایج

Loading ... Loading ...
آذربایجانین گوزه للیک لری
پیگیری وعده مسئولان
  • از مسئولین محترم استان که وعده های آنان در این ستون پیگیری گردیده خواهشمند است توضیحات خود را در خصوص علل عدم تحقق وعده های داده شده جهت اطلاع شهروندان محترم و تنویر افکار عمومی به دفتر روزنامه ساقی ارسال فرمایند.

تصویر روز